حبيت شايب لا تقولـون لـي ليـه=لقيت عنده ما أبـي العـزّ والجـاه
ولقيت عنده حبّ من قلـب يعطيـه=هو حبّي الاول ولاخـر وانـا افـداه
قرب على التسعين لا شـي يشكيـه=سلفه يـدّق بـلا اشتـراكٍ وتحمـاه
مهما طلبتـه قـال حاضـر ولبّيـه=يركض على شاني ولا همّـه شـراه
لو هو لبـن عصفـور لابـدّ لاقيـه=يفرح اذا مـن قلـت يـارب تجـزاه
وان ضاق صدري بان حزنه بعينيـه=ورحت اتمشـى فالبساتيـن وايّـاه
يجمع لي أجمل ورد من نقوة ايديـه=والشوك عن دربي يشيلـه بيمنـاه
واذا رجعنا البيـت فالأنـس يحييـه=شال الهجيني والرقـص دوم يهـواه
وان كان ابي "ديسكو" فلا هوب خافيه="البريك داون" يضبطـه مـا تعنّـاه
يا بنـت خـوذي شايـبٍ لا تعدّيـه=خاتـم بيـدّك والمخاليـق بحـمـاه
وش لك بـورعٍ تايـهٍ فـي مفاليـه=امـا سهـر والا دشـاره وبـلـواه
والا فقيـرٍ راتبـك مــا يخلّـيـه=والا غنـي والبخـل دوم بخـطـاه
والا مطـوع وحـدةٍ مـا تكفـيّـه=ولو هي وحيده تنتهي مـن سوايـاه
حتيش لو دينه عـن الغـي ينهيـه=سيارتـه مـن كثـر كرفـه تشكّـاه
ولا تاخذي شاعرترى العشق يغريـه=يا سرع مـا يقلـب لحـبٍ تحـرّاه
ولا تقبلي راعي "تـداول" وتشريـه=فكره مع الاسهـم عشيـقٍ وليـلاه
فالشايب اللـي كبـر جـدّك تمنّيـه=لو قـدّر الله مـات فالـورث ذكـراه
من بعدهـا تشريـن زوجٍ وتغنيـه=دام الشبـاب اليـوم فقـره توطّـاه
ويصيـر لـك ظـلٍ وتيـسٍ تربّيـه=برويتبٍ مثـل الموظـف ولا احـلاه