أكتب اجمل بيت شعر مر عليك

بنـت مطـير · 25-06-2008, 10:55 AM

الوردة اللي بكفي يالغلا فاحت

وردة غرام قطفتها شوق مضنونك

أمطر خفوقي مشاعر بالغلا جادت

يالله عساها بقلبي تمطر مزونك

najd-ksa · 25-06-2008, 11:16 AM

من عادتي مادس درب الصداقه دس
ألعب على المكشوف وأكشف سواده
من مدلي يمناه مديت لـه خمـس
ومن صد عني عفت شوفت بـلاده

ملـك الاحساس · 25-06-2008, 01:57 PM

يا ليت الشوق لك مرسال وانا ناطر تناديني
ويا ليت الحب فيك جبال وانا وادي تضميني

رعـــــــد · 25-06-2008, 06:41 PM

لاتحسب اني إذا ابطيت ناسيك *** ماينسى عشرة صاحبه غير الانذال
حدتني ظروفي على البعد لاجيك*** هم بوسط القلب والدمع همال
ولا انت ياكل الغلا افتخر فيك*** وحبك سكن داخل فؤادي ولا زال

Mafia Girl · 25-06-2008, 06:58 PM

انت يا ساكن بقلبي ..
اسمح لي اعيش بقلبك ..

سامر202021 · 25-06-2008, 08:40 PM

تضيع ناس بالدنيا وشخص بداخلي ماضاع

احبك من صميم قلبي وقلبي للوفا ماباع

بنـ عسوله ـوته · 26-06-2008, 01:28 AM

ودي أتوسد ذراعك وأضمك حيل لأحضاني

وأحسك في عروقي عشق يملك كل وجداني

دنيـآكـ دنيـآي · 26-06-2008, 02:02 AM

في يدينك لمني واستر علي لا من شهقت

لو تشوف ابكاى وقف لا تقول اني بكيت

قول دخان الزقارة في عيوني واحترقت

جيت اطفي ما بقى فيها ولكني نسيت

دور لدمعي معاذيري كثيرة قل عرقت

إلا تدري قول مدري احسبك نمت وغفيت

والله إنك ما كذبت الا معي دايم صدقت

بس عشاني ليت تكذب بس هالمرة ياليت

سو نفسك ما سمعت اني اناديه وشرقت

عدها شرقة مريض ومن سخونتها هذيت

تكفي لا تسألني عنه من كثر حبه زهقت

كل ما بغفي والمك مر بالبال ووعيت

تجربة ولا لها حظ وعلى طول افترقت

انتهى المشوار فيها كان بايع واشتريت

واحدي سير على قلبي وخذ وياه وقت

أي وقت إلا خذي وياه قلبي وش خذيت

كود جرح وونتين ودمعة العين وحرقت

قلب منهو يسمع ابيات القصيدة بيت بيت

هو نساني واحسب اني لا عشقته انعشقت

وانت أبيلي عيب واحد فيك ما عمري لقيت

هو سرق مني ابتساماتي وانا منك سرقت

قلبك ومذكر عطيت بيوم من قلبي ووفيت

حتى في عز اندماجي في غرامك ما نطقت

الا اسمه والمصيبة قلتلي سم ورضيت

لا شرهت ولا زعلت ولا تغيرت وفرقت

هيه هيه الابتسامة ما تكدرت ومشيت

بس دمعة من عيونك وان سألتك ما صدقت

قلتلي الدخان داخل في وسط عيني وبكيت

الأمبراطور · 26-06-2008, 02:25 AM

أجمل بيت شفته وقريته بس ماجاني مسج..

أخذته من الأخت najd_ksa

أعذريني عشاني أخذته بس بصراحه هو الوحيد اللي شدني من كل الأبيات الموجودة ولا هو قصور بالأخوان الباقين بس قسم أنها أبيات مميزة أهنيك يانجد على الأبيات الحلوة..

من عادتي مادس درب الصداقه دس
ألعب على المكشوف وأكشف سواده
من مدلي يمناه مديت لـه خمـس
ومن صد عني عفت شوفت بـلاده

najd-ksa · 26-06-2008, 03:02 AM

ربي يسلمك فيس مستحي

حلاالك خيي الامبراطور بالاصل ملتووش

لا تشتكي من جور الأيـام للنـاس
وادفن همومك في ثرى الصمت كله
أسرار عمرك خلها تحت الأنفـاس
لا صار هرّاج القفـى فاطـن لـه
هذاك يفرح لا لمس جرح الإحساس
وهذاك يناهي لا لقـى فيـك علّـه
جوّ الربيع بعجّة الصيف ينحـاس
لاجت هروجٍ ماتجـي فـي محلّـه
داعب هموم الليل لاهـب نسنـاس
وعطه الخبر من قلب خـلّ ٍ لخلّـه
قل له حبيبك ماوطى قلبـه اليـاس
حتى عذابك با الهوى جايـزن لـه
تعيش بالوجدان ما عاش هالـراس
ولولاك قّلي وش انا عايشـن لـه
إن زانت الأيام ياشـوق لا بـاس
وإلا صبرنـا ليـن ربـك يحـلّـه ..!!

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 3 (1 أعضاء و2 ضيوف)
سامر202021