najd-ksa

( لـــــــوعـــــة العـــاشـــــــق )

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


قالوا لي العب قلت ما نيب لاعوب=إلا مزوحٍ عند صافي الجبيني

الاعبه و افرح إلى صرت مغلوب=و اشوف و جهه لى غلبني يزيني

و اطرب على ضحكه و هو حيل طروب=و انادمه في لحظة أحلى سنيني

حبيبي اللي كل ما فيه محبوب=ترخص له الدنيا و ما كان فيني

اللي يجيني كل ما غاب لاهوب=أونس حرارة لاهبه في كنيني

و كني على غيره من الناس مغصوب=و كن العمر ياقف بليا ظنيني

و اصير بين يدين الأيام مقضوب=و الليل يجلد بالسهر موق عيني

يضحك بي الشامت إذا قلت ما أتوب=و يحزن صديق العمر مما يجيني

ليته يغطي لوعة العاشق الثوب=و إلا عيوني ما تبيّن حنيني


و إن كان تعذيب المحبين مكتوب=على عذاب الحب ربي يعيني

najd-ksa

(وش لــــــــونك)


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
..إن قلت وش لونك؟ فلانيب بالحيل=همــــــي كبير وداخل القـلب علــّه

..عيـــــّا يرد الصّبح مسترسل الليل=وعيّا يقوم الحــــــظ من طيحةٍ له

..رجلي..وغيري راكبٍ صهوة الخيل=أشقـــى ..وغيري ياخـــذ الكار كلّه

..يابـــــــندر امزج فايح البنّ والهيل=وبهّـــــــر بها يا بوك للكيـــف دلّه

..أبا اطرد هموم تلاطم كما السّـــــيل=كل ما بغى يدله فــــــــــــوادي تتلّه

..عجزت متوني وارتدم فوقي الشّيل=والرّجل جاها من حصا الدرب خلّه

..تمشي جروح الوقت في خافقي غيل=وتلمع سيوف الضّيم في الوجه سلّه

..إن قمت.. طقّ الغار راسي من الميل=وإن جيت أبا اقعد... فوق جمرٍ وملّه

najd-ksa

( يا من سلامه )


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا من سلامه لي هلا يا حبيبي =و الله هلا بك يا محبّة عيوني

هلا هلا يا لون شمس المغيبِ=يا نسمة الليل العطوف الحنونِ

يا بدر لا هلّيت لا عاد تغيبِ=ترى سواد الليل كحّل جفوني

انا دخيل الرّمش خلّك قريب=يا اللي بقربه كل شي يهونِ

najd-ksa

(اجاذبك الهوى)
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

اجاذبك الهوى واطــرب واغني = وابادلك الغرام بكــــــــل فنّي

واشاهد صنعة الله فـــي جمالك = وحكمه الذي فيـــــك امتحنّي

واشوف الودّ فـي عيونك ولكن = يردّ الودّ خوفٍ فيــــــــك منّي

ولا ادري وش يخيفك ياحبيبــي = وانا بك مغرمٍ جــــــاك متعنّي

ولو انك تلاحظ شفت عينــــــي = وهي تروي حديث الحب عنّي

تنعّم دام تــــــوك فـــــي شبابك = ليال العمر ماقــــــــط امهلنّي

تعال اسقيك من جدول غرامي = شراب فيه للعاشـــــــق تهنّي

واهيم بك بسمــــاوات المحـبه = الين انّك بعــــــــــد مثلي تغنّي

najd-ksa

(قالوا علامك )

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قالوا علامك قلت ما بي خلافِ=ما بي بلا يا كود فرقىٰ المحبين

الحب لو يجحد عليلـه يشافِ=يدري به الّلي عارف(ن) لوعة البين

شي(ن) يشافي وشيْ بالجوف خافِ=عشر(ن) تبين وخافي(ن) منه تسعين

najd-ksa

( يا روحي أحيا بك)

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا روحي أحيا بك و حنّا غريبين=ما نيب أشوفك و انت يا روح ذاتي

في داخلي و أشكي معك لوعة البين=بعيد عني وانت نبضة حياتي

يا لحظتي لو الزمن بيننا سنين=و يا منوتي لو ما حصل مناتي

صوتي تقطّع في فلاة المحبين=و شوفي تبدّد مع سراب الفلاةِ

لا واهنيّ من هم على الما مقيمين=و أنا يبَس صوت الرّجا في لهاتي

أهيم في صحرا عديمة عناوي=متاهة(ن) خلو الشجر والحصاةِ

الليل يوحش و الضحى يجرح العين=و الحزن يكتب من عذابي غناتي

أمنّي عيوني من الحين للحين=عسى الفرج مع طلعة الصبح ياتي

ياطاغي الفتنه من الراس للقين=ياليتي أستر لوعتي في عباتي

najd-ksa

(ياسامرين الليل)


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياسامرين الليل في بحر الأشواق=يا ليتني معكم يلوح شراعي
بين القمر والموج لمعه وبرّاق=والنسمه العذبه للغالين داعي
القرب يالغالين للروح ترياق=والبعد ذَبـّاح القلوب الوجاعي
لا واعنا اللي باطرف الليل مشتاق=خلّوه ربعه مع سلام الوداعي
يسهر مع الذكرى على صفر الأوراق=في صفحة(ن) تشرب دموع اليراعي
بين الرجا والياس وقّف على ساق=والدرب بقلوب المواليف ساعي

najd-ksa

(عيـــــــــون الهـــــــنوفه)

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

اخلفتني نظرة عيون الهنوفه =خلفة الصقار لا شاف الحباري




واقت النظره على قلبي تشوفه=واشعل بقلبي كما البرّاق ساري




صد عني طاغي النظره مروفه=ظالم(ن) قلبي وهو بالظلم داري




ياحبيبي صدتك عني حسوفه =ارسل سهوم الذوابح لاتداري




ارسل رماح الهوا وارسل سيوفه=يشتهيك القلب في كل الطواري




عيني لحسن الذي غيرك عيوفه=في عيوني غيرك من الحسن عاري

najd-ksa

(نــــفسي عــــيوف)

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
نفسي عيوف يا اريش العين تجزع=ما تقبل الحقران لو من عشيري

إلى متى في طلبتك باتخضع=وأسأل متى يوم الوصل بي يصيري

لو كان قلبي في هواك يتقطع=خلـه لعلـه بالقسى يستخيري

أنا جزمت أنساك يا زين وانزع=اللي بقى من حبكم في ضميري

مثلي عزيز النفس عنك يترفع=دور هبيل فواد مثلك غريرِ

najd-ksa

(هــــلي)

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هلّي على خدانها ياسحابه=هلّي عليها لين ينبت بها الورد

على محلّه لين يخضر جنابه=وافرح بشوفه فرحة مالها حد

خل سقاني في الهوى من شرابه=ماصد لي جاني والى جيت ماصد

عزاه ياقلب تزايد عذابه=على الذي حبّه بقلبي تجدد

اللي رماني باربع من حرابه=ثنتين من عينه وثنتين بالخد

ياعمري اللي راح لا واسفابه=وين الرفيق اللي عليه ابدي السد