يوصل ابوأحمد من العمل ويبلغها انه راح يكون عنده الليله ضيوف من أقاربه على

السحور ولازم يكون الاكل جاهز بدري عن العاده يعني حوالي الساعه وحده

بالكثير قالت له انها تحتاج طلبات لان الموجود عندها لايكفي

وأخبرها أنه لما يصحا راح يجيب الطلبات وعليها انها تحضرها له بورقه وقامت

تتفقد الموجود وتكتب الناقص بورقه وبدأت بتحضير الفطور وكانت تطلع من الثلاجه

وترصه بصواني وتزينه ببعض قطع من الخضار وتدخله الفرن وماعليها الا طبخ

الشوربه وقلي السمبوسه واللقيمات واسترخت تاخذ قسط من الراحه لانها الليله راح

تضطر للوقوف فترة طويله لطبخ عشاء الضيوف وقررت ان تضاعف الكميه لتحتفظ

ببعض منه للأيام القادمه

وقد تعودت على هذه الطريقه واعجبتها خلاص وبتطبقها على طول كلما طبخت تشيل

للايام المقبله توفير للمجهود والوقت وفعلا ارتاحت شويه وصحت ابواحمد للصلاة

ويروح يشتري لوازم العشاء ولما خرج قامت تحضر الفطور وكان كل شئ جاهز

حضرت الشاهي والقهوه حطتهم على الطاوله وبدات تصف الصحون وكل مايلزم على

سفرة الاكل ووصل ابو احمد ومعاه المقاضي

حطتها على جنب وجلست تفطر معاه وقامت تصلي المغرب وهي تحاول تتذكر الاكلات المناسبه لتقديمها للضيوف

وبعد ما قررت ايش اللي راح تسويه لهم وبدات في التقطيع والتحضير من بدري

علشان وقت الطبخ يكون كل شئ جاهز وراحت لمجلس الضيوف ترتبه وتطلع منه

الصغار وكانو يلعبون فيه ويتخبو ورا الكنب رتبته مظبوط وقفلت الباب عن الصغار وخلتهم يلعبو عندها

لان ابوهم خرج يصلي التراويح وبعدها رايح يمر على اقاربه ويجي معاهم ولما قرب

الوقت حطت لهم الشاهي والقهوه والحلويات

في المجلس وبخرته وكان كل شئ جاهز لأستقبالهم حتى الأكل خالص ومستعده

تحطه لهم بأي وقت اما الصغار اعطتهم اكلهم واتعشوا ونامو وقعدت هي قدام

التيلفزيون بانتظار ابو احمد وضيوفه,, وكل شوي تطل من الشباك


ولما زهقت من الانتظار قررت انها تتصل عليه وتعرف ايش الي اخرهم



تابعوااااااا

مع (السهره)