المحبـة أرض والفرقـا أراضــي=والزمن كله تـرى لاغبـت ماضـي
والله إني مـا أشـوف إلا عيونـك=إن رحلت اليوم أو طـوّل مراضـي
قالـوا العـذّال والعـذّال مـرضـى=وش بلا حالك من الاشواق قاضـي
قلت يهجرني حبيبي ليـن يرضـى=علّموا الظالم ترى المظلوم راضـي
جرّحوني في هواك وقلـت أبشكـي=ماهو من جرحي ولكن لـإعتراضي
وش علي لو قطّعوا لاجلك عروقـي=من رضى بالحب .. يرضيه التغاضي

لليل احبك مابقى في السما نور = والى ضواني الليل .. للصبح أحبك
واللحظة اللي كلها عند وغرور = أشوف قبري بين عينك .. وقلبك
في صدري سراجٍٍ حزينٍٍ .. ومكسور = رغم المطر والريح .. شلته في دربك
والله مابه غير لوعاتي قصور = وخوفي عليك الله ربي وربك
ما بي جهد ابني على صمتك جسور= لا حيرتني أسباب سلمك وحربك
العمر أحبك .. مابقى فيني شعور = والى جفاني العمر .. وشلون أحبك

إلى من .. يهمها أمرى .. إلى من ..=رجاءً .. إلى متى صبري .. رجاءً
أنا لن .. اشتكي .. همي لغيرك .. = ياروحي .. اشتكي روحي على من ..
رساله .. حبرها .. دمي ..=رساله .. تصرخ ابهمي .. إلى من ..
سألت الرمل .. في دروب القوافل ..=سألت الجدب .. عن لون السنابل ..
سألت الناس عن وجهك حبيبي ..=عن الشمس .. ومتى تشرق مساءً
أحبك .. يالصحاري اللي ..=فـ هجيرك .. احترق كلي .. وفاءً
كتبت لواحة عيونك رسايل ...=بسراب الدمع ... وانفاس القوايل ..
كتبت وذي ترى .. اخر رسالة=أحبك .. وان نسيتيني .. وداعاً ..

لا تقول ودعتني داري = بالحيل مالي عليك عتاب
مريت في موعدك ساري = وقفت لين النجم ماغاب
الليل تحت الشجر عاري = والفجر غطي السما بثياب
والريح في كفوفها الذاري = تدفن ارسوم الوعد بتراب
مريت ماللوله طاري = ووقفت ماللندم اسباب
مدري تعودت مشواري = أو خان بي قلبي الكذاب