 |
 |
|
|
|
|
 |
 |
 |
 |
| ؟؟؟؟؟؟؟؟؟؟؟؟؟؟؟ | قـــــريـــبـا | قـــــريـــبـا | قـــــريـــبـا |
|
|
|
|||||||
| التسجيل | الأسئلة الشائعة | قائمة الأعضاء | التقويم | جعل المنتديات كمقروءة |
 |
|
|
LinkBack | أدوات الموضوع | أنماط العرض |
21-10-2007, 10:58 AM
|
#1 |
|
{_"مشرفة الأسرة والطفل"_}
  |
حكايات ( عائلة ابو حمود .. وزوجته الولود,,! )
( عائلة ابو حمود .. وزوجته الولود,,! )  اتقدم بالشكر الجزيل لاخوي طرررفش على ثقته ودعمه المعنوي لي وحثي على الاستمرار بيومياتي...لذا سأقدم هذه القصص المشابهه.. اما صاحب الفكره الاساسية للقصة ورسم الشخصيات فهو طرفش .. الف شكر اخوي لك ولأدارة المنتدى كافة على تعاونكم وحسن معاملتكم بتلبية كل مانحتاجه وسرعة التنفيذ .. هذه كلمة حق يجب ان تقال..للعرفان وأنشاء الله نكون عند حسن ظنكم ,,  هنا و في اول جزء راح تكون مقدمة تتعرفون من خلالها على افراد العائلة  هي حكايات من واقعنا بلا رتوش او مجاملات ,, ابطالها مراهقين ومراهقات ,, اعمارهم مابين 7 سنوات الى 15 سنه .. تعالوا ندخل غرفة البنوتات .. ونتعرف عليهم وحده وحده فيه بنوته صغيرونه عمرها 8 سنوات وهذي اسمها بدريه شكلها يدل على انها ضايعة بالطوشة وسط اخواتها ,, بسبب فارق العمر كلن يسكتها مما سبب لها عادت (فقت الفم )وترخي الحنك السفلي وراسها نازل على الصدر وتطير عييناتها باخواتها وتتابع الي يسوونه وايش يقولون وكانها تمثال ماتتحرك ابد  وفجاة ترفع راسها وتهش بيدها عن وجهها وكأن قدامها ذبان او شي مضايقها والحقيقه مافيه ولا حتى نمله في الغرفه لكن الظاهر هذي حركة لااراديه تنبه فيها حواسها وتشعر نفسها ومن حولها وجودها المنسي وذنبها برقبة اخواتها الي طايحين فيها تدقيم ..لأنها ( بزر) ولا يعطونها وجه ابد ابد.. والضعيفه مافي احد قريب من عمرها تنسجم معاه رغم ان اخوها عبدالله عمره 9 سنوات لكن تعرفون العيال خاصة (عبيد) بتعرفون قصدي الين بدات الحكايات... المهم ..ندخل عند البنات ونسمع ويش يقولون...والي بالغرفه هم حسب الاعمار.. نهى(15)..ونورا(13)..وبدريه قلنا لكم ( 8) اسمعوا الحوار: بدرية : اقول يانهى ياريتك يااختي بكره تعطيني جوالك اكشخ فيه قدام صاحباتي ؟  نهى: ايش ايش؟؟ وشو ؟ماسمعتك زين ..اعطيكي...جوالي...؟ حشا ماانتيب صاحيه  هذا اللي بقي ! مابقى الا انتي ياها البزر تشيلين جوال ؟ وبالمدرسة بعد ؟ يامال الدقم .. الظاهر انك استخفيتي ( وانطلقت عليها من غير ماتترك لها اي مجال توضح وجهة نظرها وسبب طلبها الي ماكانت تتوقع عواقبه) لكنها لقت فرصة ودخلت بالحكي بسرعه لمن شافت نهى تحاول تتنسم بعد الكلام المتواصل بنفس واحد بدور: تكفين الله يطول عمرك ... (وتتلفت حولها تناظر بالصور الي فوق سرير نهى وكانت كلها لنجمها المفضل راغب علامه وبسرعة كملت دعواتها) الله يجوزك عريس مثل راغب علامة ويشبهه بكل شي.. ناظرتها نهى بانتقاد وقالت : مين قالك اني ابي اتزوج واحد يشبهه ياهبله ... بدريه: ليش هماكي تحبينه حيل وصاجتنا باغانيه ؟ نهى : ماهو معنى هذا اني ابي اتزوجه ياغبيه او اتزوج واحد مزيون زيه والبنات كل يوم طردي وراه,,,ياسعد عيني لاانشالله لا يختي انا ابي واحد عادي مااحد يركض وراه وحتى لو هو لاحق البنات مايعبرونه,,, بدريه: طيب ايش قلتي هلحين ؟ بتسلفيني جوالك ولا لا؟ نهى : اقول اها عاد تراكي قلبتي راسي خلاص عاد ضفي وجهك قبل لااقوم اكفخك,,, وتلتفت نهى على نورا وهي تقول: نوراااا سامعه اختك الي ماطلعت من البيضه  ورا ماتردين انتي بعد ؟ نورا ,, هوايتها القعدة قدام المراية وماتخلي لون الا وتلطه على وجهها وماغير تمسح وتحط ,,, واخيرا نورا ترد وهي منهمكة بالمكياج : ايه سمعت اسفهيهها بس يابنت الحلال وتعالي شوفي لون هالشدو لايق على لون بشرتي وعيوني  ولا اغيره؟نهى : اللهم طولك يارووووح,,,,يختي انتي ماتملين من هالتجارب على وجهك؟!! صايره كانك من فيران المعامل (ههههههههه) نعن ابوك عيونك تخفست من اللط والمسح ,, ماغير مقابله المراية من تصبحين الين تمسين؟ ياالمهبوله حافظي على بشرتك لا تستهلكينها قبل ماتوصلين العشرين وربي ان وجهك صاير كله بقع وبشرتك انعدمت  يمين بالله ان بشرة جدتي ازين من بشرتك .. علميني بذمتك ؟ مين هي الام المهبوله الي الا شافتك بتخطبك لولدها؟ نورا : خلاص .. خلاص.. اووف يااااااالله ليتني ماسالتك ياشينك الى قمتي تفلسفين,,قطع يقطع من هالعيشة الي كلها عقد...متى ربي يفكني منكم ياهالقراوة ,, بدرية لقت فرصتها علشان اتدحلس نورا بدرية: اقول نورا اختي حبيبتي والله انك تهبلين يانوير,, وكل الالوان وش زينها عليك تاخذين العقل ماعليكي من نهى ماعندها سالفة تراها غايرتن منك ,,, كانت تسولف وهي تمسد على شعر نورا الي التفت عليها بعصبية وقالت : مية مرة قلت لك لاتقولين لي نوير شايفتني لابسه برقع ولا محنية يدي ورجلي..اسمى نورا نوراااا يامتخلفة ,, وع عليكي وعلى الفاظك وانسي جوالي فارقي احسن لك يادبه ! (ههههههه) فهمتها على طول..مشت بدريه من عندها وهي تناشق  ( وهذي عادة عندها تمارسها كل ماضاق صدرها ) وفجأة يدخل اخوهم فهد مثل الصاروخ ( 10 ) وهو متحمس ونفسه ثاير يحكي بسرعة وفمه مليان بالحب داحيه مع قشره ,, وسعابيله تقطر ويمشها بكمه وهو مستمر بالحكي هو دبيبه جغوده متنفخه لدرجة ان خشمه ماعاد له ضيحة قال: ( يابنات.. يابنات تعالو شوفوابسرعه الله يرحم والديكم ) سالوه ببرود يدل على انهم عارفين ان ماعنده سالفه: ها وش نشوف؟ رد بحماس: جبت شريط فيه تفحيط مهوب طبيعي ابد.. وكان كل شوي يرفع سروال السنه الي لابسه مع الفنيلة وهذا لبسه في اغلب الاوقات... وشكل المغاط تفكك وفقد صلاحيته من الكرشة .. كمل: لايفوتكم تكفون تراني برجعه لخويي بعد ساعه.. وكان يتطلبهم وهو واقف و يرفع رجل وينزل رجل بطريقة توحي على الاصرار .. ويغريهم بالوصف: يلعن ام التفحيط والتخميس الي يفحطه الزعيم اتحدا ولد امه الي يقدررررررر,,, آآآآآآآه وقبل مايكمل الكلمة انطلقت باتجاهه قذائف عنقودية ارض ارض.. شباشب وعلب سي دي وبينهم مخده صغيره مدري من وين جات ,,, لكنه كان مستعد للانطلاق وطار  بسرعة الصاروخ يعني كان عارف و كان متوقعها(المشهد الثاني) غرفة العيال.... تااااااااااااااابعو |
|
|
|
21-10-2007, 11:19 AM
|
#2 |
|
[ مراقب كوكتيل روائع ]
 |
ماشاء الله قصه مشوقـه اسلوب سرد جداً جميلْ . بشغف ننتظر غـرفة العـيال |
|
|
|
|
21-10-2007, 11:33 AM
|
#3 | |||||||||||||||||||||||
|
رئيس مجلس ادارة المنتدى
|
اتقدم بشكر والعرفان لك اختي حوهرة المملكة على تبنيك هالفكره واستمررك بهذي اليوميات الكثر من رائعه واللامام ان شالله وفي انتظار باقي اليوميات وتقبلي تحياتي وشكري |
|||||||||||||||||||||||
|
|
|
|
21-10-2007, 12:02 PM
|
#4 |
|
{_"مشرفة الأسرة والطفل"_}
|
مشكور اخوي السفير
جزاك الله خير ووفقك لكل ماتحبه وترضاه ولا يحرمني من تواجدك ومداخلاتك الكريمة كرم اخلاقك الف شكرررررررررر |
|
|
|
|
21-10-2007, 12:09 PM
|
#5 |
|
{_"مشرفة الأسرة والطفل"_}
|
يارب اكون قدرت اقدم الفكرة باسلوب وتعبير
مناسب المهم انها عجبتك اخوي طرفش وشكلها راح تكون طويله مثل المسلسلات الامريكيه(السوب ابرا) الي ماتنتهي الله يعينكم عاد ههههههههههه مشكور يالغالي لاعدمتك والله يحميك ويسعدك |
|
|
|
|
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | |
|
|
|
|
تبادل نصي مع منتديات روائع
وفي نت |
وجوه تعبيريه |
ضع نصك |
العاب باربي |
العاب بنات |
ضع نصك |
ضع نصك |
ضع نصك |
ضع نصك |
دردشة
ضع نصك |
اغاني |
ضع نصك |
سحر الغرام |
استضافه تصميم |
ضع نصك |
ضع نصك |
ضع نصك |
ضع نصك |
ضع نصك
 |
 |
النمط الخطي
