طرررفش

اللي يطلون برا الموضوع يخشون احسن لهم

الوقت : الثالثه بعد عصر الظهر
اليوم : الثلاثاء غرة ربيع 1300 هـ
المكان : طعوس عرب الشيخ مناور بن مجول (اللي هو ابو يوسف)


كان بطلنا الفارس / مكنون منحاش من قبيلته بسبة الثار الله يبعدنا ويبعدكم عنه
وكان هايم بالصحرا في عز القايله وكان بطلنا فارس لايشق له غبار ويعرف يلعب
كراتيه اضافة لمهاراته الفرديه في استعمال السيف وهذا اللي جابله العيد يوم شلخ
راس راعي الغنم عند النبع يوم انه يتميلح عند بنات القبيله (كاتبن ايميله علي ظهر
الفنيله من زين الطبايع جماله بدايع ) وكبرت السالفه وصار بطلنا مطارد ومعمم عليه
في جميع مداخل المملكه والسبه هالفاتنه عسوله:




وصار بطلنا استاذ في عملية التنكر والهروب من نقاط التفتيش المهم اقبل ذاك اليوم
علي عرب الشيخ مناور علي فرسوه قرناسه




علي فكره ترى صقره رابي مع دجاج ويقشم حب ويتكلم واللورد تراه في كامل حلته
البهيه العقال ضغط 35 تيوبلس وترى السيف منقطم ومركب فيه سكين خضره لايهمكم
الشكل وكان في فرسه جلاس سيكل 24 بس خرب وشاله يفشل وفي هاللقطه كان
مار من عند حزم الجلاميد غرب القبيله يبي يسكن عند عايله تضفه.


والله وهو مروح جاي وهو محدّر والا يشوف كومت رماد قال خلني اتنكر لا احد
يعرفني ويروح تعبي علي الفاضي ويطب محيفره من الفرس ويربطها بالشجره
ويجلس يشخمط بخشته من هالرماد ويكحل عيونه ويسوي نفسه راعي يدور العيشه
ويلقي علي دربه جيلون زيت قلي ويقوم الرجال ويخفسه بعصا شجره ويقطع من
ذنب الفرس يجي 10 شعرات وقعدت تناهق الفرس (شي غريب) ويضبط ذيك الربابه اللي
مازين منها ويدحدر للشيخ مناورعلشان يضفه ويدخل في حمايته .



ويوم دخل مكنون بالشق وسلم عليهم والا مهب اللي تبي شخ القبيله قاعدن يلف
حشيش يادافع البلي وولده يعبي هالدلال كلونيا ويفوح لهم وهم يشربون ويقربعون
ويمزون علي بيض مسلوق يعني الخيمه مبخوخه والذبان مهاجر من ريحت البيارات .

وجاهم هاللي مايدرون منهو بس من شكله يبدو انه راعي طرب قالوا اكتمل المثلث
الطربي تفضل تفضل يا ضيف الرحمان انت لك 3 ايام ضيافه وبعدها نشوف مرادك
صبوله قهوه ريحتها كلونيا مغاسل وقدع من البيض المسلوق يوم الرجال من عاشر
فنجال معادهوب اللي انت تبي




مكنون مسك الربابه وقام ينعشهم ويقولبها ويغني لهم البرتقاله ثم حول علي معبد
حمدوه مذهله ثم حول علي اغاني شاني هاكر وذا العربان طربانين وبعد 8 ساعات
من الصهلله طفا وقلبت تسبده وهو يقوم وياخذ شماغ الشيخ مناور ويحزمه علي
الشنطه ويقعد يشكشك والعالم ينطلون عليه دراهم ماتقول الا مرقص في سوريا
ويطامر ويرادح ويقرده الله ويقعد في حضن الشيخ مناور (ابو يوسف) يبي يحب راسه وهو اللي
يطرش علي صلعته عشا البارح كله شي تسنه سرلاك وفيه عظام دجاج........ اييييييييييه
وتخرب العلاقه وقفلت مع شيخ القبيله اويوسف وهو يامر فرسان القبيله انهم يقبضون عليه
مخفورن وينطلونه في حفره وامر فرسان القبيله انهم يجيبون البروستد علشان
يفككون السكره ويتعشون والي جا الصبح يشوفون وش سالفت هالادمي





تعشي الشيخ مناور وبمعيته فرسان القبيله ورقدوا (الشيخ مناور هو ابو شنب اللي
كنه عاضن غراب والعياذ بالله ).

ويوم اصبحوا عاد شيخ القبيله عنده هوايه غريبه اول ما يقوم يسوي يوقا ثم يقعد
يدق نجر علشان يصلح نسكافه علي فكة الريق ثم يروح لمكتبه بالخيمه
اللي وسط العربان يشوف احوال الرعيه :




المهم حاكموا الرجال واثر الرجال البارح كب العشا كله وخق بالسالفه وما خلي
شي ما قاله وحكموا عليه انهم يعلقونه بصرواله في طلحه لمدة 3 ايام وبعدها
يقدر يوكل محامي يدافع عنه قضت الثلاث ايام ووكلوا له محامي وحكموا عليه
بالاعدام بالكرسي الكهربائي (كرسي حلاق مشبوك في ماطور علي 220
فولت+غضاره توضع علي المجني عليه في منطقة الهامه) والا انه يعرس علي
بنت الشيخ مناور ابو يوسف واسمها وضحي



وضحي هذي ماقد خذت رجال الا ويموت من ثاني ليله يعني خاربه خاربه والمدعوه
لها شي تحت خشمها ياقربه من الشنب علشان تسذا حاطه الرشرش في خشتها
من مواطن الجمال فيها ان رجليها يسار كلها وما تلبس الا كنادر خلطه مقاس 48
وكلها شعر ما تقول الا طلي رافع غزاله وشعر اباطها مجدول ومربوطه ورى ظهرها
ولاهيب تسبح ابد الا كل خمس سنين يعني الوصخ قيشاني وبلاوي الله يعلم بها


ههههههههههههههههههه
الظاهر بننجلد اليوم في الحاير

الصور المرفقة

	bedouin-34.jpg (80.2 كيلوبايت, 177 مشاهدات)
	bedouin-11.jpg (76.1 كيلوبايت, 177 مشاهدات)
	bedouin-19.jpg (123.5 كيلوبايت, 162 مشاهدات)
	bedouin-6.jpg (90.5 كيلوبايت, 152 مشاهدات)

T O T T I

ههههههههههههههه
الله يجازيك
شكرا على الموضوع

التوقيع :

T O T T I

Ronaldinho

التوقيع :

°ˆ~*¤®§(*§*)§®¤*~ˆ°Ronaldinho°ˆ~*¤®§(*§*)§®¤*~ˆ°

saad5

التوقيع :

(*35) xX عـــــاشق بنت الريـــــــف Xx (*35)
ٍ
على كف القدر نمشي ولا ندري عن المكتوب