بسم الله الرحمن الرحيم

حبيت أتناقش معاكم عن موضوع طلبات المدارس الزائدة والغير ضرورية أياً كانت

هل هي فعلاً موجوده بكثرة مثل مانسمع ولا أقل بكثير؟؟؟


لاوالله موجودة بكثثثثثرة

وإن كانت موجوده بكثرة أيهم أكثر طلبات مدارس الأولاد أم البنات؟؟؟

يمكن البنات أكثر لأن عندهم فنية وتفصيل وطبخ

الفنية عند الاولاد والبنات بس الأولاد ما يطلبون منهم إلا بس كراسة وألوان مو مثل البنات حتى الأغراض إلي يطلبونها اساميها صعبة

والتفصيل طبعاً غني عن التعريف مزززززعج يعني ناخذ الخياطة على الباترن وخرااابيط وأنا على بالي ان الناس إلى الحين إذا بغت تخيط تسوي مثل خطواتنا يحطون على ورق ويلونون ويقصون وإزعاااج

وسألت الإستاذة قلت الحين الخياط يسوي كل هذا عشان يخيط؟ قالت لا

قلت أجل ليش ناخذه

قسم بالله حصة تطفش بس أنا كنت أقعد قدام عشان الاستاذة تطبق على شغلي وتوري البنات وما أسوي شيء (*33)

والطبخ نفس الشيء نزين الدفتر وصور و.....الخ

أما الأولاد فما أدري عن طلباتهم بس أخوي لو طلب يطلب ألوان مائية بس نفس الشيء مو أي نوع نوع محدد

والرياضة كل يوم جايب لنا فريق ويبغى يشتري فنيلته و رقمه<< دولابه كله من هالفنايل كل واحدة رقم ولون


وهذا طبعا غير اللوحات وتزيين الفصل والنشاطات والحفلات وطلباتها

ومن المسؤول عن ذلك هل هو مدير أم مديرة المدرسة أم المعلم أو المعلمة؟؟وماهو الحل؟؟

المعلمة طبعاً إلا إذا كانتـ المديرة دارية عن هذه الطلبات فهي أيضاً مسؤلة.

الحل يخفون عن الطلبات شوي او يطلبون طلبات معقولة أو يقسمون الطلبات بين البنات بعني مو كل البناتـ يجيبون نفس الطلبات.

هل يجهل كثير من المعلمات أن سبب توحيد اللباس بالنسبة للطالبات هو عدم وضع تفرقة بين الطالبات وبمعنى أصح بين الفقير والغني؟؟؟

تنظيم وترتيب.

يعني الحين هم بالمريول ويتزينونـ ويتكشخوونـ وموديلات في هالمريولـ وحركاات

أجل لو ماوحدوا اللبس كان المدرسة يبغى لها ميزانية ثانية

هل يجهل المعلم أو المعلمة أنه يوجد طلاب أو طالبات لايستطيعون الحصول على الفسحة بشكل يومي وفي مرات لايستطيعون الحصول عليها بتاتاً؟؟

والله ماأدري عنهم <<تبغى اسألهم (*10)

بس أكيد يعرفون إن فيه فرق بين البنات فيه الغنية وفيه المتوسطة وفيه الي على قد حالها

هل يستخدم المعلم أو المعلمات خصم الدرجات كوسيلة لإجبار الطالب أو الطالبة بإحضار هذه الطلبات ؟؟

بعضهم.

وهل تعتقدون أن المعلم أو المعلمة اللذين يستخدمون هذا الأسلوب هم فعلأ على حق أم عدم إحساس بمعاناة الغير؟؟

بعض الأحيان معهم حق عشان بعض الطالبات مستهترات

هل وضع الدرجات لمن لم يحضر هذه الطلبات بدون خصم على من لايحضر تعتبر أيضاً حل أم أقل ضرر؟؟

ماأدري

هل يوجد خطاب من وزارة التربية والتعليم بمنع هذه الظاهرة؟؟

والله ماأدري عنهم لوكنت أشتغل في وزارة التربية والتعليم كان قلت لكـ (*8)


بالنهاية هذي مجرد أسئلة ومو شرط تجاوبون عليها فقط لتوضيح بعض النقاط
وياليت العموم يبدي رأيه ولو بإختصار وإن شاء الله بعد ماشووف مشاركاتكم بحاول إني أعطيكم وجهة نظري بالإضافة إلى الرد حسب وجهة نظري على الجميع وتقبلووو تحياتي,,,