شعارنا أبتسم عند الهزيمة...
خلونا نضحك شوي على فريق الأحلام (الغفلة)

واعذرونا لأن بعض النكت مكررة,,,,

نادي الهلال يرفع قضية على وزير العمل غاازي القصيبي بسبب عدم سعوده الحكاام مما أدى الى حرمان الهلال من جميع بطولات هذا الموسم

حكم سوداني يبي يحكم مباراة طرفها الهلال في بطولة خارجية ، قاعده زوجته توصيه وتقول له : " شوف يا عصمان ، إحنا دايرين شنو ؟ إحنا دايرين نآكل البزورة ، خليك مع الهلال طوالي ، واشرط كل هدف بغمطة " .

رساله من مرور الرياض: نظرا لأزدحام كبري الخليج والوشم يمكنكم التوجه الى كبري الدعيع!!

هلالي قالت له زوجته

مسائك نـــــــــور

طــــــــــــــــــــــلقها

سؤال المليون : كم رقم فانيلة حارس الاتحاد

هلالي يشتغل في شركة الكهرباء" سكيكو" قال له رئيسة طف (المولد) من الروعة قال : ياشيخ حنا ناقصين كباري

سامي القابر يعلن أعتزاله لحين عودةالثقة للحكم السعودي

الاتحاد السعودي يسمح لمحمد الدعيع بلبس السروال الافغاني وذلك لكي لا تتكرر أهداف الكباريات

أمانة مدينة الرياض تجري تجارب بالتعاون مع المرور لمعرفة جدوى استخدام كوبري حارس الهلال لفك زحمة طريق خريص

منصور البلوي يتبرع بخياطة سروال افغاني كبير الحجم للدعيع على نفقته الخاصة بعد الكوبري الفضيحة

هلالي سافر خارج السعودية وهو في البار قال للجرسون عطني كاس رد عليه الجرسون... ليه شايفني حكم

ادارةالهلال تخطط للعام القادم لاقامة معسكر في استراحة ابوزنده بدلا من معسكر مدينة العين


************************************************** ***********
• • لبناني قبض عليه بتهمة رشوة قال : " شو ، هذا الهلال عايش على هيدي شغله وما حدا عم بيكلمه ". ههههههه

الأبلة : قولي انشودة يا شاطرة . الطفلة : حطة يا بطة ... شيلي الشنطة ... فوق التندة .... لأبو زندة ..... فيها قهوة ..... وبوسه ورشوة •

إمام مسجد يحدث بعد الصلاة : " لعن الله الراشي والمرتشي " ، قال حكم : " وش دراه إني فيه ".

• هلالي لقى صفّارة طايحه في الشارع ، قال : " فزّ قلبي بسرور وإحساس / كم عطيتينا من فوز وكاس ".

• مدرب الهلال ينهي الحديث عن خطة اللعب ويقول : فاهمين ياشباب ؟ المدافعين ولاعبي الوسط والمهاجمين ، كل لاعب عرف مهمته ، أما الحكم فلاعب حرّ • هلالي في النادي قاعد يتفرج على الكيسان والدروع ، شاف من ضمنها ( صفّارة ) سأل عنها ، قالوا له : " هذي اُم البطولات ".

حكم طول عمره يتمنى يحكم للهلال مباراة ، ومستعجل المكافآت منهم ! ، قبل ما تسنتر المباراة صفر بلنتي • حكم يطرّ في مسجد ويقول : " أيها المسلمون ، أنا ضعيّف وأبو عيال ، ومن زمان ما حكّمت للهلال " .

• حكم ضيّع الشيك اللي معطيه له عضو شرف الهلال، جاء يركض ويقول : "ضاع الشيك يا طويل العمر، ما تنعاد المباراة وأفوزكم مرة ثانية ؟ ".

• هلالي جابت زوجته توأم ولد وبنت ، سمى الولد ( حكم ) ، وسمى البنت ( رشوة) ههههه

• سألوا هلالي مخضرم ، متى حقق الهلال بطولة مستحقة ؟ قال : " في الواقع وأنا صغيّر أذكر حاجة زي كذا .

• هلالي نايم ، حلّم أن فريقه خذ بطولة بجدارة واستحقاق ، قام مفزوع وقال : " اللهم اجعله خير ".

• واحد يغازل وحده في التلفون ويقول : " أحبك حب الشباب للقهاوي وحب المريض للتداوي وحب الهلال لدفع الرشاوي... ههههههه

• حكم طفران راح للبنك يشوف كم بقى له في الرصيد ، تفاجأ بوجود مبلغ محترم في الحساب ، قال : " إيه صح ..... بحكم مباراة مهمة للهلال الأسبوع الجاي ".

• سؤال لنادي الهلال : متى فزت ببطولة مستحقة آخر مرة ؟. قال الهلال :" في الحقيقة ..... في الواقع ..... بصراحة ........ لحظة .... إصبر أتذكر ".

• عضو شرف هلالي مهم يقول للحكم : " تستاهل ، هذا شيك وهذي شارة دولية " قال الحكم : " أموت أنا في المفهومية ".

• طفل يقول لأبوه الهلالي : " ليش الطلاب يقولون الهلال عقيم ؟. قال أبوه : " قلهم وانا أبوك ترى فيه أطفال أنابيب ".

• طفل هلالي لأخوه : " اُمي تقول : "طلّعوا النصر من الدوري علشان السعلو بياكلنا " . أكيد تعرفون السعلو...هههههه"

• مشجع هلالي راح لمحل فيديو يقول : " أبغى مباراة حلوة للهلال ". قال البائع : " تبغى مباراة أبو زندة ؟ والا مباراة المهنا أو مباراة معجب؟ .... وتبغى نصيحتي لا تفوتك مباراة الدخيل تراها حلوة كذا

• معلق كوره : " الكوره مع عبدالله الجمعان يباصيها للحكم خذ وهات مع الجابر ... ياسلام قول هلالي حــــلو " .

• حكم يبي يحكم مباراة الهلال طرف فيها ، مغصه بطنه وهو في الملعب ، راح يركض وهو يصيح : " الله لا يبارك في الهلاليين ولا ساعتهم ولا عزايمهم اللي ما تجي إلا عند المربّع والمباريات الحاسمة ! ".

• الفتاة لأبوها : "يبه ، شرطي في الزواج ، إن نادي الهلال يحقق بطولة بجدارة ومن عرق جبينه" . قال ابوها : "أجل عزّ الله عنستي يا بنيتي ". • كأس ضاع من دالوب الهلال وقاعدين يدورون عليه ، قال واحد : " إن كان حلال نبي نلقاه " قال هلالي : " أجل عزّ الله ضاع " .

• مدرب الهلال يقول خطته بحماس : " ياشباب اسمعوا ، إذا جت الكوره معكم كلكم هاجموا ، وإذا جت الكوره عليكم كلكم امسكوا حارس ".

• نظام الفيفا الهلالي الجديد يقرر : ( آخر لاعب يعتبر حارس مرمى ) .

• هلالي يقول لوحده يحبها : " تتزوجيني واعطيك شقه هديه " ، قالت : " أنا موافقة بس ياخذ الهلال بطولة بعرق جبينه "، قال :" ما ينفع عمارة كاملة وتنسين الموضوع ؟

• واحد يقول للثاني : يا أخي متى آخر مرة تقابلنا فيها ؟، قال خويه : تقابلنا ذاك اليوم اللي الحكم أبو زنده فوّز الهلال ببطولة المؤسس ، قال الأول : لا وانت الصادق تقابلنا ذيك المرة اللي الحكم المهنا عطى الهلال بطولة الصداقة !! .

• واحد يقول لهلالي : " افرض انهم صنعوا حكم آلي وش تسوون ؟ قال : بس ، بسيطة ندخل فيه كارت أزرق وأبيض ".

• جنيّه دخلت في هلالي ، ودوه لمطوع يقرا عليه ، قالت الجنيه : " ما أطلع إلا برشوه "

• حكم لبناني في بطولة خارجية : " بدي هيك وهيك " ، قاله هلالي : " قصدك قهوة وشيك ؟ وفوقها بوسة على خديك "

• وحكم مصري مواعده عضو شرف هلالي ببخشيش محترم إذا فاز الهلال ، أثناء المباراة أحتسب ضربتين جزاء في وقت واحد ، قال : الضربة الأولانية عشان خاطر اللاعب وقع جوا الصندوق والتانية عشان الحبايب ! .

• معلق رياضي دائماُ يخاف من صحف الهلال يعلق على مباراة : " اوووه كوع هلالي في وجه لاعب نصراوي ، عفواً قصدي وجه اللاعب النصراوي تضرب كوع اللاعب الهلالي ".

• معلق رياضي متعود على المهازل يعلق : " هجمة خطرة على الهلال ، يا سلام يطلعها المدافع النزهان بأيده وتروح الكوره لنص الملعب وهجمه هلاليه خطره.... و .

• هلالي حك فانوس طلع له العفريت وقال :" شبيك لبيك إدهن سيري وأعطيك

• هلالي زلق في دورة المياه ، رفع يده يبغى بلنتي .

• حكم لزوجته : " يا حرمه وين شيك مباراة الهلال والطائي اللي عطيته عضو الهلال ؟. قالت زوجته : " هقوتي إنه في الدولاب مع شيك مباراة الهلال والاتحاد ".

• محلل رياضي في القناة الفضائية : " فيه بلنتي على الهلال ما حسبه الحكم ". قال عضو هلالي : " أفا ، نسينا المحلل ما عطيناه شيك " (ضحكت من جد)

• حكموا على واحد في قضية اغتصاب ، قال : " تحطون حرتكم فيني ، هذا الهلال كل يوم يغتصب البطولات ما قلتوله شيء ".

• حكم سوداني يبي يحكم مباراة طرفها الهلال في بطولة خارجية ، قاعده زوجته توصيه وتقول له : " شوف يا عصمان ، إحنا دايرين شنو ؟ إحنا دايرين نآكل البزورة ، خليك مع الهلال طوالي ، واشرط كل هدف بغمطة " .

• وحده تقول لواحد مواعدها بالخطبة والزواج : " تراني بعتمد عليك مثل اعتماد الهلال على التحكيم ".

• حكم ماسك سرا يشتري خبز ، قاله الخبّاز : " فين فلوس ؟ " ، قال الحكم : " حسابك عند الهلالي اللي وراي ".

• مصري هلالي يتفرج على مباراة للهلال في التلفزيون ، ويقول :" يا حكم خليك زي عوايدك معانا حنيّن ، الشر ما يجيلك ولا يبيّن ".

• مدرس مسك طالب يغش ، قاله : ليش تغش يا فهد ، قال الطالب : " ابعد يدك ، أنا هلالي ". •

• حكم مات ، يوم فتحوا خزينته لقوا ضميره مخبيه مع أوراق وصكوك .

• حكم طفران ، قاد مباراة فوّز فيها الهلال بالطريقة المعتاده ، عياله جالسين يتفرجون على المباراة في التلفزيون ، يوم انتهت ، قاموا يقامزون فرحانين ويقولون : " يا سلام يبي يجي ابونا ومعه شيك ونسافر في العطلة ونتمشى ".

• حرمتين يتحدون ، تقول وحده : " أبغى ولدي يطلع عسكري راتبه كبير ومعه بندق يدافع عن الوطن ، قالت الثانية : " وأنا أبغى ولدي يطلع حكم ومعه صفّاره تفوّز الهلال ويعطونه مكافآت أكثر من راتب ولدك ".

• فيه داشر جاء لم واحد عقيم ، قاله : ليش ما تسوي زي الهلال عقيم بس يبشر كل شوي بولد ؟.

• مدرس مصري يقول لطالب غني يشجع الهلال : إنت يا بني ، ليش ما تعمل زي النادي بتاعك ( على الحكام بيرش فلوس تجيله البطولات تبوس ).

• نادي الهلال قاعد يحتفل ببطولة ، قال واحد من مسئوليه :" حققنا البطولات بالتعب والجد والاجتهاد "، فجأة سمعوا صفارة ، التفتوا لقوا حكم يقول : " واللي سمعتوها قبل شوي وين راحت من التكريم ؟ ".

• خوينا المعلق اللي دائماً يخاف من الصحافة : يا ساتر ، لاعب هلالي يشوت رأس لاعب اتحادي ، عفوا آسف ، قصدي اللاعب الهلالي كان مرتبك وشات رأس اللاعب يحسبها كوره ".

• حكم طفران، أتصل على عضو شرف هلالي وقاله : " أبغى دراهم وقدرها "، قال العضو : " وين راحت الدراهم اللي عطيناك قريب ؟ " قال :" اسمع ... المباراة الجاية بعطيكم بلنتيين والثالث مجاناً ".

وبعد موجة الأفلام الهندية التي سيطرت مؤخراً على المباريات والتي دائماً ما يكون الهلال طرفاً فيها كانت هذه الطرائف : • موجز الأخبار الهندية : بالتحكيمهي زندتي حقق هلالهي بطولتهي بكتير رشوتي .

• رئيس شركة أفلام هندية زعلان يقول : " كيف هذا هلال سوي فيلم هندي ما فيه اتفاق سوا سوا ".

• هندي شغل الدش لقى مباراة للهلال صاح ينادي زميله : " تعال كومار ، شوف فيلم هندي نمبر ون ".

• هندي بعد نهاية الموسم قاعد يصيح ويقول : " موسم رياضي خلاص ، كيف أنا شوف فيلم هندي ، هلال كتير كويس كل يوم فيلم ....

هندي سمع أن الرعاية وافقت على الحكم الأجنبي ، على طول أتصل بأخوه في الهند وقال له :"راجو .... أنت سوي حكم . على طول هلال فيه سوي فيزه وجيب هنا ".

• هنود قاعدين يتفرجون على فيلم مباراة للهلال ومستانسين مررره وبين الشوطين قعدو يغنون : " هلال حلّي فلّي فريق ثاني خلّي يولي ". • هندي يقول لخويه : ليش كل لاعب هلالي طيح جوا صندوق ، على طول صفارة حكم سوي قرقر ؟.

• بعد نهاية الموسم ، فيه هنود في عزبه تقاطّوا وعطوها للريس حقهم اللي قال : " شوفوا شباب ، هذي فلوس ودي للهلال علشان هو سوي فيلم هندي جديد في العطلة علشان إحنا ما فيه زهق ".

كأس ضاع من دالوب الهلال وقاعدين يدورون عليه ، قال واحد : " إن كان حلال نبي نلقاه " قال هلالي : " أجل عزّ الله ضاع "

الله يعافيك
واشكرك على المرور
وجعل الهلال منذا واردى انشاء الله