دلــــوني قبـــرهــ واتركونـــي..؟؟!!!

وخـــر عــني · 17-01-2008, 05:01 AM

ياللي دفنتوا جثته.. ليه تبكون؟
لولا الحيا..لأقول : معكم خذوني
منه انحرمت وكنت انا عنه مسجون
ما أذكر لمحته .. غير مره بعيوني
شفته ..وكانت فرحتي مالها لون
عجزت لأوصف .. من لمحته شجوني
ياليتني ..كنت الكفن يوم تمشون
أبقى معه بالقبر ثم تدفنوني
أو ليتني .. من خلفكم كنت (مجنون)
أتبع خطاكم والعذر هو : جنوني
أبكي وراكم .. وأدعي ان كان تدعون
ما يكفي انه عاش عمره بدوني؟؟
تكفون < هاكم عمري اليوم تكفون
برخص حياتي دام خابت ظنوني
ما فادني صبري !! ولا فادني عون
ولا فادني دمع(ن) .. حرق لي جفوني
يا ما بكيته والبكي يحرق عيون
ميت أو انه حي .. دمعي بعيوني!!
العام كان بفرحته.. يعزف لحون
واليوم ؛ تحت الأرض .. ماهو بكوني
لكن أنا في فرحته.. كنت مدفون
فوق الثرى .. واليوم موته سجوني
(سميت قلبي عقب فرقاه **********)
هو و الليالي .. عن هناه امنعوني
ياليتني.. ماعشت لحظه بهالكون
و ياليت ربعي .. في سكات اذبحوني
وياليتكم .. عن همّي اليوم تدرون
منه انحرمت > ومن عزاه .. احرموني
حتى بوفاته !! يوم أنا طحت مطعون
أخفيت طعناتي .. قبل لا يفضحوني
بكيت!! لكن .. ماتظاهرت بالهون
أبكي وأقول : الموت هو سبة طعوني
و إن كان في حبّي أنا ..ماتحسّون ..؟!
دلوني لقبره .. وهناك .. اتركوني 0

عجبني اتمنى ان ينال اعجابكم

طــيــف نــجــد · 17-01-2008, 06:41 AM

قصيده حزينه ومعبره

وسلمت على نقلك الادبي الرائع

ويعطيك العافيه

الشـامخ · 17-01-2008, 09:17 AM

ياليتني ..كنت الكفن يوم تمشون
أبقى معه بالقبر ثم تدفنوني
أو ليتني .. من خلفكم كنت (مجنون)
أتبع خطاكم والعذر هو : جنوني

وخر عني صح الله لسان الشاعر وتسلم على روعة الاختيار

لك شكري.،

وخـــر عــني · 17-01-2008, 10:41 PM

الله يبعد عنى الاحزان

طيف تسمليلي على المرور يالغلا

وخـــر عــني · 17-01-2008, 10:42 PM

الله يسلمك

الشامخ نورتنا بطلتك

مفاهيم الخجلεїз · 17-01-2008, 10:46 PM

:/

ياليتني.. ماعشت لحظه بهالكون
و ياليت ربعي .. في سكات اذبحوني
وياليتكم .. عن همّي اليوم تدرون
منه انحرمت > ومن عزاه .. احرموني
حتى بوفاته !! يوم أنا طحت مطعون
أخفيت طعناتي .. قبل لا يفضحوني

:

رووعه جدااا مؤثره ..

صح لساان الشااعر "

/

وسلمت يدينك "

خيوو على النقل والذاقه الرائعه "

:

تقديري "

::

وخـــر عــني · 18-01-2008, 01:16 AM

الله يسلمك

وتسلميلي على مرورك الروعه

sawssen · 18-01-2008, 01:38 AM

كتير حزينة القصيدة و الله أوجعت داخلي

لكنها راقية لغتها و بلاغتها

مشكور للذوق الرائع

مزيد من التألق

احتراماتي

وخـــر عــني · 18-01-2008, 02:22 AM

الله يبعد عنا وعنك الاحزان

سوسن مشكورة على المرور

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)