طرررفش

(*35) هلا ومسهلا بربعنا والرفايز (*35)


اسعد الله كل اوقاتكم واعانكم على صيامكم وقيامكم وتقبل الله اعمالكم

قصتنا اليوم فيه شيء من الطرافه واللقافه

هذا في غابر الازمان وماضي الايام
ومن زمان واجد مره <------ ماودك انه يتفيصح

فيه رجال حب زوجته وقدر الله وفاتها
ونوى يعرس
وانكتب نصيبه في ارمله
واعرس بها
المره اوجست منه قل المحبه
وتوجسها كان في محله
هو مالين قلبه حب مرته الاوله
وبغت زوجته تشوف لها حل
وراحت ادور الشور عند رفيقتها
وعزالله انها ضايعه
رفيقتها وردتها القراده بشورها
شارت عليها انها تميرض عند رجلها
عشان نتشوف قدرها عنده
والا كوده يحن عليها
والا تبي تدلع عليه
اختارو اللي تبون <------- فتح الاحتمالات تفاديا لبعض الناس
المهم نفذت راي المعاقبه رفيقتها
تميرضت وقامت تون
.
.
.
.
جا الرجال وابليس راكبه
والغلا مهوب لها واجد
وقرادته سايقته
ولا تعوذ من شيطانه
ويوم لقها تون
درى انها كذوب
مهوب من نباهته
الا من قل المعزه
وكبر فعلها في عينه
وتذكر مرته المتوفيه
واشعل الحب سراجه
وكن مرته المتوفيه تراوت له
وقالت ....
مهيب اطيب مني مرتك الجديده
واحضرت محبتها في قلبه
وظلم الجديده من حبه لفقيدته
والا مهوب من ردى الجديده
لكن غلا الاوله حكم به على الجديده

وانشد ذا الابيات اللي تاليها طلقها في اخر بيت





إلي تون الصدق مرحومة الـروح
انتي تونيـن الغـلا سـدي iiبابـه
فعلكي على قلبي سـواة السكاكيـن
وإلـي بقـا بقلبـي لا iiتبحثيـنـه
من عقبها قلبي من الهـم مجـروح
ودمعي على خدي سـواة السحابـه
بيني وبين صويحبي عشرة سنيـن
ومعاكي ترى نفسي بهم iiوسجينـه
ما من كثر الحسوفـات مصلـوح
وصفي كما شايب تمنـى iiشبابـه
احرص على ديني وفعل الردى شين
ياربي تلهمنـي الهـدى والسكينـة
يا بنت يا منك بوجهـي تمهزيـن
فعايلك يـا بنـت ماهـي iiبزينـه
قومي تراكي مطلقة ياريش العيـن
كفـي توالـي الهـرج لا تلحقينـه




والمره ردت عليه من قل حيله ورد الشر بالشر وقالت ذا الابيات اللي بدتها بطلب الطلاق مهوب بطلقه الا بثلاث




هات الثلاث وخل عنك التزفات
كلن على فرقى خليلـه يونـي
إن كان تبكي على فايتٍ فـات
فجروحِ قلبي من خليلي تونـي
يالله علوه في منازل رفيعـات
وسط الجنان مكيفن iiومتهنـي
ما عاد أجمع لو اقرا له التحيات
دايم افكر فيه واقرا عن iiسنـي
القلب يفضح لو تماديت بسكات
ولو ما نطقت عيوني ألي حكني
كلن يبي يلقا نصيبه ولا فـات
لو كان فيك اليوم قد خاب iiظني



مع تحياتي لكم (*19) طررررررررفش المنفرش (*19)

Dr.Rae3

بصراحة القصة حلوة فعلا ..ومفيدة .

ولكن الي شدني اكثر هو القصيدة والرد عليها ..شي جنان فعلا .. كل واحد شب في الثاني بابيات شعر اقدر اقول عليها قوية

مشكور اخوي طررفش

المبرقعـــه

بقايا أمس

طويـــــل البال

MISS_Dr.Rae3

جمــان

ينقل لســاحة الروايات والقصص

saad5