أكتب اجمل بيت شعر مر عليك

دنيـآكـ دنيـآي · 06-07-2008, 07:39 AM

على ذاك الجـــدار اللي على حد البــيوت الطـــين *** وقفت وهاجس الذكرى نفض من قلبي اغباره

وقفت أطلق مدى شوفي وأناظر مفـــرق الدربــين *** وأشوف الدار وعيوني تضم الدرب وجــــداره

أجل هذا الجدار اللي سهر يوم الـعــــرب غـــافين *** أجل هذا الصديق اللي ذكرته وأذكر أســــراره

أنا أذكر يــــــوم يجــمعـــنا يغطـــينا برمــش العين *** نسج ليله وسوى به على عشـــــاقه أستــــاره

حجــــــر لــكن أحسن أنه يحس بفـــرحة القلبـــين *** أحس أنه (نفــس) لكن غدى جامـد من أقــداره

حجر يوم العــــرب تنسى إذا مـــرت عليها ســـنين *** حجر يوم العرب تنسى حبيبـــــا ً مبـــعده داره

ولــــكن الجــــدار اللي تركـــته من هــذاك الحـــين *** عرفني يوم قابلـــــته وبـــلل دمعبي أجـــداره

جلست وهاجس الذكرى وقلت بخاطـــري مسكـــين *** ثمان سنين في وحشــــــه ولا أحد بيننا زاره

وفــــاء ذاك المـــكان أثبت إن الأدمـــي من طــــين ***تخيـّـل يوم لا مســـــته تنــــهد من شقـــا ناره

سألني قال أنا أذكــركم تجــــوني بالظــــــلام اثنين *** بكيت وقلت صدقني رحـل وإنقطـعت أخبـــاره

najd-ksa · 06-07-2008, 07:51 AM

إن رحت عني راحت الروح مني
...................و ان جيتني رديت بالجسم روحي
شوفك يشيل الهم والحزن عني
...................وفرقاك يا مملوح يدمي جروحي

!••{ سَمَا الرُوحَ • · 06-07-2008, 07:53 AM

ياوقتي ترفق ترى القلب كافيه
كثر الماسي والعذاب يحتويني
ماعاد باقي حيل همي اداريه
لو بكتم الدمع غصب يفضحني

طــيــف نــجــد · 06-07-2008, 07:54 AM

ماعاد لي حيلة على ملك الأشواق
مشاعري وأشواق قلبي املكوني
الشوق بلوى والوله صار سراق
ويمك أحاسيس المحبة دعوني
القلب لم مشتاق مشتاق مشتاق
لكن ظروفي عن لقاك أبعدوني

دنيـآكـ دنيـآي · 06-07-2008, 07:58 AM

ياللي زعلت إزعل ولاني مراضـيك

أشرب كدر ماي البحر كانه أرضـاك

لا تحسب أني عقب صدك بداريـك

بأعز نفسي عنك مـدراك مــدراك

أربـع ســنين وأنا متحمـل تغليك
ر
اضي بتعذيبك لأجـل قلبٍ أغـلاك

وخليتني واليــوم والله لأخـليـك

وأدوس قـلبي لينـه يقـول خـلاك

قبـل توريني الحسـاير بأوريــك

ليمن يقـال فـلان هناك و وراك

كـانك تحداني فأنـا أقبـل تحـديك

وأنسى الغـرام اللي مـضى وأتحداك

مـاني بقايـل لك عسى الله يهنيـك

الله يحـرمك كـل مـا كان هنّــاك

عـسى العمـى ياخاين العهد يعميـك

فوق الغرور اللي عن الماضي أعماك

وعسـاك ما تسمـع قريب يناديـك

حيثك تجاهل صوت محـروم نـاداك

وعسى الشلل يعـوق رجـلٍ تمشيك

لـينك تنـدم ليـه غـيرت ممشـاك

وعسى حياتك بس فرحـة لشـانيك

يلقى بها الفـرصـة عدوك ويشناك

وعسى الليـالي اللي تجيني بطاريك

يصبح عليها الصبح ويموت طريـاك

وعسى المنـام وكل راحة تجافيـك

آمين حتى اللي تمنــاه يجفـــاك

وعساك ما تفـرح وتكثر بـلاويـك

وأمك تشـق الجيب من عظم بلـواك

وإلى مت جعلك في جهنم تصـاليـك

نار الجحيم ونار دنياك تصـــلاك

الله يكـره فـيك حـتى دوانيــك

غشـاش خـاين من من الناس داناك

هذه النهايـة روح والله يجازيــك

أمسـك ويومـك عنهم الغد يجزاك

najd-ksa · 06-07-2008, 08:00 AM

كف شالت شموع وكف شالت غلا
................وانت بين الايادي نجمة ماتطيح
هو صحيح الحبايب بالوصال بخلا
............اه مصعب سؤالي بالخفوق الجريح
انتظرتك حبيبي في عيون الولا
............ياحبيب المكان وحاكمه بستريح

!••{ سَمَا الرُوحَ • · 06-07-2008, 08:21 AM

تعال وامسح دمعة من عيون بكت فرقاك ..
تعال قبل ما أصبح فعالم حزني المسجون ..!

رعـــــــد · 06-07-2008, 08:26 AM

أحبه موت لكني أقول يحبني يا ليته
يجاوبني ويفاجئني بكلامن ماتوقعته
بأنه من صغر سني يلمح لي ومافهمته
بأنه هو عاشقني ويحسبني تجاهلته
وألحين اقول اعذرني كلامك امس ماعرفته
وألحين أرجوك سمعني كلامك لأني تمنيته
وسمعني وطمني بأنه يحبني وصدقته
والحين لاشي يمنعني بأني اكون سميته
حياتي وعمري وروحي وبكل ما أملك ساويته

الأمبراطور · 06-07-2008, 08:33 AM

جمعت الشوق بعيونك وكل الزين بوصافك..
بيوت الشعر عن وصفك عجز منطوق شاعرها..

najd-ksa · 06-07-2008, 08:33 AM

رسمت الشوق في نبض يحبك
...................على لوحة حسن طيفك جميله
غروب الشمس فيها مثل خدك
........................مثل عين الي فارق خليله

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 3 (0 أعضاء و3 ضيوف)