ودَّي بشـوفـك مـثـل مــا ودَّكْ بـشـوفـي=لاشـك خـوفـي علـيـك ومـنـك حاديـنـي
مادمت يا صاحبي تدري عـن ظروفـي=ما أبيك تزعل . . تسَامَح يا نظر عيني
مـا غيـر أصفَّـق علـى فرقاكـم كْفـوفـي=مـا ودَّي أبعـد وحظَّـي عنـك قاصيـنـي
من شاف عيني يقول الطرف مخطوفي=من كثر ما أبكي وامـش الدمـع بيدينـي
تهشّمَـتْ والبـلا مــن جـرحـك بجـوفـي=جعـل الشقـا ينقسـم مــن بيـنـك وبيـنـي
شوفتـك مـن بينهـم مـا طمّـنَـتْ خـوفـي=أخــاف يــدرون ربـعـك وش معنـيـنـي
الصاحـب لصاحبـه مهـمـا جـفـا يـوفـي=مــا هـــوب حـــقٍ تبـعـدنـي وتدنـيـنـي

لـف شرطـان الذهـب فـوق المـتـون=لفهـا يـوم التـوت فـوق البـيـاض
خــاف غـضّـات الصبـايـا يزعـلـون=سيّـدات البيـض مـا فيهـا اعتـراض
إن حـكـى غـصـبٍ عليـهـم يسكـتـون=وإن سكـت تسكـت معـه كـل الريـاض
يـا جماعـه يـوم سلهـم بالعـيـون=قال .. يا رمشي من (السامر) تقاض
لـوه مـا وصـى المدامـع يرحـمـون=كان متنـا يـوم بـرق العيـن نـاض
يـا صـل الله يـا عيـونٍ تقطـعـون=وتهلـكـون الـحـي بصـحـاحٍ مــراض

كلّ ٍ يقـول الزيـن كلّـه بخلِّـيْ = أكيد ماشافوا مـن الزيـن حاجـه
ماشافوا اللِّي رمش عينـه مظلِّـيْ = قلبي تكسّرْ منه كسـرَ الزجاجـه
خـلّ ٍ ذبحنـي بالغـلا والتغلِّـيْ = ربيـع قلبـي شوفتـه وابتهاجـه
هو روح روحي هو بعد كلّ من لي = لاشافني زعلان يضحك حجاجـه
ويفـز لـي فـزّة محـبٍ يهلِّـيْ = هو طب جرح ٍماعرفتوا علاجـه
وليشاف غيري صدّ كلّه رضاً لـي = حتى نظر عينه عن الناس عاجـه
ما غير اناظـر بالخلايـق تسلِّـيْ = والله علم عن خافقي وش مزاجـه
اوادعـه ودمـوع عينـه تهـلِّـيْ = ما باغني قلبـه بموسـم خراجـه

أحـدْ يبنـي بدنـيـاه ويـهـدِّي = بغيت أصبر ولكـن بـاح سـدِّي
عجايـب هالزمـان الله يكافـي = طويلـة مالهـا بالكـون حـدِّي
إلى بَرَّقتْ فيها ضـاق صـدري = وش آخذ ويش أخلِّي ويش أعدِّي
أنا فـي خاطـري كلمـة خفيـه = ابظهرهـا ولـو ماهـوب ودِّي
ولا أحـد يستشـك إنّـه هدفهـا = وانـا ماقلتهـا قصـدي تحـدِّي
أحد يخطي وهو ماهوب يـدري = يحسبه تايـه الـراي.. متقـدِّي
وأحد ينطحـك لاجالـه بحاجـه = ولامنّـه قضاهـا عنـك صـدِّي
واحد يلعب على الحبليـن دايـم = ضعيـفٍ لا يجيـب ولا يـودِّي
ونـاس ٍ ماتفيـد بهـا الجمايـل = تراهـم مابهـم مخلـوف كـدِّي
وانا منهـم بـري والشاهـد الله = وطـرف العيـن فيهـم مايلـدِّي
جليس السو ماهو صاحـبٍ لـي = أنا ضدِّه وهو خصمـي وضـدِّي
إلى جا.. قلت يقعد مثـل غيـره = والى أقفى قلت جعلـه مايـردِّي
أنـا ويّـاه مانصـلـح بـديـره = إلـى منـه نـزل فيهـا نشـدِّي
يدوِّرْ لـه مـن العربـان مثلـه = على قدّه وأنـا ماهـوب قتـدِّي
إلـى جاملـت ولياهـا مصيبـه = وإلى صرّحـت قالـوا مستبـدِّي
ابصبر مثل صبـر أيـوب لكـن = بطول الوقـت مانـي مستعـدِّي
وعرف الطيبيـن أكبـر تجـاره = تراهـا كـل يـوم ٍ تستـجـدِّي
مشاهدهـم علـى عـز ومعـزّه = تريح خاطـرك وأنـت متعـدِّي
وجليس الخير يضحك له حجاجي = واعدّه مثل أخوي وصلب جـدِّي

بين الرجا والياس ياسعود ضيَّعْـتْ = أحترت أنا مابيـن شـكّ ٍ وغيـره
الظاهر إنِّي ْ من هوى النفس ودَّعْتْ = حبٍّ نصر غارات حربـه كسيـره
على هزايم حبِّـي العـام وقَّعْـتْ = لقيت فـي تـرك المقفيـن خيـره
خلصت أنا مخلاص ميِّسْ وشيّعْـتْ = جثمان حبِّي فـي بدايـة مصيـره
ياليتني فـي حبّهـم مـا تلوَّعْـتْ = عشان الوعهم علـى كـلّ سيـره
مير البلا قلبي عصانـي وريَّعْـتْ = ولا كسبت إلاّ الجـروح الخطيـره
المشكل إنِّي مـن وداده تجرَّعْـتْ = هـمّ ٍ يَرّحْلّنِـيْ علـى كـل ديـره
والظاهر إنِّي في قراري تسرَّعْـتْ = وقلبي من الفرقـا نذيـره بشيـره

آه من حبك اللِّي جار جور ٍ عظيـم = كلّ ماقلت ياستّـار جرحـك يزيـد
الضرر صابني من جرحك اللِّي قديم = مالحقني ضرر جرح الحبيب الجديد
في عيوني معاني كـلّ دمـع اليتيـم = واقع الحال من ضيم المحبّه قصيـد
يتمتني ليالي الوصـل يتـم الحشيـم = في قصيدي عذاب الحب حبل الوريد
وقلبي اللِّي عليك من المحبـه يهيـم = طال بالصبر دربه وأنت فض ٍ عنيد
بين حرّ السموم وبيـن جنّـة نعيـم = في صحاري عيونك شمس دنياي جيد
أتِيّمـمْ مقامـك يـوم هـبّ النسيـم = أتلطّفْ بخنّـة ورد غصـن ٍ بعيـد
فيك هاجوسي اللِّي زارني بك نديـم= إِهدْ لي مثل طيفك يا مُنى الروح عيد

نجد بلياليهـا عـن أمثالهـا زود = لـو كلهـا عنـد الأوادم ليـالـي
ياللي ليالي نجـد بعيونكـم سـود = يا بعدكم عن فهـم سـر الليالـي
غير الجمال اللي بالانظار مشهود = احساس خافي بين غالي وغالـي
نجد بلياليهـا إلـى هبّـت النـود = عانقت بالفكـر النجـوم العوالـي
وأدركت معنى سامي النبل والجود = اللي تميز بـه فعـول الرجالـي
دار الفهود اللي مناهيجهـم كـود = اللـي منازلهـم سنـام المعانـي
نجد الوفا.. نجد العطا ماله حـدود = نجد المـروّه والشمـوخ المثالـي
نجد الهوى المصيون عن كل منقود = بالعصر الاول.. والعصور التوالي
لي مع لياليهـا مواثيـق وعهـود = العسر منها يسـر والمُـرّ حالـي

آهات من طول العنا طاولتنـي = ونفسي من الفرقا وحالي صخيفة
جارت عليّ من الفراق وقصتني = غزَتْ ولكـن مانـوَتْ بالنكيفـه
بهمومها اللِّي شفت منها كوتنـي= هذا الذي خلّي حياتـي مخيفـة
باكر يروعنى وانا فيـه فَتْنِـيْ = أقول ليت الغيب يبخـل بحيفـه
خيل السعاده بالهـوى خالفتنـي = وخالفت معها عيد قلبي وريفـه
هبَّت ْ هبوب ٍ بالنيـا عطّشَتْنِـي = وكم غالي ٍ قبلي ظما من وليفـه
ليت اللّيالي عن غرامي نهتنـي = ولا بدا زرع الأمل منـك هيفـه
وإلاّ أنّها في غايتـي خيَّرتْنـيْ = وأختار أنا مرباع قلبي وصيفـه
خلّ ٍ جيوشه بالمحبـة غزتنـي = وانـا أسيـرٍ للعيـون العفيفـه
أغلا هجوس ٍ طول الأيام جتني = هاك الهجوس اللِّي تجيني بطيفه
الماضيات بغيبها مـا انصفتنـي = والمقبلات أرجي عدَلْها خليفـه
أتبع ظنون ٍ بالهوى ما شفتنـي = أحسب حمولي بالمحبّـةْ خفيفـه
واليوم ظالمة المحبـه طوَتْنِـي = طي الورق يوم انطوى به خريفه
وأشباح ياسي بالهموم اعترتنـي = وأنا عليّ أسباب صـدَّكْ كليفـه
أشيل حتفي راضي ٍ فوق متنـي = وأروح نفسي من حياتي معيفـه
وأقـول للِّـي بالجفـا عذّبَتْنِـي = عسى الشقا من بيننا بالنصيفـه
شربت من فيض الشقا وأشبعتني = دنياً مع الأحزان ضدِّيْ حليفـه

أسمع رسول أشـواق قلبـي يناديـك= وترقص أماني نشوتي لأجل أشوفـك
وآخذ من ظْروف الرخا وقت واعطيك = عسى الأمان يبـدد شكـوك خوفـك
تَغَـلّ ياسيـد الغنـاديـر وأغلـيـك = وأجيب لك عمر الهناء فـي كفوفـك
يجـوز لـي يازيـن منَّـكْ تغليّـكْ = وأفهم وأقـدَّر يـا حبيبـي ظروفـك
واحذر حكي عذّالـة الحـب يغويـك = عساك تصحى للحكـي مـا يطوفـك
أنا على قربـك شفـوق ٍ وبرجيـك = رجوى أملهـا بالوصـال معروفـك
ياروح روحي بالغـلا كلّـه أعنيـك = الله يجلـى بالهـوى عـن كسوفـك
ما نيب والله طـول الأيـام ناسيـك = حلفٍ عليّ ماأنسى دقايـق وصوفـك

قلت من كثر حبك وين أودي غـلاك = رد وإلا قسمته بيـن قلبـي وعينـي
ما دريت إن مالي فالهوى إلا هـواك = باسطٍ لك على شرع المحبة يدينـي
ولع الله قلبي واشتقى فـي رضـاك = سالفتنا بحبك بيـن روحـي وبينـي
من يشوفك ملكته بالهوى يـا مـلاك = في عيونك جمالٍ يسحر الناظرينـي
كل باهي جمالٍ ما يسـاوي بهـاك = عنه بعد الثرى عن مطلع الفرقدينـي
وبارق العاتق اللي في سحابة سماك = شع نورٍ تكسر من علـى وردتينـي
شفت مثل الشفق يوم انتبه من شفاك = بس مال الشفق في غيبتـه شفتينـي
راح عمري وعمري غالي في رجاك = أترجا وصالك بيـن حيـنٍ وحينـي