أكتب اجمل بيت شعر مر عليك

ج ـنون الـورد · 28-08-2008, 03:32 AM

دام المشاعر بوسط الـروح منطمسـه
... ولاعاد به حـب من بينك ومن بينـي

انسى وبانسى حديث الحـب والهمسه
... ولاعاد يطري عليك الحـب وسنينـي

هذاك عصر مضالي وغـربت شمسـه
... ولا يطرد المقفي غيـر المساكينـي

الهوى الغائب · 28-08-2008, 03:34 AM

كل ما اقفيت ناداني تعال وكل ما جيت عزم بالرحيل
الحقيقه غدت مثل الخيال هو عذولي وهو اوفى خليل

ج ـنون الـورد · 28-08-2008, 03:37 AM

لاشفت بعـض الأوادم للـردى مالـوا
نفضتهـم مـن عيونـي قبـل اخليهـم

يكفينـي القـدر نلتـه يـوم مانـالـوا
الا .. او اقول مابغى اجيـب طاريهـم

وخـــر عــني · 28-08-2008, 03:40 AM

ما كل من يضحك من النـاس مرتـاح
بعض البشر فـقلوبها يجلس الضيـق

سهران طول الليـل والفجـر مـالاح
والعين .. واحساسي وقلبي .. مشافيق

من راح عن عيني وانا كلـي جـراح
آونست حر اليـاس وسـط المعاليـق

الهـم يطوينـي كمـا طـي مسبـاح
وانا الذي من جيت بيـن الشواهيـق

وش حيلتي والقلـب بالحـب نضّـاح
ماخنت يـوم الغيـر خـان المواثيـق

لالي رسول ٍ يبـدل الحـزن بافـراح
والظـن والريبـه لفكـري مسابيـق

غرقت في بحره وانـا كنـت سبّـاح
وان قلت مرساه النخـل فـالمعاذيـق

مدري صدى عشقي غدا منهل رمـاح
ولا العـواذل غربهـا بالمشـاريـق

حتى الخيانه وان بـدا عطرهـا فـاح
شميتـه خزامـى وعطـر المعاشيـق

وش حيلتي والهم فـالقلـب مجتـاح
عسكر لي الضيقه جيـوش ومرافيـق

اركى عليّ النار ليـن الصبـر سـاح
وابدا لي حمولـه وشلتـه ولا طيـق

ياعاذلـي والقلـب ان طـاح مـاراح
شفنـي 3 سنيـن بيـن الطواريـق

ذكرى تهب وصوتهـا ينطـح صيـاح
العقل ساق القلـب دونـه ولا سيـق

باقـي علـى ميثـاق والسـد مابـاح
والناس تجبرني علـى فكـة الريـق

ج ـنون الـورد · 28-08-2008, 03:41 AM

ياصاحبـي لاتجـي وتقولـي قـالـوا
لو قلـت ماقلـت غيـر الله يجازيهـم

دنيتي بعيونكـ · 28-08-2008, 07:44 AM

/

ما عاد تلقى فالزمن قلب صادق
القلب واحد والولايف ثلاثيـن

راحت قلوب الناس مثل الفنادق
تستقبل الزوار لو هم ملاييـن ..!

/

!••{ سَمَا الرُوحَ • · 28-08-2008, 08:09 AM

بين الصبر والصمت والخاطر الزين
ماقلـت ياليـل العنـا وش جرالـي

ج ـنون الـورد · 28-08-2008, 03:58 PM

يآكثرهم لا قلت لك عرفه وجيه ..
وياقلهم لا قلت قدر ومعـــزه ...

دنيتي بعيونكـ · 29-08-2008, 12:57 AM

/
/

أنـا بليـت بحبكـم مـن هبالـي
وإلا أنت ظلِ ما لنـا فيـك منـزال

خيرك لغيري والشقـا والعنـا لـي
والمشكله إني عارفٍ كـل الأحـول

ج ـنون الـورد · 29-08-2008, 01:40 AM

فــي حياتي ما لقيت غير العذاب ..!
عايش بأحــزان ومن همي طريــح ..! .
سامحونــي ظنكم فيني ســراب ، ..
حظي لاشــلته غصب عني يطيح !
والوصــية لادفنوني في التــراب!!
خــلوالغــالي على قبري يصــيح ..،

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 2 (0 أعضاء و2 ضيوف)