أكتب اجمل بيت شعر مر عليك

عاشق هدب . . . · 29-03-2008, 06:56 PM

ما عاد تفرق غيبتك أو رجعتك .. عنـدي سـواء !
كنت إهتمامي ورغبتي .., والحيـن دوري أهملـك !

لا صار قلبي لك وطن .. أبسألك ويـن الـولاء ..؟
وشلون حال المملكه ؟ - دام الخيانه من ( ملـك ) !

وخـــر عــني · 29-03-2008, 07:38 PM

حقك علي أن كنت زعلان يا بعد عمري وقلب غاليك
برضيك مهما يكون يا فلان حتى ولو راضي براضيك

قلبي بك مولع وحيران محتار ما يدري بك أشفيك
ويقول لك أن كان غلطان أرضى عليه الله يخليك

عليك أنا يا شوق ولهان دايم أنا وقلبي في طاريك
جفني يقضى الليل سهران والعين يالغالي تناديك

أنت وأنا بالزين خلان واجب تداريني وأداريك
ما نختلف لو كان ما كان ولا عاد تجفيني ولا أجفيك

حــ الـكـون ـلا · 29-03-2008, 08:40 PM

لا ضاق صدري دون كل الخلايق
وحسيت بأن القلب تبكي ركونه
ذكرت من هو لا لفا الصدر ضايق
أقبل يجر الصوت (( لا تضايقونه ))
وضحكت كني طول هالوقت رايق
مدري لصوته أو لخاطر عيووونه !!

وخـــر عــني · 29-03-2008, 09:31 PM

لايشغلك جرحي ترى الله بيشفيه
من فضل ربي صار عندي جلاده
خلّك مع اللي بعتني لجل تشريه
تستاهله ( رزّه ) وعنده شهاده
تستاهله وهو عسى الله يهنّيه
لايـق عليك ومنك حصّل مراده
من عافني عفته ولا والله أبغيه
لا والذي يخلق ويرزق عبـــاده

حــ الـكـون ـلا · 29-03-2008, 09:39 PM

يا صاحبي مافيهه محبه وخلان
لا صار خل يجرح شعور خله ..!

وخـــر عــني · 29-03-2008, 09:42 PM

لامـ × نفسـهـ مـا يبـي يفتـح على الـعـذال بـاب
لا شكى للناس جـرح ولا يبي منهـمـ : طبيـب :

أشتكي لصاحبي / همـّي / واجعـل المعنى جـواب
والزمـن لـو طـال همـهـ مثـل مـا ودى + يجـيـب +

ميـر أنـا ممشـاي |طـوّل| مثـل مـن يطـرد سـراب
لا لقيـت اللـي بغيـت ولا حصلـي مــن (مجـيـب)

كنـت أنا لو شفـت ذيـب و × كشـر × بوجهـي بنـاب
ما حسبـت ~ حسـاب ~ نابـهـ والمخالـب لـو يشيـب

ليـن شفـت اللـي تركنـي : شايـب : بعـز الشبـاب
مـا غـدت عنـدي شجاعـهـ طحـت من حيلـي / صويـب /

عاشق هدب . . . · 29-03-2008, 09:45 PM

اكتم خفايا الروح والبال منحاس
والقلب مجداف الأمان انكسر به

وخـــر عــني · 29-03-2008, 09:59 PM

ماكل من يبعد لـه القلب يشـــــــتاق
ولاكل من عود له القلب شــــــــادي

إلا أنت في الثنتين محرقني حـــراق
إن غبت زاد الشوق وإن جيت زادي

مفاهيم الخجلεїз · 29-03-2008, 10:03 PM

...

تضيع ناس بالدنيا وشخص بداخلي ماضاع

احبك من صميم قلبي وقلبي للوفا ماباع

..

عاشق هدب . . . · 29-03-2008, 10:10 PM

يمكن كسير العظـم يبـرا بتجبيـر
ويمكن علاج العيـن بآيـات تقـرا
ويمكن صياح الآلم يبـرا بتخديـر
ويمكن قلوب الناس بفلوس تشـرا
كل العلـل تبـرا بسبـه وتبريـر
لكن مريض البعد وشلون يبرا ؟ !!!

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)