أكتب اجمل بيت شعر مر عليك

وخـــر عــني · 05-04-2008, 10:17 PM

تراني من هذاك اليـوم .. لاميـت ولانـي حـيّ

ولا ادري عن جميـع النـاس قاصيهـا ودانيهـا

امانه وش معي ؟ .. والا وش اللي من غيابك ليّ

!ياكـود الوّنـه اللـي ماتعـدّت صـدر راعيهـا

على حطة يدك / كل الطعون النازفه .. هيّ هـيّ

بعد .. حتى انشراحـة خاطـري منـي سرقتيهـا

انا مثل الغريب .. وغربة احبابي طوتنـي طـي

ّاجاهد ضيقتي .. وظروف وقتـي ويـش اسميّهـا

ياويّ من السفر .. ومن الغيـاب المنتظـر يـاويّ

بليـاك الحيـاه الهاديـه وش حاجتـي فيـهـا !

صـالح · 05-04-2008, 10:54 PM

ودنا بالطيب بس الدهر جحـاد طيب
.....................كل ما تخلص مع الناس كنـك تغشها
يدك لامدت وفاء لاتحرى وش تجيب
......................كان جاتك سالمه حب يـدك وخشها
كل ماشبيت نار المحبـه مـع حبيب
.....................قام يسحـل فـي مشاهيبهـا ويرشها
وكل ما واجهت لك فالزمن وجه غريب
.....................مثل ماقال المثـل دام تمشـي مشها
وذمةٍ ماهيب تنـدار للحـق المصيب
.....................جعل قشاش الحطب لاسـرح يقتشها

وخـــر عــني · 05-04-2008, 11:40 PM

لا أخذت في خاطري من واحد ٍ غالي
ماعاد ابي الناس قاصيها ودانيها

ماعاد ابي اللي ينشّدني عن احوالي
العزله .. ابرك من الدنيا ومافيها

DawwrD · 05-04-2008, 11:45 PM

هذا الهوى عزه للاحرار اذلال ~
كم راس قوم(ن) عزته به جلبها

بحر الهوى يغرق به اللي على الجال ~
و ناره تشب بخافق اللي قربها

!••{ سَمَا الرُوحَ • · 06-04-2008, 03:59 AM

جيت البحر قام البحر يحتفي بي
والموج يتراقص طرب يوم جيته
جيت اشتكي له هالزمان ونصيبي
فوق الهموم جروح قلبٍ مميته
قال السبب..! قلت السبب زود طيبي
قال الثمن..! قلت اش بقا ماعطيته
قال الجزاء..!قلت الجزاْ مادريبي
قال الوفاء..!قلت الوفاء راح صيته
قال النتيجه..!قلت شخص غريبي

وخـــر عــني · 06-04-2008, 06:26 AM

اشوف ان الهوى فرقا مواليف وعناد احباب
واشوف ان الجفا خطوة ولاني قادر اخطيها

وقلبي لو عشق يخلص ولو طالت عليه رقاب
وتشهد له دروب الحب حاضرها وماضيها."

!••{ سَمَا الرُوحَ • · 06-04-2008, 06:33 AM

اعذلوني فيك عشاق النصيحه
وانشدوني عنك طرفين الحكيه
إن شكيت من الهوى قالوا فضيحه
وإن سكت استنقظوا جرحي عليه
كيف بخفي الحب وجروحي صريحه؟
كيف احجب الشمس ياخلي بيديه؟
من عذلني بالهوى الله يبيحه
ومن عذرني ماحصل مني خطيه

وخـــر عــني · 06-04-2008, 06:48 AM

ان حكوا فيني بوجهي او حكوا بي من وراي
.................مالقوا غير البياض اللي قهر سود الظنون...!
هيبتي حتى ف غيابي تحشم النفس بقفاي....!
..................والله اني مرعبهم يزعلون ويقعدون
نبشوا..مامن خطيه..بس انا ..أدرى بخطاي
................... عيبي اني ماعرفت اساير الغير وأخون...!

سَفـِـ ـٌالغَرِامْ ـيْر · 06-04-2008, 08:03 AM

مهما يطول , الحـب ، مـا بيـن خـلاّن
بكره | يموت | و يصبح الحب / ذكرى ... !
عرفت ليه أضحـك إذا قلـت : ولهـان ؟؟
وفي داخلي أبكي علشان .... " بكرى " .. !

!••{ سَمَا الرُوحَ • · 06-04-2008, 08:45 AM

وش حيلة اللي هام في حب مخلوق.................................
.................................فرقاه موت وجيته مستحيله!!

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 2 (0 أعضاء و2 ضيوف)