أكتب اجمل بيت شعر مر عليك

najd-ksa · 21-04-2008, 11:47 AM

يفداك شـوقٍ تـل كـل المعاليـق
..............وهاك الخزام إللي تفتـح شذاهـا

كل المشاعر قررت لجلـك تفيـق
..............حتى هتوني أمطرت مـن ظماهـا

"و ربي أ حبك" دون كل المخاليق
..............و عشقي لهذي الأرض لأنك تطاها

! شرشر ! · 21-04-2008, 11:15 PM

يا عظيمه كل شيٍ لـه حـدود ولـه نهايـه
لكن انتي ماوقفتـي عنـد حـدّك ياعظيمـه
استلذّيـتـي بطعنـاتـي واخذتيهاهـوايـه
كن ما لك حربـةٍ توجـع وطعنـاتٍ أليمـه
آه ليتـك مـا تماديتـي بطعنـات البـدايـه
لين صار لكل طعنه فالحشا معنـى وقيمـه
الله يبيحك ولكن كيف فـي أغـرب روايـه
تكتبين الحب كذبـه والهـوى دقّـه قديمـه
وانتي اللي كل ما لـدّت عيونـك فالمرايـه
ما لمحتي الا اليتيم اللي خذت قلبـه يتيمـه
واليتيمه فاليتامـى مالهـا حـق الوصايـه
الوصيّه عودها الغـض ونوايـاه السليمـه
لكن انتي صار لك حق الوصايـه والولايـه
واستبدّيتي وشدّوا البدو واضحيتـي مقيمـه
ما رحلتي لين حطّمتـي بمـا فيـه الكفايـه
عاقلٍ حب الجنون وصوت نارك في مشيمه
استبحتي حرمة المجنون بـادراك وعنايـه
والتفتّي له بعقلك وارتكزتي فـي صميمـه
امتلكتي غايته لو كـان مالـه فيـك غايـه
وانتصرتي في عيونه واعترف لك بالهزيمه
من كثر ما يعشقك ماقال لك بالحـب رايـه
خايف الأيـام لا تطلـع عواقبهـا وخيمـه
في طريقك كل ماكنّه لمـس درب الهدايـه
تـاه ودروب الحيـاة المستقيمـه مستقيمـه
تايهٍ بصري ومـن جابـه لبيـت الله تايـه
عذر من غمّض بعين وعينه الأخرى كريمه
فدوتك مافات من ليّام واللـي عـاد جايـه
يا بعد عمرٍ مخاسيره معـك عنـدي غنيمـه
أنتي الفارع بقـد وجـد واسمـاء وكنايـه
من عشق مثلك يجوز من الهوى وشداد ريمه
ليه لا وانتي بحسنك في ذوات الحسن آيـه
لا ذهب لا ماس لا ياقوت لا احجارٍ كريمه
شاعرٍ له مع هل الرايات فالمرقـاب رايـه
كل ماهبّت هبوبـك فلّهـا قـدر وحشيمـه
سامحك من ألف باء الذنب الى مالا نهايـه
واستباحك عن خطاه وكـل طـقٍ بتعليمـه
يوم قلتي أعطنـي حرّيتـي أطلـق يدايـه
ما ذخر عن وجهك الا طعنتينٍ في صميمـه

!••{ سَمَا الرُوحَ • · 21-04-2008, 11:22 PM

خوفي يطول الليل والحلم ينساكـ
خوفي عيون الكون بالحيل تبكيكـ
مني لكـ الإخلاص لوطال فرقاكـ
مهما يطول البعد ماني بناسيكـ
تبقى على عهدي دام إني أهواكـ
وتبقى لك أحلامي رسايل تناااااااديكـ ..

! شرشر ! · 21-04-2008, 11:31 PM

قرب الرحيل وخاطري منك ما طاب

يا واحد حياتي عنده رهانه

!••{ سَمَا الرُوحَ • · 21-04-2008, 11:36 PM

هب الشمال وجابت الريح ذكرى
ياليت لي فـ بال الأحباب طاري
ياما على وصلك تحريت ذكرى
وياما ع طاريك عطرت داري
لمصافحك كفي من العام عذرا
تغار من لهفة يميني يساري

وخـــر عــني · 21-04-2008, 11:43 PM

قلبي دليلي لو يقــولــون غلطـــان

ويـن الغلـط لا صــار قلبي دليلي؟؟

لي نظرتي بفــلان وفــلان وفــلان

وحصيل غيري ما يقارب حصيلي

!••{ سَمَا الرُوحَ • · 22-04-2008, 05:03 AM

ياجرح لو تلتهب ماهي على كيفك
الحاجه اللي تذل النفس مابيها ..
ياجرح لو في خفوقي ماكنن سيفك
العزه اللي براسي منت قاويها ..

وخـــر عــني · 22-04-2008, 07:13 AM

صمت(ن) مريب وحالتي في غرابه
" ماني بضايق ! بس ماني برايق "

ليلـي وهمـي والعنـا والكآبـه
زادوا على نيران صدري حرايـق.. !

!••{ سَمَا الرُوحَ • · 22-04-2008, 07:28 AM

لا ضاقت الدنيا عليك وتشاويت ..
.. خلق الله اللي فالرخا كان واجد

ومن العرب والصوت والثوب مليت ..
.. وقامت عليك هموم بأقعا تراجد

فارفع يديك لخالقك لا توضيت ..
.. وادعو تراك أقرب إليا صرت ساجد

ووقت من أوقاتك للأوقات توقيت ..
.. وسجل لنفسك في المساجد تواجد

وأبشر بفزعة حامي الدين والبيت ..
.. إليا هجدك من الهواجيس هاجد

اللي يميت الحي ثم يحيي الميت ..
.. لرضاه شف كثر البشر بالمساجد

وخـــر عــني · 22-04-2008, 08:02 AM

قالوا من انت وقلت انا اللي بالجرح غرقان
رغم الحزن اضحك على جرح الاوجاع

/

اخفي ورى ضحكي مواجيع واحـزان
واخفي جروح القلب عن كل الاسمـاع

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 5 (1 أعضاء و4 ضيوف)
سامر202021