najd-ksa

(صاحـــب الـــحاجه)

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]


صاحب الحاجه ولو طالت لحوح=وصاحب الحلم القديم يغازله

واعذاب القلب من كثر الجروح=كم سيف بالعذاب ينازله

أخفي الطّعنات وعيوني تبوح=كن الاوجاع بهدبها نازله

غايتي بليل ظلامه مايروح=بيني الايّام وبينه عازله

كل ما مشيت له عنّي يروح=وعيّت الخطوه تجي منازله

والهوى بالقلب وهّاج يضوح=لو يسوقه للمنايا جازله

كل ياس يطرده فيني طموح=وكل عزمٍ خافقي ينحازله

najd-ksa

(أحـــذر عـــدوك)
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

..كلٍ يعوّد لاصل جدّه ومرباه=راعي الشرف يشرف والانذال يهبون

..الفْرع من عوده شرابه ومسقاه=والحنظلة مرّه ولو تشرب مزون

..الطّيب كايد والمناعير تقواه=والهون هيّن تدنع النفس وتهون

..ناسٍ على كسب المراجل مضرّاه=وناسٍ على كسب الفشيلة يضرّون

..هذا على وضح النقا كل ممشاه=وهذا الى شافوه ربعه يصدون

..لا تامن الخوّان لو زخرف حكاه=من خان بك مرّه يبي باكر يخون

..وافطن ترى زول الرّجاجيل توّاه=كم واحدٍ يعجبك زوله وهو دون

..يا طيّب الشارات من يوم منشاه=احذر عدوّك لايغدرك على هون

..ترى عدوك غايته فيك ومناه=يزرع بصدرك من قنا رمحه طعون

..والّلي رضع لبوة عدوّك توقّاه=الجرو ولد اللبوة الّلي تعرفون

..للطّير يالصقّار بالرّيش مغواه=الجاهل الّلي باكثر الريش مفتون

..للحُر والشبوط ماكر ومجناه =والفرق بالافعال لو هُم يطيرون

najd-ksa

(هلّــــــ وطلّــــــــــــه)

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

...خلّها يا باعث الفرحات فلّة=مابقى بالعمر كثر الّلي مضى لي
...عطني من الحب سقوه ثم علّه=تزهر الأيام وتشع الليالي
...من بغى دربٍ سأل عنه ودلّه=ما يرد المهتوي صعبٍ وغالِ
...اطلق الخفّاق من قيدٍ يتلّه=كسّر الجنحان مقصور الحبالِ
...تبري الّلي صار به تسعين علّه=من نظر حالي نشدني كيف حالي؟!
...مابقى لي حال نشّ الحال كلّه=الله يعديك ظلم الّلي جرى لي
...كل شهر للقمر هلّه وطلّه=وانت لك عامٍ وبدرك ما بدا لي!!

najd-ksa

(أفــــكاري)


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
..ركضت الحق الهارب ومتمرّد افكاري=ابا اروّض الفكره على حالي الجاري
..ابا اقضب عنان الطامح الجامح العاصي=ابا المس حنان الساهم الحالم الساري
..ابا اجمع شتاتي عقب رحلات غرباتي=واناغم هواجيسي على باكي اوتاري
..تعبت –وجرحني يا اهل المعرفة- دربي=وطالت مسافاتي وانا اطارد افكاري
..وراها توارى من ورا حاضر ايامي=وراها تسافر من ورا قدرة اسفاري
..وراها تواري عجزي تشوفه عيوني=وراها تطير وكلي قيود واعذارِ
..حبسني رماني بالثرى والسما حلمي=اغازل سحاباتي وانا اكتب لها اشعاري
..اروّح لها صوتي مع رايح النسمه=واقول امطري ياغيمتي جفت انهاري
..ويمسي علي الليل خالي وانا خالي=لا باح لي سرّه ولا بحت باسراري
..نجوم السما تقدح وليلي بها ساكن=عجيب السكون بليل فيه الفلك جاري
..ويافكري الهارب ويانوري الغارب=بدونك فراشاتي تهاوت على ناري
..وانا لو عذرت الغير مااعذر افكاري=انا موطن افكاري ودار الفكر داري

najd-ksa

(أبي منه الخبر )

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أبي منه الخبر و يقول للّه=لفى المرسول ما عيَّن محلَّه


و قلبي تايهٍ من عام الاوّل= ألا يا الله يسّر من يدلّه


خذاه اللّي على خدَّه علامه=سوادة غيم في شمسٍ مطلّه


سرقني ما دريت انّه سرقني=سلبني و أحسب إني فاطنٍ له


انا يوم أرسل عيونه لقلبي=عطيته مهجتي و المعطي الله


نصف زين الخلايق في عيونه= و باقي الزين في باقيه كلّه

الهوى الغائب

" حديث روحين "

ج ـنون الـورد