يـابــوي جـعـلـك للـبـقـا والمـكـاسـيـب=عمـري بدونـك يالـذ ّرا ويـش أبـي بـه
يابـوي تـسـأل عــن شـفـاك المراقـيـب=طـلـعـة ســواتــك لـلـنّـوايـف غـريـبــه
ليه المرض مايعـرف الزّيـن والعيـب ؟=مـايــدري انـــك للمخـالـيـق هـيـبــه !!
أبسألـك وش بـه غـزا وجهـك الشـيـب=والـقـلـب لايـــع والـنـواظــر شـحـيـبـه
وش بك تحاتي لانـوى المـوت تغريـب=تـخـشـى عـلـيـنـا بالـلـيّـالـي الكـئـيـبـه
خـذ دلّتـك واركـى علـى مسنـد الجـيـب=وعطنـي شماغـك بلثمـه وأحتـمـي بــه
ونـروّح لأرض ٍ بهـا العشـب والطـيـب=وتسـمـع كــلام ٍ يـالـغـلا تحـتـفـي بـــه
يـابـوي بـنـتـك لاانـحـكـى بالتّـجـاريـب=كــل ٍ يـشــق لهـيـبـه الـصّـيـت جـيـبـه
يابـوي مانـي مــن ســوات المخـاريـب=الـلّــي تـجـيـب لعـلـيَـة الـقــوم خـيـبـه
وماني من اللّـي لامشـت حفّهـا الرّيـب=أنـــا مـــن الــلّــي مـايـدنّــس حـلـيـبـه
مرفـوع شـانـي عــن غــرام المكاتـيـب=وأكـبـر مــن انّـنـي أرتـضـي بالحبيـبـه
أنـــا غـرامــي لاابــتــدوا بالـتّـراحـيـب=نـفـوس الأوادم فــي وجــودي رحيـبـه
وان كــان زيـنـي فـتـنـة ٍ للمـصـاويـب=أحـــط وجــهــي بـالـحـريـق ولـهـيـبـه
زينـي أبيعـه وأشتـري سمـعـه الطّـيـب=اسـم ٍ ينـومـس بالـصّـروح الــذ ّهيـبـه
وان كان عندي ( بالحلا) شي ٍ اصعيب=عـنــدي جـــدود ٍ مـارضــت بالغـلـيـبـه
دمــوع القبـايـل فــي لقـانـا مسـاكـيـب=كــــن الـمـقـابـر لاحـضــرنــا قـريــبــه
خضّبـت لـك كفّـي مـن الـعـز تخضـيـب=ورفـعــت راســـي للـنّـجـوم الصّعـيـبـه
والله لأســــدّك بـالـفـعـول المـصـالـيـب=والله لأشـيـلــك بـالـرخــا والـمـصـيـبـه
طـلـع المعـالـي ماانـحـكـم للـشّـواريـب=بـنـت ٍ وأنـاطـح فــارس الـقـوم طيـبـه
وياشيـخـي إبـشـر لـوتـدور الـدّوالـيـب=بنتـك إلا مـنّـه عــوى الـذّيـب ( ذيـبـه)