منقول

بس اكثر شي يضحكني سلوبه في الكلام

سياره كانت باسم االبنك الاهلي ويوم جيت انقل الملكيه عند المرور قالوا جب اوراقك كامله جبت الاوراق كامله وانا كلي بهجه بنقلة الملكيه لكن صدمني الوكيل رقيب يوم قال يبوي لازم حضور مندوب من البنك الاهلى ماتنقل اي سياره الا بحضور مندوبهم ياهوه طيب من وين ادبر لك مندوبهم انا وش دخلني انا موطن مخلص اوراقي كامله ودافع الرسوم ومأمن وكل شي تمام
قال جاك العلم ماهنا نقل حتى تدبر مندوب
قلت رح مناك واورح لضابطهم وقال مانقدر هذا تعميم ومحد بيتحمل المسؤوليه
المهم طلعت وكلي شرار من القرار الي مال عمته داعي
رحت للبنك الاهلي ومن هنا يبدا المسلسل المكسيكي
قال هذا مو من اختصاصنا من اختصاص الي بوكالة السياره الي تبي تنقلها انت بدا شغل المطرسه
رحت لوكالة سيارتي
استقبلتني الوكاله بصدر رحب : هلا بالحبيب تبي تستبدل سيارتك تبي تسوي صيانه كل هذا محبه مشالله
قلت لا السالفه كيت وكيت
قال اها روح للكشك هناك تحصل مندوبهم كلمه مالنا علاقه
رحت لذاك الاطخم واحصله يهش ذباب من الفضاوه
انا : مرحبا
هو :مرحبا
انا : انا مواطن مخلص لبلدي وحبيت انقل استماره سيارتي ورحت.......الخ قصتي سردتها له
هو : طيب وش تبيني اسوي لك !!




انا : لاابد الله يسلمك كنت باخذ اذنك بس طال عمرك



قم امش معي للمرور

هو : لا يالوسيم انا مالي علاقه هذا من اختصار الفرع الرئيسي عند سوق العويس بشمال الرياض
رح الدور السابع هناك قسم يطلع لك مندوبين





رحت هناك

على فكره ماعندهم دور سابع اخر شي سادس بس وصلت السابع وشلون عاد قصه ثانيه

وادخل هذيك الغرفه مساحتها اربعه باربعه وفيها عشرين شخص في عشرين شخص وموظفين اخلاق روعه

واكلم موظف هناك قال معليش خذ رقم

ويوم وصلته بعد عناء ويقلب اوراقي قال معليش سيارتك اصلها يعني طالعه من جده ولازم تعاين السياره هناك و و و و ..........يعني ماهناش لانقل ولامندوب

انا : وش هالكلام بنقل سيارتي اانا ماطلبت منكم فلوس وش يوديني جده واجرجر موتري معي وقلت حيا

قال انا مالي شغل كذا النظام

ياسهلها والله نقزه لجده واخلص اموري هناك ويمكن ايه ويمكن لا


جلست مع نفسي برهه

قلت مالك الا حل واحد




وبالفعل رحت عند ابن الحلال الي دهنت سيره بدهن من النوع الغالي

ومااستحلفكم يومين ومعي الاستماره باسمي