 |
 |
|
|
|
|
 |
 |
 |
 |
| ؟؟؟؟؟؟؟؟؟؟؟؟؟؟؟ | قـــــريـــبـا | قـــــريـــبـا | قـــــريـــبـا |
|
|||||||
| التسجيل | الأسئلة الشائعة | قائمة الأعضاء | التقويم | جعل المنتديات كمقروءة |
 |
|
|
LinkBack | أدوات الموضوع | أنماط العرض |
27-06-2007, 10:55 PM
|
#1 |
|
من كبار روائع
  |
رمسة هل الامارات ..والله انها غااااويه
السلام عليكووووو .. شحالكووو ربكووا الا بخير..
اليوم حبيت انزل لكم بعض الكلمات من رمستنا الي نرمسبها او نقولها ..عسب تتعرفون عليها ..واتمنى انها تنال اعجابكم ..<<< على فكره نزلت الموضوع تنفيذا لحكم العضو صالح ..ولا انا مالي بارض انزل شي.. ودي انزل احسن عن جيه .. يلا طفرتبكم من كثر الهذره ..شسوي لساني هب طايع يدش ثميه ككككككككككككككككع(*16) نبدأ:::: الرزيف: رقصه رجاليــّـــه ... الردحــــه : رقصه مشهوره عند الحريـّــم ... البذوار : الطير ( الصغير ) شوي اكبر عن الفرخ ... الشرياص : الطير الصغير قبل لا ايغدي طير لكنه ايرووم ايطير .. الصرود : السفره من الخوص ... الخوص : سعف النخيل .. الدعووون : هو جدار البيت المصنووع من الخوص اليابس والمترابط بحبل البارجيل: مكيف الخمسينات ابراج مرتفعه من اللبن يدخل الهوا البارد لها ... الجازول : اخر الخطام ( اخر الحبل ) ... الشداد : ما يوظع ع الرجاب كي تجلس عليه وتسيطر به ع الرجاب .. السردال :امير مراكب الغوص .... الجيون : اللولو .. التبر :الذهب ... الخرج: جيب من السدو... الحنّــه :الحنطه ...... اليعده :دوا ... الفلاس : جرار يحطون به ويحفظون به التمر ... الخرس: وعاء مخرووطي قاعدته مستديره والقاعده لاعلى لحفظ الماء بارد .. الزل : السجاد .... الغلس : انسان مايعرف الاتيكيت ف الكلام .... الزربو: جوارب ... دلاغ ... الدمـّــاج او الدمـّــاك : هو الخلال اللي يطيح من النخله ويكون لونه اسود وطعمه احليو ... البيالــه : فنجان الشاي ... ( استكانه ) .. الخوّاره : الناقه اللي خارت قواها امررره .. اليفول : الناقه لي ترتعب من اي شي ... عونك : بمعنى لبيه او ياك العون ... الاملح : الاسود .... مملوح : وسيم .. اليفره او الجفره: الحفره .. نهي : بمعنى ذهب اي سار هيد: ..توقف او تريث زويه : تطلق على الحَمّام قديما طنب : القطعة التي تصل ما بين زوايا الخيمه العرقوب : المرتفع من الأرض غدف : خلف او بعد الشيء السولعي : ذات الرقبه الطويله الحر: نوع من انواع الصقور الدقل : عمود الساريه للسفينه الحِبْ :نوع من انواع الجرار الفخاريه يكون كبيرا نوعا ما يوضع فيه الماء قديما ليبقى باردا السقا والثبر :... اي المد والجزر يونيه : تطلق على الخيشة الظو : يطلق على النار السبلة : تطلق على الحجرة المنز : تطلق على مهد الطفل البيدار : تطلق على اللي يشرف على المزرعه يواقع : معناتها اللي يعصب او يصارخ على غيره يزقر : معناتها ينادي طـــــريت : ( ذكــرت أو قلــت ) .. غبـــــنه : ( غـــــصه ) .. حشــــى عليه : ... ( للانكـــار ) .. صـــــوحي : ( ســــــري ) ... يبــــوح : ( يفشي)..... ســـــرى : ( رحــــل ) ..... ضــــوى : ( رجــــع) قيـــــلت : ( اليلـسه في مكان معين لين فتره الظهر)... المبيـــت : ( ييلس الشخص في مكان معين لعده ايام)..... عــزرت : ( اجبرت) .... يواجع : معناتها اللي يعصب او يصارخ على غيره غثيتنـــــا : ( أذيتنـــــــا ) .... الغشيـــــم : ( اللي ما يعرف شي ) .... انعتنـــــي : ( دلنـــــي ) ... ســـرينــا : ( روحنـــــا ) ... جــــدى : ( صــــوب ) ... هووود : عند الدخووول الى أي مكان ... يا لقعتيه : ( يا مصيبتيه) يا عثرتيـه : ( يا مصيبتيه) انقفض : ( استعيل) خــاري : ( برع ) صدعه : (حشره أو ازعاج) السيح : المكان الواااسع المترامي الاطراف هذربان : كلاام ورمسة مستمرة هــــــــزرك : ( ظنـــــــك ) طبـــــــزني : ( ضــــربني ) هدمنيه: ( رقدنيه) |
|
|
|
27-06-2007, 11:01 PM
|
#2 |
|
لحظـ صمت ـة
|
هههههههههههههههههههه الله ياخذ بليسك هذا قاموس نرجع له إذا مافهمنا عليك بعض الكلمات هههههههههههههه
يسلمووووو على الموضوع الشيق ويعطيك العافية يالغالية ,,, |
|
|
|
|
27-06-2007, 11:29 PM
|
#3 |
|
من كبار روائع
|
يسلمووووووو عالقاموس الحلو
صالح بانزله فجوالي عشان اذا رحت عندهم ما اتوهق مع رمساتهم ههههههههه وتقبلي مروري |
|
|
|
27-06-2007, 11:32 PM
|
#4 |
|
لحظـ صمت ـة
|
عاشق خذ راحتك وإذا تبي نصيحتي خذ لك دورة عند فديتني ترى إلى الحين
حتى بعد الترجمه مافهمت هههههههههههههههه << يمزح مشكورة والله فديتني بصراحه ماقصرتي بجد |
|
|
|
|
27-06-2007, 11:37 PM
|
#5 |
|
من كبار روائع
|
أنا ألحين متوهق كيف أقول لها علميني <<<<<< كأن كلامهم مو عربي
بصراحه بعضها معروفه لكن بعضها أول مرة اسمعها وشكرا لك فديتي عمرج |
|
|
|
|
28-06-2007, 12:07 AM
|
#6 |
|
من كبار روائع
|
يسلمووو صالح وعاشق الهدب على هالمرور الطيب .. هههههههههه اما قاااموس هههههههههههاااااي
عااشق مايحتاي تقوول علميني ..من بعد ماتشوف هالكلمات وهالمعااني ..فديــــــــــــــــت رمستنا .. طر وميغا ورقيص نفس المعنى = فناان .. يعزول = بعر البوش (عزكم الله ) . يعلك النفااد = يعلك الموت .. يعلك العوق = يعلك المرض .. اشكر فنك = انته اووكيه .. اسمييك خوشما = انته ريال .. نسيم السيح = ريال عليه الشرط = حلفان طلاق (الي مايبا حرمته يحلف ).. تيامن =خذ ع يدك اليمين .. تياسر = خذ ع يد اليسار لمعونه والرد عليها تكفيت لمهونه ( تقال عند السلام ويوم واحد ماشاف حد من زمان )) فيذمتي (( هاي تنقال يوم الواحد يبغي يثبت انه صادق ويقرنها بذمته )) أقرب (( يعني تفضل والرد عليها جرب منك الخير او جريب )) الناموس (( تنقال لواحد حصل على جائزه او حصد مركز متقدم والرد عليها الله يسهلك نصيب )) ماحد لفانا (( تقال يوم حد يسال حد اذا جاءهم ضيوف فيقوله ماحد لفانا اي ماحد يا )) عيني عليك بارده (( يوم انسان يسوي شي زين تنقاله هل الكلمه لكي لا يخاف من النظل )) تيمل (( معناها لو سمحت او ارجوك )) سنقباسي (( اي الفتاه الجميله )) ويقول بروغه سنقباسي ناشل اراسي والهوى يلوي على ازلوفه خوروله ثوب مدراسي واستحى الخوار من يوفه يوم يشرب ماء من الكاسي من ترافه ينبه اتشوفه... |
|
|
|
|
28-06-2007, 12:12 AM
|
#7 |
|
من كبار روائع
|
الخير ياينكم في الطريج .. وفالكم طيب كل الكلمات الاماراتيه بحاول اكتبها لكم..عسب تعرفون رمستنا..>>> يعلني افداها..
يا عسااني ما اذوووق حرّك>>وتعني اتمنى من الله ان لا يريني اي مكروه فيك أبك أبك أبك********>> تعني..خذ الحذر ...وبمعنى آخر>> انتبه يا عساها ما تجيني فيك وتعني >>اطلب من الله العلي العظيم بان لا اسمع عنك خبر مفجع عزالله ان عيني ما ذاقت النوم >>يشهد الله اني لم انم جيداا عام الاول ********>>العام الماضي والمنصرم تكفااااا يا ولد وتعني >>اريد منك طلباا واتمنى منك ان لا تخذلني أقطع وأخس >>>اي اسكت بالله عليك وانقطع عن الكلااام مرة واحده جزاا لبيّه لقعه >> وتعني >>هذا جزاء المعرووف الذي فعلته لك ********اهكذا تجازيني بالتنكر لي أنجفى او أنكفى جدحه >> وتقال للرجل > أنه قد طلق زوجته منبشم >>> وتعني انه قدطفح من الطعام اي ممتلء المعده من الاكل خويتي >> اي صديقتي وزميلتي للمؤنث ..وللمذكر >>خويي >>وللجمع يقال <<<هذولي اخوياااي يااااا ورّع******** وتعني أيها الطفل يا حر قلبي حراااه وتعني ******** يا ويل قلبي ويلاااه مخّمج وتعني ******** متعفن مرّوح وتعني ******** رائحة غير متسحبه ازريت ******** وتعني انني مجهد وقد تعبت!! تولّم >> وتعني >>> ان تكون جاهزا .... عانييه >>> اي انظري اليه >> هذا هو.. أدحر الشيطان >>> اي تعوذ من الشيطاان يا عوبها عوباااه >> وتقال للانثي وتعني >> انها فعلا عنيده وقويه وتوقع منها اي شيء الرفله وتعني >>> التي لاتجيد عمل اي شيء بالمنزل أهب يا وجهه>>> قبح الله وجهك قلبي ياللي لوااه من الصواديف لاااوي >>وتعني قلبي الذي اعتصرته الهموم والمشاكل منذ وقت طويل تضحك وانا صملان قلبي امطوااه وتعني >>> اتستهزأ بي وانا جاد معك!! && أقول ترا ما جاكم شي للحين هاذي المصطلحات الخاصه على شان تعرفون انها لغه لها قواعد وقوانين && السامط >>> قليل الملح >>> اي الماصخ التراااز >>> فلفل الحاراو الشطه ألغوري >>>الابريق الخوصه وتعني >>> السكين دقاقه < <>>> وتعني الرشيقه وصاحبة القوام الجميل الجلاله وتعني >>> ممتلئه القوام يوّرالي>> وتعني >>> هذا ما يبدو لي أ برووح الدكااان >>> وتعني اريد الذهاب الى البقاله او الى السوبر ماركت !! الجدح والماعوون >>> وتعني اواني الطبخ المنزليه حّر يا ولد>>وتعني>> اسكت يا اخي واكرمنا بسكوتك رح مراااح الزونه وتعني >>>اذهب من غير رجعه وشهو من لحيه>> وتعني >> ماذا تعرف عن هذا الرجل وماهي سيرته الذاتيه باللي هي به>>> وتعني>> مهما كانت النتائج ومهما كان حجم الخسائر تبرق من جبله وتعني >>>انك قد اتيت بكذبه كبيرة وليس لها اي منفذ من الترقيعااااات نهار اهنيه<<< او سنتن من السنين اهنياا>>وتعني منذ مده وفي هذا المكان بالذات الكمخه وتعني ******** الخبل اللي ما يدري وين الله حاطه <<اي جمجمه بدون مخ افلااان يدربي راسه >>> وتعني انه لا يفقه شيئا >>خبل!! افلاان قلبه امعصووور وتعني >>>انه صاحب ذكاء وفطنه <<يعني (ابو اقليب) افلاان امهري >>>اي انه كذاااب وغير صادق افلان غااال افلان >>>وتعني انه قد قام بضربه والتغلب عليه ومنازعته يالرمصاااا >> وتطلق على الارملةأي من مات زوجها وآآآتها مرض الهبال بعد فراق حبيب القلب>اي يالمهبوله >> يعني جتها خفه >>يعني انهبلت من فراق الغالي وبس الساطل وتطلق على >>>المتمرد والفاصخ اي >>((الغير مؤدب )) اقول انت اسعلني وانا اجاوبك >>>اي انته اللي تسألني وانا اقوم بالرد عليك الفدعه وتعني >>>الجميله يا زين خدتها زيناااه >>> وتعني ان لها وجه جميل ووجنتاان رائعتاان تذبح من دنا يومه وتعني >>>انه قد تعلق القلوب بها>> ويقال انمن به داء الموت انها قد نتجيه من الموت من مجرد النظر اليها والعياذ بالله !! يا احوووول وتعني <<< لا حول ولا قوة الا بالله مير انه ******** وتعني حيث انه !! |
|
|
|
|
28-06-2007, 12:13 AM
|
#8 |
|
من كبار روائع
|
(دوك يود)
امسك أو خذ ، وتقال عند إعطاء شيء ما من شخص إلى شخص آخر ومن معانيها : استلم أو اقبض ، كلمة دوك تستعمل كذلك للفت انتباه الإنسان بمعنى : دوك فلان : اعمل الشيء الفلاني ( هات) بمعنى أعطيني (طاح المطر) أي هطل المطر ، والمطر صب أو المطر حلب وهو شدة المطر (سلمت الشمس) غطت الشمس حمرة عند ميولها للغروب ( مسطن) ( تلفظ : مصتن أحيانا ) تقال للإنسان الواقف المستقيم ويقال له : اجلس ، اشفيك واجف اجلس هل أمك جابتك واجف (قطير الشنة) وهو قطير القربة التي يوضع فيها الماء المصنوعة من جلود الماعز ، وسميت شنة لأنها قديمة (المسن) وهو الشيء الذي تسن عليه الأدوات والقطع الحديدية ( المردمة) وهي قطعة كبيرة مكونة من مجموعة كبيرة من التمر المتماسك ببعضه بعضا (البراحه ) وهي الأرض الخالية التي لم يسكنها أحد ، وهي كذلك الأرض البكر (الخرابة)هي المبنى القديم المتهدم الذي لا يسكنه أحد ويقال في المثل \" كأني أذن في مسجد خرابة \" يوم تكلم واحد على طريق صحيح وهوه مايسوي هشيء يسوي عكسه |
|
|
|
|
28-06-2007, 12:14 AM
|
#9 |
|
لحظـ صمت ـة
|
..>>> يعلني افداها.. ههههههههههههههه
الله ياخذ بليسك ضحكت لين قلت بس ههههه يعلنا نفداك والله ومشكورة ,,, |
|
|
|
|
28-06-2007, 12:14 AM
|
#10 | |||||||||||||||||||||||
|
من كبار روائع
|
ودمتي |
|||||||||||||||||||||||
|
|
|
|
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | |
|
|
|
|
تبادل نصي مع منتديات روائع
وفي نت |
وجوه تعبيريه |
ضع نصك |
العاب باربي |
العاب بنات |
ضع نصك |
ضع نصك |
ضع نصك |
ضع نصك |
دردشة
ضع نصك |
اغاني |
ضع نصك |
سحر الغرام |
استضافه تصميم |
ضع نصك |
ضع نصك |
ضع نصك |
ضع نصك |
ضع نصك
 |
 |
النمط الخطي
