وخـــر عــني

ياللـي دفنتـوا جثـتـه.. لـيـه تبـكـون؟
لـولا الحيـا..لأقـول : معـكـم خـذونـي

منه انحرمت وكنت انا عنـه مسجـون
مـا أذكـر لمحتـه .. غيـر مـره بعيونـي

شفتـه ..وكانـت فرحتـي مالهـا لــون
عجزت لأوصف .. من لمحته شجوني

ياليتنـي ..كنـت الكفـن ! يـوم تمشـون
أبـقـى مـعـه بالـقـبـر ثـــم تدفـنـونـي

أو ليتني .. من خلفكم كنت (مجنون)؟
أتـبـع خطـاكـم والـعـذر هــو : جنـونـي

أبكي وراكم ..وأدعي ان كـان تدعـون
مـا يكفـي انـه عـاش عمـره بدونـي؟؟

تكفـون هاكـم عمـري اليـوم تكفـون
بـرخـص حيـاتـي دام خـابــت ظـنـونـي

مـا فادنـي صبـري !! ولا فـادنـي عــون
ولا فادني دمع(ن) ..حرق لي جفوني

يـا مـا بكيتـه والبكـي يحـرق عيـون
ميت أو انه حي .. دمعي بعيونـي

العـام كـان بفرحتـه.. يعـزف لـحـون
واليوم ؛ تحت الأرض .. ماهو بكوني

لكن أنا في !! فرحتـه..كنـت مدفـون
فوق الثرى .. واليوم موته سجونـي

(سميت قلبي عقب فرقاه ملعون)
هو و الليالي ..... عن هناه امنعونـي

ياليتنـي.. ماعشـت لحـظـه بهالـكـون
و ياليت ربعي .. في سكات اذبحوني

وياليتكـم .. عـن همّـي اليـوم تــدرون
منه انحرمت ومن عزاه ..احرموني

حتى بوفاته !! يـوم أنـا طحـت مطعـون
أخفيت طعناتـي .. قبـل !!! يفضحونـي

بكـيـت!! لـكـن .. ماتظـاهـرت بالـهـون
أبكي وأقول : الموت!!!! سبة طعوني


منقوله

بنـت مطـير

!••{ سَمَا الرُوحَ •

التوقيع :

يَاقَبرْ .. ارْفقْ على بَدَنِه ,
ويَا لحدُه كُلَ تَنفسِ صَبَاحْ .. إمسَح على جبينِه
ويَاأرضْ كُلَ مسَاء .. سَامِريه
آنِسيه , أغدقيه ,
ضُميّه بودْ .. وقَبلي جَبينَ الطُهرِ
تبريكةَ مِني أوصِليه .. وأخْبريه
أني أذكُره .. أُحُبُه .. أشتَاقُ إليه.. وكثيرا
كثِيرا مَا أبكِيه .
وَ يارحمة الله } لاتنفكي
أمدَا .. أبَدا .. أُحضنِيه
.................................. dejavu

وخـــر عــني

اقتباس أرسل أصلا بواسطة بنـت مطـير صح لسان شاعرها ولاهنت ع النقل الرائع بجد قصيده رائعه وحززينه والكلمات صادقه وطالعه من قلب وبجد الفراق اصعب شي بالوجود ربي يخلي لنا من نحب ونعز ويطول باعمارهم

اللهم امين

بنت مطير نورتينا بمرورك

ولاتحرمينا طلتك

وخـــر عــني

اقتباس أرسل أصلا بواسطة سما الروح صح لسانه قصيده مؤلمة الصراحة يعطيك العافية على انتقاءك المميز

الله يعافيك

المميز مرورك يالغلا

مملكة الآهـــات

اقتباس ياليتنـي ..كنـت الكفـن ! يـوم تمشـون أبـقـى مـعـه بالـقـبـر ثـــم تدفـنـونـي أو ليتني .. من خلفكم كنت (مجنون)؟ أتـبـع خطـاكـم والـعـذر هــو : جنـونـي أبكي وراكم ..وأدعي ان كـان تدعـون مـا يكفـي انـه عـاش عمـره بدونـي؟؟

روووووووعه..

وجدا جميلة مشكور..

التوقيع :

اضْحَكْ حبيّبيِِ داَمْ وَقتْكْ مسَلّيكْ ،،
بُكْره تْمووؤووتْ منْ القَهَر لا نسيّتْكْ ،،

،،

،،

لاَ تظّنْ انّي منْ فْراًقكْ بكِيتْ ،،
مِنْ زينهَا دنْياكْ عشّان أبْكيِ عليّها ،،

وخـــر عــني

مملكة

نورتينا بمرورك