 |
 |
|
|
|
|
 |
 |
 |
 |
| ؟؟؟؟؟؟؟؟؟؟؟؟؟؟؟ | قـــــريـــبـا | قـــــريـــبـا | قـــــريـــبـا |
|
|
|
|||||||
| التسجيل | الأسئلة الشائعة | قائمة الأعضاء | التقويم | جعل المنتديات كمقروءة |
 |
|
|
LinkBack | أدوات الموضوع | أنماط العرض |
17-06-2007, 10:53 AM
|
#1 |
|
عضو موقوف
  |
الجـنوب والي يبـي يزورها لازم يطـب في ذا
كلمات وردودها
السلام عليكم ورحمة الله وبركاته أهلا وسهلا ومرحبتن بكم يسرنا ويسعدنا أن نقدم لكم نقلا حيا ومباشرة من قلب الحدث ولا أقول بخليها في موضوع ثاني أكيـــد أشتقتولي صـــح بيني وبينكم طفشنا من بعض المواضيع التقليديه أو المنقوله عمووووما ##مدخـــــــــــــل ## شغل القبيله والمرجله مطلوبه ومرغوبه ولاكن بغير تشدد وتشدق <<< متعوب عليها بمعنى لا نطالب بالهيط والمهايط لا في الكلام ولا الأفعال <<< برضه أدب بل علوم المرجله المحموده في أوقات معينه تتطلب هذه المواقف أو الأفعال <<< ياروووحي بعض الناس تمر عليه مواقف ينحرج منها أو تسبب له في بعض المرآت الأحراج ؟!! <<< يا ويل أمها فسر الماء بعد الجهد بالماء أقصد تصير مواقف للواحد أفهموني مهو مواقف سيارات أقصد موقف محرج خصوصا في أماكن العزائم أو في حضور ضيف أو في مجلس ملئ بالرجال بأن يقوله واحد كلمه عاد خوينا عقبها ينكب ولا يعرف يرد عليه وتضيع طاسته وعلومه ويتغير وجهه وتحمر خدوده ويتصبب عرقا وتكبر وجنتيه مع أبو كحـــل الأمر عادي الآن فقـــط 50 ريال <<< مسوي دعاية الأخ في قناة اليمن عـــادي بلا أحراج بلا هم تصير في أطلق العوائل مسكت في رآسي اليوم أجمع لكم كم كلمه من أهم الكلمات وأشهرها اللي تقال بين الرجال مع ردودها ليستفيد منها أخواني الأعضاء وأسدحها عليكم طبعا ذالموضوع قد نزلتها قبل ثلاث أيام وطفى الكمبيوتر قبل لا أظغط أعتماد الرد وقفلت الأخلاق فصرت أكتبها في المفكره وكل شوي أضغط أكس وأضغط حفظ عشآن ما يطفى الجهاز ( راجع موضوع مشكلة كمبيوتري في قسم الكمبيوتر ) هذا ليه لحد يشره على بعض الشطحات اللي تصير لي وقلة مواضيعي هالفتره <<< الله يذكرك بالخير يالمقلع عموما نرجع لموضوعنا الخطيـــر <<< مصدق وبأسدح لكم بعض الكلمات وتحت بحط شرح مبسط لبعض الكلمات أو الأقوال وبالله التوفيق ,,,, بسم الله نبدأ <<< تقول بيسوي عمليه في العراق أخلص علينا بس ولا يكثر >>> تيب تيب بسم الله الكلمه وردها على هالخشم ********>> عليه الشحم 1 لاهنت ********>>> ولا هنت 2 عز الله مقامك ********> مقامك عزيز 3 جزاك الله خير ********> ويجزاك مثله 4 أبشر بعزك ********>> دام عزك 5 شرواك ******** شرواك الطيب 6 تكرم ******** كرمت 7 فداك ********> فداك اللاش 8 عداك العيب ********> عداك اللاش 9 خير أن شاء الله !! ********> الخير في وجهك 10 بيض الله وجهك ******** ووجهك 11 فرصه سعيده ********> وحنا أسعد 12 تشرفنا ******** الشرف لنا 13 يمناك ********> لاعدمناك 14 شمالن ما تشناك ********> شمالك يمين ونعجك سمين 15 تفضل ******** زاد فضلك 16 الله لا يهينك ********> ولا يهينك أو لا هنت 17 منور الديره ********> منوره بأهلها 18 لا تعبت ******** لا ندمت 19 هنهم ********> وأنت معهم 20 يعطيك خيره ويكفيك شره ******** جزاك الله خير 21 عشت ********> عاشت أيامك 22 آمر ********> ما يآمر عليك عدو أو ظالم 23 خير ********> خير بويهك هع24 أستر على ما واجهت ********> ما واجهت الا كل خير 25 طلبتك ********> تم 26 نخيتك ما نخيت رخوم ********> أطلب عزك ويخسى الرخوم 27 لك ولا للذيب ********> يخسى الذيب 28 مأجور ********> الله يعافيك 29 والسلامه ********> الله يسلمك30 صافي يا لبن ********> حليب يا قشطه هع31 أحبك في الله ********> أحبك الله 32 صحـــه ********> على قلبك33 أنعم الله عليكم ********> بصحه وعافيه 34 رحم الله والديك ********> ووالديك35 أكرمكم الله ******** حياك الله36 صباح الخير ********> صباح النور << باللهي هع37 مساك الله بالخير ********> مساك الله بالنور 38 ماتشوف شر ********> الشر ما يجيك 39 أعذرنا على القصور ********> ما من قصور 40 ## وهــــذا شرح مبسط لبعض ماذكر أعلاه ## 1_ ( على هالخشم ) أذا طلبت شئ من واحد وقالك على هالخشم ترد عليه تقول عليه الشحم 3_ ( عزالله مقامك ) وأنت جالس ودخل واحد ومد يده تصافحه أذا قمت له تمام أذا ما قمت له لأي سبب تمد يدك وتقول عز الله مقامك وهو يرد مقامك عزيز 5_ ( أبشر بعزك ) طبعا طلبت من أحد شئ وقالك أبشر بعزك هذا منتهى الأدب والنخوه ترد عليه بــ دام عزك 6_( شرواك ) طبعا جالسين في جلسه واللي يسولف يتكلم عن شخص وجالس يمدح فيه قدامكم عاد يقول هذا الرجال شرواكم ترد بــ شرواك الطيب 7_ ( تكرم ) طبعا جالسين في مجلس ورجال جاب طاري واحد مكروه والا خبيث ونجس زي بوش تكرمون ولا أحد الحيوانات النجسه مثل الكلب أو الخنزير أكرمكم الله يقووول نفس كلامي الآن تكرمون أو أكرمكم الله أو أعزكم الله ترد أنت بـــ كرررمت ... 14 _ واحد مد يده يبيك تمد يدك يمكن أنك ما شفته أو أنتبهت له يقولك يمناك وأنت تمد يدك ترد عليه لا عدمناك أو أنكم تتكلمون في موضوع وفي النهايه أتفقتم على شئ يمد يده بيمناك وأنت بلا عدمناك ... 15 ( شمالن ما تشناك )هذا سلمكم الله مديت يدك تبي تعطي أحد الأشخاص شئ أكيد بتمد يمينك فرضا جاء ذاك الوقت ضرف ماقدرت تمد يمينك ولازم تمد يدك كأنك تسلم له دراهم ولا تعطيه قلم أو اللي هو تمد يسراك وتقوله شمالن ما تشناك وهو يرد شمالك يمين ونعجك سمين أو فقط شمالك يمين تغني عن الجمله... 19_ ( لا تعبت ) طبعا سافرت من ديره لديره أستقبلك خويك أو اللي هو بيقولك لا تعبت وأنت ترد بــ لا ندمت 20 ( هنهم ) طبعا جالس تتعشى عند رجال أو اللي هو المهم يمر واحد عليكم ويقول هنهم أنت ترد وأنت منهم 25_ ( أستر على ما واجهت ) طبعا واحد قالك سر أو كلام خطير أو كلام ما يبيها تطلع لأحد أو شخص من زمان عنكم بعد ما يقوم يقول أسترو على ما واجهتم عاد ترد بــ ما واجهت الا الطيب أو ما واجهت الا كل خير ... 28 _ ( لك ولا للذيب ) طبعا واحد من أخوياك أو اللي هو <<< ماسكه على اللي هو هع المهم واحد يبي منك فزعه أو خدمه أو وقفه يقولك لك ولا للذيب ترد عليه يخسى الذيب آمر ... 29( مأجور ) تقابلت مع واحد من زمان عنه تقوله مأجور يرد هو بالله يعافيك ... 31_ ( صافي يالبن حليب يا قشطه ) <<< مهيب من علوم القبيله ولاكن تقال للأخويا واللي يمونون على بعض أذا أختلفو في يوم من الأيام وزعلو على بعض وحليتم المشكله تبي تنهي السالفه تقول خلاص صافي يالبن هو يرد يقول حليب يا قشطه وتحط يدك بيده وكلكم تضحكون وترجعون ولا كأن صار شئ <<< تحسه فلم كرتون لوووول 32_ ( أحبك في الله ) حركات أخواننا المطاوعه الله يجزاهم كل خير لا حبو واحد يزبدون لك ماعندهم مشاكل المهم يقولك أحبك في الله عاد لا ينقلب وجهك وتنحرج قله أحبك الله <<< الله يستر بس 33_ ( صحه ) طبعا واحد جلس يكح عندك أو غص بأكله أو اللي هو تقوله صحه وهو يرد بــ على قلبك ... 36_ ( أكرمكم الله ) تقهويت عند رجاجيل أو رجال أو رياجيل لا جيت بتطلع تقول أكرمكم الله ويردون بـــ حياكم الله 40_ ( أعذرونا على القصور ) هذا طبعا لا خلصت من موضوع زيي الآن هع أو أستقبلت ضيوف وأكلو وشربو ورقدو عندك قبل رحيلهم تقولهم أعذرونا على القصور أو على التقصير ويرد بــ ما من قصور وتبدأ تتكلم لا والله عز الله ما قصرت وكفيت ووفيت ومن ذالترييش يعني ريشو بي هااااه فهمتم طبعا فيه كلمات ثانيه ولاكن هذي اللي تحضرني الآن وفيه علوم ثانيه أن شاء الله أذا لقيت فرصه نزلت موضوع ثاني <<< فلها أن شاء الله يستفيد الجميـــع وأعذرونا على القصــور والشاليهات والمنتجعات هع والكمباوندات وأن شاء الله الموضوع حاز على رضاكم وأستحسانكم <<< ما يخلي حركات القناة الأولى والســــلام عليكــــم ,,, |
|
|
|
17-06-2007, 11:25 AM
|
#2 |
|
عضو نشيط
|
يسلموووووووووو
|
|
|
|
|
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | |
|
|
|
|
تبادل نصي مع منتديات روائع
وفي نت |
وجوه تعبيريه |
ضع نصك |
العاب باربي |
العاب بنات |
ضع نصك |
ضع نصك |
ضع نصك |
ضع نصك |
دردشة
ضع نصك |
اغاني |
ضع نصك |
سحر الغرام |
استضافه تصميم |
ضع نصك |
ضع نصك |
ضع نصك |
ضع نصك |
ضع نصك
 |
 |
النمط الخطي
