منتديات

!••{ سَمَا الرُوحَ • · 28-07-2007, 11:52 PM

قصة اعجبتني وحبيت تقرونها

ابطال القصة:
الدوووبا:رشيقة بزززود حتى من زود الرشاقة عرضوا عليها تعرض ازياء بس ماطاع ابوها خايف
عليها تنظل متعصبة رياضيا وخاشة جو مع بطولة اسيا حتى من زود التعصب اذكر مررة كانت نايمة يوم قامت
ولا عيونها قالبة خضراء وكل ماقلنا لها شيء قالت يكفي حس ياسر بالدنيا تسنة داري عنها (مدري ذا البني وش خاقين مع ياسر على ايش واللة لويجي يترجاني اسلم عليةماعطيتة وجة <<<اية هين )

الدوسرية:اسود ياسواد الليل وشعرها لونة احمر مع برتقاني وراعية فزعات ماتقصرومن طبعها اذا طلعت ماتلبس عبات لانها ماتفرق معها اصلا سنونها واحد اسود وواحد ابيض
وماتحب الماكياج ابدا تحب تكون على طبيعتها واحنا الضحية دايما باختصار البنت جذااااااااابة

كوول:هذي فرررررري وماعندها مشاكل بالحياة اي شيء نخطط لة تقول قداااااااااااام حتى لو قلنا بننتحر قالت قداااام

انا:وهذي من اهم الابطال وهي المخرجة والمنتجة وكلش وحبوبة وعلى نياتها وتباري الساس وتقول ياللة سترك

___في يوم الاربعاء 11-7 _____

وتحديدا الساعة 4ونص بتوقيت ساعت بيتنا الخراش ام اذووون<< عرفتوها

كنا انا والدوووبا وكووول متبطحين بالمقلط وفاتحين على القناة الرياضية الي منول كان اسمها القناة الثانية عرفتوهاااااا
الي يجي فيها برنامج 99 عرفتوها<<< اقوووول اخلصي ووووووة

ماعندنا الا ذالقناة كانت مشفرة ياااالة وافق ابوي اننا ندخلها يقووول تجيب اشياء وصخة بس بالاخير
قلت وااالة ياتدخلها والا قسمن قسمات لاطلع من البيت<<< وش عندة الاخو قافلة الاخلاق
بالاخير جبنا معلاق ملابس وفكيناة وشبكناة وراء التلفزيون وطلعت القناة<<<قلت اشوا ناس مايجون الا بالعين الحمراء

الموووهيم ونقوم نجيب حب فصفص وببسي العايلة ووكيسان ورق ونشغل المكيف ونجيب شرشف صلاة
ونحطة على الشباك عشان ماتدخل الشمس ونولع لنبة حمراء <<انتم متاكدين انكم تطالعون مباراة والا شيء ثاني!!!!

وعلى صوت ابراهيم الجابر بسم اللة وعلى بركة اللة ......
وانا منبطحة على بطني والدوبا حاطة المركا وراء ظهرها ورجولها على المكتبة حقت التلفزيون واخواني متناثرين في المقلط
وواحد من ذا المبزرة متعلق فوق المروحة مستعد لاي هدف طارئ وكووول جالسة بالزاوية وحاطة مناكير خضراء
يقالك تازراء مع المنتخب شكلةا مواعدة واحد

وتجي هجمة مرتدة للمنتخب الياباني ويتقدم المهاجم ويتقدم ويتقدم وانا الي تقفل معي واتهور واطلع زيقارتي ناسية ان ذا المبزرة موجودين
واسف الولاعة على اخوي الصغير والهجمة مازالت مستمرة واقوووولة ولع لي اللة يلعن من جابك والا اخواني مطيرين عيونهم فيني
بس اشوا ان المسيليم صدها وتحمسوا صدهاااااااااااااا صدهاااااااااااااا ياسلاااااام عليك يالمسيليم وانا الي انتبة لوضعي وابلع الزقارة<<<انواع الهياط
وشوي الا نسمع صوت اغاااااااااااااااااااني وفلة ويياسلااااااااامي عليكم يالسعودية

وناخذ جلالاتنا ونطلع في الشارع ولااا ذا الموكب جاااااي من بعييييييييد من اول الحارة ونشوف الا الدوسرية طالعة من الشباك بالبرقع
والعلم الاخضر وراء ظهرها واحنا على طووووووووووووول انواع التصفييييييق

اووووووووة اووووووووة اوووووو ياسعوووووودي
وشوي الا عيال الحارة بدوا يجتمعون ونسوي مسيرة من
اول الحارة الى اخرها ننرجع مرة ثانية وهكذااااا وفية واحد من العيال كان دايم مغرم فيني ويحاول يحتك بس ماش ماعطيتة وجة
بس قلت بمناسبة المبارة <<<يمديكم عالمناسبة خلاص تعال اركب معنا واللة ويطلع الرجال فلللللللة ووسيع صدق ومهايطي

قلت ياحسافة ليتني من اول معطيتك وجة واللة الدنيا من دونك ماتسوى قال اقول تلايطي خلينا نشجع الا هو فاز المنتخب والا لا؟؟

اوووة ذكرنا المباراة مابعد خلصت والنتيجة للحين 0-0 اجل وشولة احنا نشجع عاد خبركم

الشعب السعودي على اي شيء يفرحون

وشوي الا سيااااااارة ورانا والتفت على الدوسرية قلت الحقي بدت المسرة ورانا انواااااااع الفلة

العلم الاخضر مسوي شغل قالت لا والللة

الا البرقع هو الي مخققهم...

وياشر راعي الكابرس يبينا نوقف واحنا مسوييييييين ثقل والتفت على الدووبا قلت غريبة فية واحد اخيرا في الحياة عطانا وجةوالا بالعادة مسحوب علينامن الجمال الزايد فينا
قالت اية ابصم لك انة سكران والا لو انة صاحي كان مالحقنا

قالت الدوسرية :اجل هقوتكم نرقمة قبل مايهج قلت: اكيد بسرعة
وتطلع ووورقة صفراء مخططة بازرق كنها صك بيت من كبرها وكاتبة 056والباقي ماتغير خخخخخخخخخخخخخخخخخخ

وشي الا نوقف عند اشارة الا اسمع صوت الوالد: رجججججججججة ولعنة طالعة بالشارع انتي وذا السرابيت الي معك يالداشرةلا وتتنين وكاشفة بعد

قلت: يبببببببببببببببببببببببببببة انت شفت وجهي قبل ماتتكلم واللللة محد يبيني بس طالعة اوسع صدري قسم باللة
خلاص رح انت للبيت وانا بجيب عشاء وجاية لكم

قال: لعنتن تشيلك انتي وذا الي معك اللة يلعن ابون جابك يالمنحرفة<<شكل الوالد عصب>>>لا بدررررري

قلت: خخخخخخخخخ واللة انك يبة سكران انت ابووووووي
قال : بشري امتس يالللة قدامي للبيت لا وماخذة عيال الجيران بعد؟؟
قلت للدوسرية هاه نرجع والا لا
قالت : والللة مدري شرايك ؟؟<<< للحين مو مستوعبين الصدمة والا اقولك خل نرجع نكمل المباراة
الا يوم حدناااااااااااا ابوي وركبنا معة بالكابرس
الا الدوووبا للحين خااشة جووو تشجيع ومادرت بالي صار وتلتفت
قالت الدوووبا:بنات احنا نستهبل اوووكي بس نركب مع شباب لامستحيل
قلت: يالكمخة طلع ذا ابووووي حجرلنا

المهم ونركب ونوصل للبيت ويدخلنا المقلط الا كووول للحين بالزاوية << مدري وش عندها
ويقفل علينا الباب ويجيب الزبيريات وانواع التمحييييييط واللة وسمت في ظهورنا ويطلع
ونرجع نكمل المباراة عااااااااادي والا نشوف الا النتيجة 2-2
ياررررررررب يفوز المنتخب ياااااارب
ونرجع نتبطح على ظهورنا<< يقالكم خاشين جوو مع المباراة
واويق مع الدرشة انادي شغالتنا قلت جيب 2 كراث<<<تزامنا مع الاخضر وواحد شاي بسرررررررعة
وبابا مافية معلوم قالت اوووكية
والا واللة شوي وهجمة مالك معاااااااذ ايوا يامالك ايوا يامالك مالك مالللللللللللللللللللللللللللك
قووووووووووووووووووووووووووووووووووووووووووووووووو وووووووووووووووووووووووووووووووول
هدف من مالك معاذ على الدقيقة مدري

ونقووووم نطامر على بعض من الفرحة ونقعد ندوووور بالمقلط وانا اركض وكووول للحين بزاويتها جالسة <<مدري وش عندها

وبالاخير تعبت من الركض ووقفت والبنات يطامرون ورااااااي واسوي حركة السهم والدوسرية تناولني البريق وانشن الا هو في جبهة كوووول
وتصحى من غيبوبتها وهي تقول شصاير قلنا فاز المنتخب انتي كنتي في غيبوبة

قالت: صدددددددددق مبرررررررررررروك وتجلس تدووور وتطامر وتصفق لحالنا <<< توها تحتفل
قالت: اشوا انكم صحيتوني كنت في غفلة<<<تحسبها في محاظرة في التحفيظ
المهم وتخلص المباراة والناس برا انواع الفلةوالموكب واحنا بين اربع جدران ؟؟؟؟

ابوي مقفل علينا افففففففففففففف اللة يلعن البنات وساعتهن لو اني ولد <<< اقول ذا الجملة في اليوم مية مرررة

وش نسوي وش نسوي؟؟!!!!!

يسسسسسسسسسسسس <<<دمجة واحد وفوقة لنبة صفراء

قلت:بنات المنتخب فايز صح؟؟ <<<بلااستهبال و اخلصي علينا

قلت:وابوي محجر لنا نايم عند باب المقلط ومعة الخيزرانة<<<ينعن ام التمرد
يعني مافي امل نفرررك مع الباب مايمدينا<<< اشك انك بنت
قالوا: الزببببدة خلصوا الناس محتفلين وانتي تفكرين
قلت: اسمعوا انا عندي تكتوكة بس يبي لها عززززم
قالت كوول: انا جيب اخوي فية دبل<<<يازينك ساكتة كملي غفلتك احسن لك
قلت : قصدي اي شيء اقول قولوا قدام وسمي وتحت امرك وقلوبكم لازم تكون ميتة وتفكيركم في المستقبل عطللووة
قالوا :قدااااااااااااااااااااااااااام
قلت: خلاص انا بطلعكم
الدوسرية: كفووووووو يالسنايدي
قلت: انا اخوي مرررة واحنا كاشتين بالبر علمني شلون اسوق الدقسن حقة (الدقسن:ددسن عراوي غمارة وحدة بدون خطوط)
وهو الحين ملبق في الاستراحة وراء البيت بنطلع وبنجيب لنا ثياب وشمغ وراح اسوي خطة 1-1-2

وهي كالاتي:
الدوووبا والدوسرية يرقون للسطح امي مغسلة ثياب اخواني ازررفوا لنا 4 ثياب و4 شمخ و4 عقالات<<يميدك عالجمع
و4 طواقي و2 شورما خخخخخخخخخخخخخخخخخ
قالت كووول : لا انا ابي بدلة اكشخ
قلت :خلاص جيبوا 3 ثوب و3شماغو3<<< احووووووووووووول اخلصصصصصصصصصصي يالليل

تكملة الخطة:
وكووول تروح تجيب من البقالة 2ببسي و1 ديو و1 فراولة وبريالين حب مصري وواحد جالكسي نتقاسمة اهم شيء مايتعدا الحساب 10 مامعنا غيرها<<<ينعن ام الفشل

وانا بروح اشغل الددسن بس اهم شيء لا احد يحس فينا والوعد بعد ربع ساعة في الاستراحة
واروح واشغل الددسن واشغل المكيف خربااااااااان<<< اكيد طبعا
ياللة مو مشكلة اهم الشيء الرادو يشتغل وافتح الام بي سي وانواااااع الربشة والاغاني الفلة قلت حلوووووووو
وشوي الا كوول جاية ومعاها الاغراض من البقالة
قالت كوول:ترا مالقيت لك ببسي جبت كولا
قلت : لا مااحبة <<< كنها تفرق عاد بس فسق مسوين جو شباب
شوي الا الدوسرية والدوووبا جايين من بعدين ومعاهم الثياب
وندخل الخيمة ونلبس وانا اسوي بنت بكار وتطلع خبااااااااااااال
والدوسرية ناسفة الشماغ على جنب والطاقية مايلة يقالك معصبببببببة
وكووول لبست ترنق رياضة يلمع اصفر وازرق مالقينا الاهو ومكتوب وراء ماجد عبد اللة 9
والدوووبا الثوب ضيييييييييييق عليها مالقينا مقاسها اممممممم وش نسوي والللة مشكلة
وش السوات يارجة وش السوات؟؟؟؟

قلت: مالك الا تجيبين عبايتك كنك خويتنا ومطلعينك معنا
قالت: اووكي
قلت: اسمعوا انا بسوق والدوبا جنبي والدوسرية وكووول وراء في الصحن
ونررررررررررررررررركب واخييرا طلعنا من البيت اففففففففففف ياحلو الحرية يانااااااااااااااااااس
وامسك طريق الملك فههههههههههد وامشي 300<<< متهورة الاخت

وفجاااااااااااااااااااااااااءة وقفت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
البنات: وش فيك امشي بسرررعة الناس بتصدمنا الخط سرررررريع
قلت : نسينا شيء مهههههههههههم
ماظبطناااااااا السيارة واللة فشلة<< هي السيارة كشخة مايحتاج تضبيط
ونروح لشارع الغرابي ونتقاط ونصبغها اخضر ونكتب عليها بالابيض
::معااااااااااااااك يالاخضر:::

وتنشب لنا الدوووبا الا تكتبون لعيوووووون ياسر ونمر ابو ريالين ونشتري اعلام ونلزقها على جنب ونكتب رقم الكونكشن<<طالعين تشجعون والا ترقمون
اوووووووكي الوضع تماااااااام الحين وين نرووح؟
بنات تبون التحلية او العليا العام
كووول:كل الاثنين نمرهم<<< تهورت ياليتنا مخلينها في بيتنا في زاويتها احسن
ونمسك شارع التحلية وكانت على اغنية راشد الماجد

هوهوهوهووووووووو هوهوهوهووووووووووووووو
يالصقور الخضر يافخر البلد
حلم العرب قلبك شعب دووم وابد
يالاخضر يالي ماتعرف المستحيل
علم بلادك في يمينك يااصيل
هوهوهوهووووووووو هوهوهوهووووووووووووووو

والتفت وراي الا البنات متلثمات بالاعلام السعودية والموكب وراااااااااااااااااااااااااااااااي
واعلي زيااااااااااااااااااااااااااااادة على الاغنية علة مقطع

صفقوا لة شجعوا لة وساندووووووووووووووووة
هذا الاخضر وان وعدكم صدقوووة
هوهوهوهووووووووو هوهوهوهووووووووووووووو

الا احس السيارة تهتز وانوااااااااااااااااااااااع التصفقيق والرقص <<< تهيضوا البنات
واسمع الدوسرية تنكس تنككككككككككككككككككككككككككككككس وراء وراء عاشووووووووووا عاشووووووووووووا
وكووول معاها رقص مصرررررري وهز وسسسسسسسط<<< خاشة غلط ادررررررري
والتفت الا الدوووبا تبتسي واقول وش فيييييس؟؟
قالت: ودي اصير ولد مثلهم قلت قومي اطلعي مع الشباك وفليها اللة يلعن البنات وساعتهن

يتبع

!••{ سَمَا الرُوحَ • · 28-07-2007, 11:53 PM

وانا حسيت اني مظلومة جالسة اسوق وبس الا يوم تهورت وتركت الطااااااااااااااارة وطلعت من الشباك مع الحماااااس
ورقص وفلة والسيارة تروح يمين ويسار ويحسبون اني اسوي حركات والبنات خااااااقين مع بنت بكار الي مسويتها

والجموس وراي مظللة كلها بنات وانا اتميلح مسوية ثقل وانا خاقة معهن
والتفت على الدوووبا قلت: اتحداني اشبكهن واطلع ورقة مكتوب عليها بندر 05555555555
ويتطاقوووووووون البنات من تدق الاول وانا انواع الثقل والنظرات
وشوي الا احس السيارة ثقيلة واشوف وراي الا البنات مركبين شباب وانواع دق الرقبة معاهم وفلللللة
شوي الا الدوسرية تطق القزازة من وراي
قلت:وش تبين؟؟؟
قالت :هدي هدي فية واحد يجنننننننننننننن ابي ارقمة خاش مزاااااااااااااجي
قلت :طيب طيب
واللة واهدي والتفت الا ذاك العببببببببببببببببد <<انا اشهد انة وسييييييم بس ياللة على نياتكم ترزقوووووون
قالت الدوسرية: رجةةةةةةةةةةة تكفين عطيني اي شيء بسفة علية بسرعة لا يروووح واللة انة عذاااااااااب مدري حسيت ذا فارس احلامي
قلت: ابشري واالقى شريط اسود من اشرطة الشميسي المنسوخة واعطية اياة
وتجدعة علية قالت: خذ هذا اهداء مني

ويشغلة الا هي اغنية عزازي >>ليتك تموت اليوم وبصدرك اطعنك<<

وندخل على شارع العليا العام على اغنية راشد الفارس ""عاشت بلادي""

راعي العلوم الغانمة تسلم لنايمناة
رف رف بيرقنا فووووووووووق فوووووووووووووووووووووووق مااحلاة
عاااااااااشت عاااااااااااااااااااشت بلااااااااااااااااااااااادي

وشوي الا ادووور كوووووول مالها حس الا اشوفها قدامنا اثاريها الملعونة طامرة في ددسن شباب مولعين مصري وسحبت علينا
واكبس لها واقول هين الوعد بالبيت اصبرررررررري يالملعونة

شوي الا الشرطة طابة علينا ومعاهم ذاك الباص وش كبرة <<< من جد حركة مالها داعي
ويركبون في ذا الشباب واحنا انووووووواع الضحك عليهم شوي الا الشرطي جاي
الشرطي:سلامات وشذا الهبال ليش طالعين مع الشبابيك
قلت وانا مسوية اخلاق: وعليكم السلام ورحمة اللة وبركاتة
قال: انطم وانزل انت وذا الخمة الي معك اركبوا الباص
قت: وعليكم السلام ورحمة....مادريت الا بذاك الطرااااااااااق الي على وجهي
قلت: سم سم ابشررررررر كان قلتا من الاول وانا بنزل مالة داعي تمد... طاااااااااااااااااااااااااااااخ كف ثاني وانزل وانا دموعي 4 4

وينزلونا البنات معي قلت : لو سمحت بلبق السيارة
قال الشرطي:اوووة اسف مادريت عطني مفاتيح البانوراما البقها في مواقف المملكة لايجيها شيء

قمت انا وانطميت لاني دريت انة يتطنز
وركبنا الباص واحنا نهوجس الحين لو دروا اننا بنات وش راح يسوونه لنا؟؟؟
واحنا في الباص يوم حرك والشباب ساكتين والي يتنافظ من ابوووة والي خايف من اهلة والي مواعد خويتة وراح علية الموعد والي والي...

وانا الي التفت للدوسرية قلت: اللة يلعنكم ياليتني مع كووول طابة مع الشباب الي مشغلين مصري كان الحين مامسكوني ياحظهاااا بس
الا ذا الي يطقني من ورا
كووول: هلا رجججججججججة جابوك <<ردات حظ في الشلة كلها
قلت: كوول
كوول: لبية
قلت: الحين المنتخب فايز صح
كوول: واحنا وش نسوي من الصبح واللة ماودانا داهية وجابنا فيذا الا المنتخب اللة يلعنك انتي وياة وافكارك الخايسة
قلت: طيب اسمعوا :احنا مجلودين مجلودين خل نكمل فلتنا لين نوصل للبيت
واروح لسواق الباص قلت: لو سمحت بما اننا كلنا ضايقة صدورنا احنا وذا الوجية الطيبة شغل لنا
اغنية راشد الفارس::: عزااااااااااة::
قال الهندي: اما مافية معلوم رووة كلم هزا شرطي
قلت: كل تبن طيب
واروح للشرطي
قلت: لو سمحت يالاخو
الشرطي :خييييييييييييييييير
قلت: طيب لاتنفخ
الشرطي: وشوو
قلت: لا لا ولا شيء بس بقولك تكفى انا داخل على اللة ثم عليك شف ذا الوجية الطيبة الي ضايق صدرة والابتنوخذ منة سيارتة اليوم
والي الوالد بيصفقة والى بينطرد من بيتهم واناظر البنات ولا دموعهم تبطبط اربع اربع
قلت : تكفى هذي اخر ساعة لي انا والشباب الي هناك اللة يخليك تكفى ترا تكفى تهز الرياجيل<<<مستغلة الوضع بدوي
الشرطي: طيب وش تبي؟؟<<< لاحظوا مصدق اني للحين ولد
قلت: ابيك تشغل هالشرييييييييييط اغنية عزاة تضامنا مع حالنا
قال: طيب بس انزلع وراء لااشوف وجهك ذا الخايس <<< ايييييييية اجل لو تدري اني بنت وش بتقول؟؟

واروح ونشغل الشريط شوي الا الشباب تهيضوا بالباص وانواع الرقص <<ماتلاحظون نص القصة عن الرقص شسوي اقدرررة
ونوقف عند الشرطة واقول للسواق خذ لفة لين نخلص وهو تحمس معنا وطنش الشرطي
وشوي شوي الا الدوسرية قامت واستنزلت عاشوووووووووا عاش وااااااااااااقف
وكووول تحمسسسسسسست وتسحب شماغي بتربط خصرها بتهز مصري؟؟؟؟؟؟؟

المفاجــــــــــــــــــــــــــــــــــــــــــــ ـــــــــــــأة

فجاة وبحركة بطيئة شعري يطيييييييييير بالهواء والقى نظرة على كووول وارجع بنظري مرة اخرى الى الشرطي الذي فغر فاة <<فق خشتة بالسعودي
واضع يدي على فمي من هول الصدمة وعيون الشباب تلاقط
الشباب بصوت واحد: بنــــــــــــــــــــــــــــــــــــــــــــــــ ـــــــــــــــــت
قلت: وانا اشر على البنات حتى هم بنات<<عشان مااكلها لحالي هعهعهعهعهعهعه
ونووووصل توقيف الناصرية

وش تتوقعون يصير على ابطال القصة<<< تسمع بالحماس
ترقبونا الحلقة الجاية

والا اقول خلاص خلاص هونت بكمل واخلص ووووة من امس وانا اكتب مايسوى علي

وندخل قسم الناصرية يسحبونا ويرفسون فينا..
قلت: ياشرطي ولعنة تشيلك<<<خلااااااااااص بعت الدنيا
الشرطي: لك وجة تتكلمين يالداشرة
الدوسرية: كل تبن بس
كوول: ياويلي من امممممممممي واللة بتقفل علي في بيت الدرج ياويلي ياليتني كملت غفلتي ولا طلعت معكم
الدوووبا: بنحرم من الاكل ياربي شسوي كلة منك يارجة
رجة: كلوا تبن اهم شيء وسعنا صدورنا وش نسوي طيب قضاء وقددددددر
الدوسرية: لو سمحت يالشرطي ابي انسى الي انا فية ممكن شيء اشربة؟؟؟؟؟؟؟؟؟؟؟؟؟؟؟
الشرطي:!!!!!!!!!!!!!!!!!!!!!!!
الشرطي: وش قصدس؟؟؟
كووول: بلاك حشيش <<<خربتها مرة اللة يهديها
الشرطي : وشوووووووووووو؟؟؟
رجة: لاا تقووول وش بلااااااااااااااااك مافية تفتييييييييييش<<ينعن ام الترقيع الي تعرفينة
الشرطي: اقول ادخلن اللة يرجكن رجا مبرحا المحقق يبيكن
رجة: كونان خخخخخخخخخخخ
البنات: كركركركركررررررررررر هع هع هع هع

بعدها فقدنا الوعي

صحينا في غرفة سوداء والمحقق لا بس بدلة شرطة<< احلفي
وجالس على الكرسي الدوار ويدووووور ويدووور ويدوووور بالاخير خبط على خشتة
ونفقعها ضححححححححححححححححكة ويستحى ويبدا ينفخ
المحقق: بس ياحيوانات ياقليلات الادب ياسفاب اهلكم الي ربوكم
الدوسرية : انت اهلنا؟؟؟
المحقق: لا
الدوسرية: اجل انطم
المحقق: ليش سويتوا كذا
كووول : وش سويناااااااااااااا؟؟؟؟؟؟؟؟؟
المحقق: تطلعون وتتنكرون وانتم عارفين انة ممنوع
كووول: طيب
المحقق: قفلت معة وشو الي طيب
كوول: وين المشكلة عاااااااااااادي اهلنا دارين وعاااااااادي
الدوبا: تحسبنا منحاشين من ابونا او انهم قافلين علين المقلط لا لا هم الي معطينا السيارة ولا سرقناها من الاستراحة ولا شيء<<<ضيعت من ذكرت انها بتنحرم من الاكل
المحقق: بعد بعد سرقة
رجة: لحووووول خلاص خلاص تعال ياطويل العمر بتفاهم معك على جنب
رجة: انت شسمك؟؟
المحقق:صعفق
رجة: والنعم فين تشتغل؟؟
المحقق: في الشرطة
رجة: لا احلف تصددددددق توني ادري ماشاء اللة اللة يوفقك بس تكفى
امسحها بوجهي ترا ذولي سفهان<<جمع سفية وانا بكفلهم لك ياللللة قدامي ياحيوانة انتي وياها ياسفاب اهلنا الي ربونا بس ياللة قدامي انتي وياها ونطلع
مادريت الا ذا الي ساحبنا من ثيابنا وجرونا تقل ذبايح ورفسنا في التوقيف وققال لاحد يدري انكم بنات لين مااننقلكم لحجز النساء بالملز

دخلنا وانفجعنا الكل قام يسلم على الدوسرية ويبارك لها على فوز المنتخب
صارت راعية سوابق اخلاقية التسلبة ومتعودين عليها

كووول: افففففففففف قررف وحررر
رجة: احلفي اسفين بنقولهم يطولون عالتكييف عشانس طال عمرس اقوول انثبري لاتتصفقين
وتقوم الدوسرية وتفصخ ثوبها <<< قلنا هيييية انتي لاتتهورين احنا بالقسم
الدوسرية: لاتفهموني غلط بس بنجلس علية وتشق الثوب نصين ويبقى عليها سروال سنة وفنيلة علااااااااق<<<يعععععععع
وتفرشة ونجلس علية ونطلع الحب المصري والببسي الي شارينهم من البقالة تذكروووووون؟؟؟؟
وسواليف ودق حنك وفللللللللة حجاج ومير نقرر نكتب ذكرياتنا وانا الي اكتب "لعيون مشاعل"<<هذي وحدة قد حبيتها
وكووول كتبت "فديت احمد الشريف"
والدوسرية كتبت خليلوة خليلوة فديتك ناصر <<هذا واحد كانت تحبة يوم شافها انتحر "اللة يرحمة"

وهي الي تتذكر ناصر وتبدا عيونها تكبس والعبرة خانقتها
واحنا نقول خلاص اللة يرحمة مات عظم اللة اجرس <<للمعلومية هذالة سنة ميت
كووول: خلاص الدوسرية ادعي لة بالرحمة الا هو صدق مات؟؟<<<لا يستهبل انتي ووجهس
الدوسرية:كان اللة يلعنة دايم يغني لي
ااااة من نومة البارح ااااااااة من نومة البارح
ااة يوم غمضت عيني ااااة في الحلم انا شفتك
ااااة وان جيت ضميني اااااة يدي على يدك

هلااااااااااااااااااا عااااااااااااااش وااااااااااااقف العب العب العب

ويتهيضون الي مهنا ويولعون لنا زقاير وفلة حجاج ووناسة يالللة لك الحمد نعمة براد ووجة حسن ووناسة ببلاش
ويجي الشرطي قال ياللة قدامي
قلنا: لاتكفى واللة شوي مرررررة مبسوطين ويجرنا للمرة الثالثة كننا غنم<<صدق من طلع من دارة قل مقدارة<<زارفتها من جدتي

الشرطي: ياللة المحقق يبيكم وخصوصا الدوسرية
الدوسرية: وهي تعدل لبسها وشعرها واللة اني دارية انة خاق معي التسلب وراء ماقال من الاول لازم البهذلة والشوووق من اولها
ونروووح وراء الشرطي لغرفة المحقق كونان وندخل برجلنا اليمين<<<مررة متفائلين
المحقق: وين الدوسرية وندورها ولاها وراء الباب يقالكم مستحية وووووة بس ياشين السرج على البقر
وتدخل الدوسرية: سم لبيييييييييية
المحقق:ابوك جاء يستلمك وهذاهو برا؟؟؟
البنات:خخخخخخخخخخخخ لقطي لقطي خشتس بس شوفي براطمس فيذااااااك تحت الكرسي هع هع هع هع
المحقق: ياللة اطلعوا ولاعاد تعودونها واللة يستر عليكم
رجة: لااااااااااااااااة احلف قوووووووووة وشو عقبة يوم علمتا علينااااااااا لكن هين الوعد الطلعة !!!!
ونطلع نجر اذيال الهزيمة ولا ابو الدوسرية يحترينا ونمر من جنبة
قلت بنات سووا نفسكم ماشفتووووووه <<<للحين مصرة تنحاش

ونمشي الا ذا الي يجرنا للمرة الرابعة ويركبنا الجمس ويربطنا بسلاسل افففففففف بس اللة يعينا على البيت والتصفيق الي بيجينا
واحنا في الطريق قلنا:: وقفنا عند برقركنج جوعانييييييييييييين
قال: اصبروووا توصلون ياحياااااااتي انتي وياها وبتشوفون الاكل السنع
انا بلعت ريقي من الروعة والدوسرية تضحك <<ماقلت لكم البنت بايعتها بتراب
ووصلنا اخيرا البيت

ولا المصلخ مولم وفية ابوي وام كووول وابو الدوسرية نزل معنا وابوي جالس يسن السكاكين وام كوول معها السواطير
وامي تولم الاكياس بيوزعون لحمنا شكلهم على الجيران عظة وعبرة ....

ولكم ان تتخيلون وش صار فينا<<<اطلقوا العنان لخيالكم الوصخ

مايستفاد من الستوري السابقة الذكر:

1- كثرة الضغط تولد الانفجار
2- نحن شعب نبي نستانس لاي شيء والدليل الي شفناة يوم تاهل المنتخب
3-اكررررررة البنات وياليتني ولد<<<اكثر جملة ترردها البنات ذا الوقت
4- عزيزي الشاب اذا شفتا بنت مستحية منك اعرف انها خاااااااقة عليك

ηάјđ-ķşά · 29-07-2007, 12:11 AM

هههههههههههههههههههههههههههههههههههههههههههههههههه
اقووول شكل معشي ماثر فيس سماا للامانه قريت الجزء الاول والثاااني لي عوده الدوسريه فله ههههههههههههههههههههههههه
يسلموو حبيبتي ولي عوده لتكمله البقيه

!••{ سَمَا الرُوحَ • · 29-07-2007, 12:19 AM

هههههههههههههههههههههه
الله يذكره بالخير معشي
انتظر عودتك

JIjJjJI · 29-07-2007, 12:07 PM

اقتباس:

وواحد من ذا المبزرة متعلق فوق المروحة مستعد لاي هدف طارئ

هههههههههههههههههههههههههههههههههههههههههههههههههه هه

والله قــًصة متعوب عليها (*10)

بصراحة تحمست مع المنبطحه وحاطه مناكير بيدها هههههههههههههههههه

اقتباس:

4- عزيزي الشاب اذا شفتا بنت مستحية منك اعرف انها خاااااااقة عليك

والله ودي تكوني المستشاره حقتي وش رايك ؟ ههههههههههههههههههههههههههه

جاااري التــثـبيت

!••{ سَمَا الرُوحَ • · 29-07-2007, 09:39 PM

ههههههههههههههههههههههه
يعطيك العافية على مرورك اللطيف

والف شكر على التثبيت

JIjJjJI · 30-07-2007, 01:22 AM

تم الغاء التثبيت لأن المنتخب انهزم

ولاتنسين تكلمين الدوسريه ترجع بدري للبيت عشان ترقد

خلاص ماعاد فيه فرح

بس ولا يهمك راح اعوضكم فــي البطولة الجايه حقت كمال الاجسام (*40)<< (*16)

!••{ سَمَا الرُوحَ • · 30-07-2007, 01:25 AM

هههههههههههههههههههههههههههههه

او كي زلزال بكلمها

بس الله العالم شكلها ما طلعت اليوم من البيت

نلتقي في 2011

εїз๑{ لين الورد • · 03-08-2007, 09:18 PM

ههههههههههههههههههههههههههههههههههههه
هههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههههه
يسلمووووووووووووووووووووووووووووو

!••{ سَمَا الرُوحَ • · 05-08-2007, 09:59 AM

الله يسلمك

ودوم هالضحكة يا قلبي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

اجمل مواضيع	مختارات رائعة	منتديات روائع
بلاك بيري - صور ورود - رسائل حب - فساتين	اخبار - شعر قصائد - اغاني mp3 - راشد الماجد - رسائل قصيرة	الاسلام - اناشيد - نقاشات - قهوة
صور قلوب - العاب	توبيكات - نوكيا - مسجات حب وغرام - صور وسائط - صور ماسنجر	خواطر - قصص و روايات - عالم حواء - العروس - طبخ مطبخ
تسريحات مكياج - فلاش سويش	رسائل -فوتوشوب - نكات ملونة - صور مشاهير - صور جديدة	ديكور - صور - كورة - سفر سياحة - معلومات - برامج

الذين يشاهدون محتوى الموضوع الآن : 1 ( الأعضاء 0 والزوار 1)

للمزيد من وش سووا البنات يوم فاز المنتخب؟؟؟ > فلة روائع > عالم رائع .... في استراحة روائع

منتديات