السلام عليكم ورحمة الله وبركاته


كيفكم ياحلوين إنشاء الله مبسوطين


ندخل علطول بالموضوع


يسعدني ويشرفني وإنه لمن دواعي سروري العظيم أن أعلن لكم وأزف لكم لكم إفتتاح الفرح الجديد من سلسلة مقاهي ديووانيه روائع العالمية , هنا في والذي سوف أقوم بقص شريطة بعد عدة ثواني



ـــــــــــــــــــــــــــــــــــــــــــــ ـــ <<< هذا الشريط



ــــــــــــــــــــــ ـــــــــــــــــــــــ <<< قصيت الشريط




وااااااااااااااااااااااو ياهووووووووووووووو وصوت تصفيق حار <<< صوت الجمهور



مدير الفرع الاخ طرررفش : شكرا شكرا لا داااااااااااااعي شباب لا داعي


<<< هنا بس تؤمنون بصدق مقوله (العقل نعمة )


نائب مدير الفرع الي مابعد عينه : أما الآن مع كلمة مدير الفرع طرررفش
فل يتفضل مشكور


وااااااااااااااااااااااو ياهووووووووووووووو وصوت تصفيق حار جدا جدا وتحليت ورد وحلاو شوكولاين وباتشي <<< ردة فعل الجمهور


<<< حمرت خدوده من الحيا


المدير طرررفش : شكرا شكرا أخجلتم تواضعي


ياهوووووووووووووووو <<< رجع الجمهور يصفق مررررررررره ثانيه وبأقوى ماعنده


المدير طرررفش : والمكاااااااافأه مضاعفه <<< تحمس زيادة عن اللزوم
وتخيل نفسه سلطان بن فهد يكلم لعيبة المنتخب


بسم الله وعلى بركة الله أعلن لكم إفتتاح الفرع الجديد ديووانيه روائع والذي أتمنى من أعماق قلبي أن ينجح إفتتاحه بكل المقاييس والمعايير

أحم أحم , معليش جمهوري العزيز مضطر أتكلم عامّي عشان الموضوع يقتضي كذا


شوفوا عاد من الأخير كذا , أنا أفتتحت هالفرع فقط لفئة وشريحه معينه من المجتمع واللي يشوف نفسه ينتمي لهالفئه فالله يعافيه يطس مشكورا

طيب هنا قائمة المسموح لهم بالدخول :

1-المرتبة الأول والتي لايعلى عليها : راعين طق الحنك والسوالف وسعة الصدر يعني الثرثارين اللي كل مادخلوا موضوع قلبوه سوالف
نمشي ونقفل وراهم <<< مايقصد نفسه أبدن
2-المرتبة الثانية : اللي ضايق صدرة والدنيا صاكتة مخمس ومنسدة بوجهه يجي هنا ويفلها وربه يحلها
3-المرتبة الثالثه : اللي فيه حرّة من دكتور دابلن تسبده بالكليه ولا مدّرسـه بالمدرسه ولا متهاوش مع أحد ويبغى يلعن خيره بالحش أو برسم مخطط جهنمي لنسف المتوهق يجي هنا <<< بداية الشطح
4-المرتبة الرابعه : اللي فيه شر ودايم هايج تسنه ثور ويبي يطلع شره يجي هنا ترى فيه قاعـــه مخصصه لهم حاطين جدرانها بلاستيك مكس وذ مطاط ومجدّعين بأنحائها أكواب قزاز وصحون وحصى ونبيطات وعبس تمر وزبيريات وبلك وكل مايخطر على بالكم من هالأدوات لتسهيل المهمة على اللي فيهم شر إن بغوا يتحالتون ولا يتكافخون فيهن والإدارة غير مسؤله عما سيحصل لهم بل تكتفي بوضع سيارات إسعاف تحسبا للحالات الطارئه فقط <<< خوش إدارة والله ماقصروا الله يجزاهم خير
5-المرتبة الخامسة : اللي متهاوش مع أهلة وطاردينه يجي هنا ترى فيه أهل بدكة الإحتياط
6-المرتبة السادسة : اللي منبطته تسبده من الإمتحانات يجي هنا ويلقى سعة الصدر يالله من فضلك <<< يقاله يسوي إغراءات


ملاحضه : يمنع منعا باتا قاطعا لارجعه فيه دخول ثقال الدم والسامجين والماصلين وشلتهم , ومن يتجرئ منهم بالدخول فسوف يجد نفسه بقاعه الشر (أم جدران بلاستيك) وعز الله مايطلع منها لين يتفل العافيه ويحرم يدخل نيهيهيهيا


وختاما أزف لكم بشرى عظيمه جدا جدا ألا وهي أنني بعظمتي وبسموّوي وبشهرتي اللا متناهيه سوف أتنازل لمستوى الشعب وأفلهّا معهم إنطلاقا من قول (يهلك الإنسان نفسه في طلب الشهرة , فإذا أدركها زهد فيها ) هه شوفوني زهدت بشهرتي عشانكم <<< يرحم أمك تكفى


أووووه نسيت أقولكم ترى كل يوم بنعرض لكم مباريات النصر ولو إعاده وغيرة مافيه !!! إلا إن كانت مباريات للمنتخب أو إي سي ميلان فقط واللي موب عاجبه يطس ترى الباب يوسع بعير


واللي عنده أي إستفسار ولا سؤال ولا شكوى ولا شي , يتوجه لنائب مدير الفرع
الي مابعد تعين وإذا ماعطهم وجه يروح لنائب مديرة الفرع السيده (ليالي الشرقية) وإن ماعبرّه يروح للمشرف على الموظفين السيد (الزلزل) وإذا عطاه أشكل يراسل المسؤله عن الفرع إلكترونيا الآخ (دكتور) على الإيميل التالي

تم حذف البريد بواسطة الإدارة ... يرجى الإلتزام بالقوانين <<< أمزح لاتصدقون تراهه خربوطي


وإن مالقّكم خبر وش أسوي لكم !!!

ياخي لاتشتكون لأحد ترى الشكوى لغير الله مذله

وترى الضحك دواء والمرح شفاء وقلة المبالاة منجاة لمن أورثته كثرة الأعباء وشدة الأمراض


تحياتي