أكتب اجمل بيت شعر مر عليك

طــيــف نــجــد · 05-04-2008, 03:52 PM

إن كان تعذيبي يسـرك ويرضيـك ،،

اجرح وأنا بآقول :

هل من مزيـدي ..؟!

يكفي أحس بـ جـرح قلبـي يسليـك ،،

سعادتك عندي كمـا يـوم عيـدي ..

وخـــر عــني · 05-04-2008, 03:54 PM

ماتقبلت الفراق وماليدي فيه حيلة
ااه لو ان الظروف المقبلة تكشف قدرها
--------
لو يعرف الشخص منا وش مع الغيبة بيجيله
كان جنبنا المشاكل قبل لايوقع ضررها
--------
ماهقيت الليلة الي جابت الفرقى طويلة
لين صارت ليلة امس بعيني اطول من شهرها

!••{ سَمَا الرُوحَ • · 05-04-2008, 07:46 PM

ماكل من يضحك مع الناس مبسوط
بعض العرب يضحك وهمهـ يجاريـه !!
ولا كل حزن بـ دمع الأعيان مشروط
بعض العرب يخفي دموعهـ وما فيـه !!
وأنا أخذت مع العنا والتعب شوط
الين بان اللي عن النـاس مخفيـه !!

سامر202021 · 05-04-2008, 08:38 PM

اخطيت يوم اني طلبتك حنانك
لاصرت فاقد شي وشلون تعطية
مهما نطق لي بالمشاعر لسانك
شي بدون احساس ما اقتنع فية
احساسك المصنوع خنتة وخانك
جاملتني بة وانت تجهل معانية
مني نصيحة تنفعك في زمانك
الاشعورك لاتبيعة وتشرية

بنـت مطـير · 05-04-2008, 09:07 PM

ياصـآحبي ضآقت علي الليـالي

باللي شغل فكري وقلبي وحـآلي

وخـــر عــني · 05-04-2008, 09:16 PM

امانه لاتضيـــــــق بوجهك الدنيا وانا موجــــــــووود
فداك الحــــــال قبل المــــال يامدعــــــوج الاعيـــاني

تراك انت الوحيــــد اللي عشقت من الشقر والســـود
وشــــــوف الشـــــــوق يمــــك تاليـــتها ويـــن وداني

علي الـناس واتركــهم وتقفي ثم غـــــــلاك يــــــــزود
وتتركــني غريــــب الروح بيـــــن اهــــلي وخــــلاني

اذا سجّيـــــت مع طيـــــفك ودندن من يـدقّ العـــــود
قسم بالله مااســـــرح غيــــــر في ذكــراك تلقــــــاني

واعكس الوقت وارجــــع كم سنه كن الزمـــان يعود
واشــــــوف الباص الاصفر تنزله والجســـــم روياني

يـــــوم ان الرمش يطرق والخصر مايــــل بدقّ العــود
ويــــــوم اني معطي لنفسي وجه غـــتره وحذيــــــاني

يـــوم ان الوقت كان سهود ودرب الوصل جا ممهود
على درب البقـــــــاله درب عـــــــــزّالله عنــــــانـــي

شـــهد نظــــره شهــــد لقيا شــهد فرحه بليا حـــــدود
شهد ســـــاعة صبر ساعة وفــــا شخص يتحــراني

قلب بعــــــدك هذاك الـــدرب والي كان معـــك ورود
طريــــــقن للوله مظلــــــم وبه جمرن وشيـــــكاني

بعدك اجيـــــــه وابكي وانثر الدمــــعه لابو هنّـــوود
يقــول اش في صديق؟؟ ولادرى باسباب جنجـــــاني

افضفض له بقصتنا يقــــــول لي غيركي موجـــود
ولا آخذ منه غيـــــــر اقلام شعرن تكتب احــــزاني

اذا عدّيـــــت في راس الطــــوال لطيـــفك الموعود
سليـــــــت وصدّت شعر يبكّي وذا طبــــع قيفـــــاني

امانه لاتضيــــــق بوجهك الدنيــــــا وانا موجـــود
على خبرك تراي احنّ واطلق سيــــــف شااااماني

عاشق هدب . . . · 05-04-2008, 09:18 PM

ذكـراك لاهبـت يجـي عطرهـا صلـف
واستنشقـه بالصـدر مثـل الخـزامـى
إي والله إن غيابـهـا مـكـلـف كـلــف
إي والله ان عــروق قلـبـي تـوامــى
رمش النواعس والحجاجين والزلف
يا ما خـذن قبلـي .. قلـوب النشامـى

بنـت مطـير · 05-04-2008, 09:23 PM

أبشتري كل الحزن لاضاقت الدنيا عليك
وأبيع روحــــي لجـــــل ضحـــكة عيونــك

نوى القلـــب نية مانواهـــا لاحد غيـــرك
نوى القلب يمشيلك على السمع والطاعــة

عاشق هدب . . . · 05-04-2008, 09:25 PM

اغار من كل حرف زار ثغر الحبيـب
وأغار من لثمـة الشفـه لفنجالهـا
وأغارمن دمعها وقت الفراق العصيب
إليا إلتجت للوسادة تشكـي أحوالهـا

سَفـِـ ـٌالغَرِامْ ـيْر · 05-04-2008, 10:09 PM

في خاطري ‍.. وش خاطري ؟ خاطري ضاق
الكون كله ضاق ماهو بقدي

حتى الدموع اللي استحت كبر واخلاق
تساقطت من فوق خدك وخدي

لوحة شعر تبكي على بيض الاوراق
بيّحت فيها من ردى الحظ سدي

ليلة جفا وافراق مامثله افراق
حاولت اعديها وعيّت تعدي

.

.

يســلم ذوقك وخر عني

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 3 (0 أعضاء و3 ضيوف)