أكتب اجمل بيت شعر مر عليك

!••{ سَمَا الرُوحَ • · 19-04-2008, 10:55 PM

ودي احياء مــابقى لي من حيـاة ..
واجعل الأيــآم .. بعيــوني تـزين ..

najd-ksa · 19-04-2008, 10:58 PM

ابيع مايغلى على الكون واشريك
واسوق لى جتنى علومك بشاير
وازعل جميع الناس بالحيل وارضيك
واصبر ولودارت على الدواير
وآخذ من ايامي لك ايام واعطيك
وان راح عمري لك فلا هو خساير

!••{ سَمَا الرُوحَ • · 19-04-2008, 11:07 PM

لكـ انا خطوه واوصـــــل للجــنون
بكـ ترى العاقل على عقله يـلام..!!
بكـ انا بافخرعلى العالم وأكـــون
أسعد اللي حب وأجملهم كـلام..!!

najd-ksa · 19-04-2008, 11:15 PM

لو نسيت العمر ما انسى دمعتك

صرخة ذابت من عيونك دموع

ترتعش مرتاعة في وجنتك

وانتفض قلبي لها بين الضلوع

أزعجت صمت الليالي عبرتك

بالخفا ثوره وبالظاهر خشوع

تسكب الدمعه وتظمى نظرتك

مشهد النظرة وهي تظمى يروع

يا ضياع العمر ضيعة بسمتك

ضاع معها خافق مثلك جزوع

ليت من يمتص جارح لحظتك

والفرح يشعل دياجيرك شموع

!••{ سَمَا الرُوحَ • · 19-04-2008, 11:19 PM

أصعب سؤال اللي جوابه للاسف مثله سؤال
ماهو تفلسف الا موقف وصار واسمع ثاني بيت
البارحه يومه سال وش ذكرك ذيك الليال
كان الجواب بكل بساطه من متى اصلا نسيت
أدري بأن جمع الصعوبه والبساطه شي محال
لكنها صارت كذا واللى أهم اني دريت !
أن الحياه فبعد أحبابك أذا جف الوصال
بتعيشها لوتقتنع أنك خلاص اصبحت ميت
ياصاحبي لوكل شي يمر بالخاطر يقال
ماكانت العبره تولجني ليامنك طريت

najd-ksa · 19-04-2008, 11:27 PM

ليالى نجد مامثلك ليالي
غلاك اول وزاد الحب غالي
ليالي نجد للمحبوب طيبي
امانه نور عينى ياليالي
حبيبي لى ذكرت انه حبيبي
دريت انى حظيظ وزان بالي
على شانه تهاونت المصايب
اذوق المر لاجل رضاه حالي
والى من الزمان اشتد حره
لقيت بقرب مظنوني ظلالي
عفا الله عنه مما جاني اول
غسل حبه جميع الهم تالي

!••{ سَمَا الرُوحَ • · 19-04-2008, 11:36 PM

ابسكت يابحر وامشي واخلي ضيقتي فيني ..
ابسكت وابتعد عنك وادور من يواااسيني .. !!
تصدق يابحر اني توقعتك تشيل الهم ..
لكني انصدمت انك غرقت بدمعه من عيني .. !!

najd-ksa · 19-04-2008, 11:50 PM

تصدق كلمة احبك واحبك حيل ماتكفي
.....................وانا ودي بكلمه مالفظها بشر غيري
تعبر لك عن احساسي تبين منتهى اصفي
......................تبين لك غلاك اللي مايكفيه تعبيري

!••{ سَمَا الرُوحَ • · 19-04-2008, 11:59 PM

ما هوب من حقي يضايقنـي جفـاك .............................
.............................ولااعشقك ولاالمحك ولااحتريـك!!
لكن ما يخفانـي ولا اظـن يخفـاك.............................
.............................حقي عليك .. انّك تطمنّي عليـك!!

najd-ksa · 20-04-2008, 12:05 AM

كلن تغنى بالهوا قال انا احب .. والحب ما هو بالذي تعرفونة

الحب سم شاربة يعجز الطب .. وراعية مايسمع لمن يعذلونة

الحب من يدخل محيطة تغرب .. يعيش بين اهلة ولا يعرفونة

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 3 (0 أعضاء و3 ضيوف)