اشهد اني مارفعتك غير احطك فى الضريح=قلب ملهوفاً تعلق في هوى سيـد المـلاح
لازهمني حب حبي أحذف شماغي واصيح=ويل ويلي ياعذابي لازهمنـي ثـم صـاح
كيف أجيه وين أروح بين أقوم وبين أطيح=ول ياعشقاً جبرني فيه قلبي مـا استـراح
أذكرني صاملاً بنساك يا الوصل الشحيـح=ضامياً عدك وردته وأثرك السـم الذحـاح
أحسبني لاهجرتك قلبـك القاسـي يسيـح=وأثري الي فيك مبلي طالباً منـك السمـاح
ومادريت الا بصوتاً قال بلسانـاً فصيـح=من يُرِيْدُ المجدَ حقاً فليواصل بـا الكفـاح
عندها لبيه في لبيـه يـا الوجـه المليـح=قلتها لك وسط روحي ألف رمح من الرماح
حالفاً با الله وصلك ماثنى الساق الجريـح=لو بنو دونك حيود ولو سراب الشوف راح
حن تحزمنا لعينـك زاح زحزيحـاً يزيـح=زوح زياح الزواحي زاح شياً مـا يـزاح
وش تبي غير الحقيقه ما يصح الا الصحيح=لاطرو باسمك عليه فـز قلبـي ثـم نـاح
مير جاوب لاتحرك وأنت جالس مستريـح=نوح قلبي لازهمني حبك العـذب القـراح
ثم قلي لاعدمتك ضاق بي الكون الفسيـح=وين قفو بك خوالك من عقب هاك المراح
يكفي إنك ياسمـي الريـم فينـي مستبيـح=ويكفي إني فيك هايم ذنب حبي لك مبـاح
لجلك أتبع كل بارق وأتنطـح كـل ريـح=وأسبر نجوم وكواكب من مساها لصبـاح
وكل ماشفت زولاً قمت اناديلـه وأصيـح=أتنشد عنكم منكم أطلب إطـلاق السـراح
وكل ماشفت طيراً هاتك الصوت الجريـح=هيض الفكر صوته غن يا طيـر الفـلاح
وش تبي غير الحقيقه ما يصح الا الصحيح=لاطرو باسمك عليه فـز قلبـي ثـم نـاح