الله عطاني وكثر مـا بهـا منـه = حورية الحور نور الروح وعيوني
ما أحلى دلاله وما أحلى بالغلا فنه = إن راح عني على ما راح ودوني
حوريتـي كنهـا حوريـة الجنـه = ما شفت أبد في حياتي مثل مظنوني
والحب ربي لخلقـه والغـلا سنـه = وعيونها بالغلا المختال وصونـي
قلبي يحب الحبيب اللي على ظنـه = من حبها باح لهل الحب مكنونـي
شوفي خذنـه محاجرهـا وردنـه = حوريتي حبها ما وقف من دونـي
أنا أشهد أن الغلا له ياعرب عنـه = أعن للشوف عنـه وارد شطونـي

من يطلب العليا فلا يرخص السـوم = المجد ما هـو قسـمٍ نفـسٍ بخيلـه
للناس عاداتٍ مـع النـاس وسلـوم = يرقي بها الرجـال رأس الطويلـه
من قدم الحسنى والإحسـان معلـوم = ينال مـن مـولاه كسـب النفيلـه
ومن قدم الحسنى على اللوم والشوم= عدله سبق عن ضيعة الرأي ميلـه
ومن مات مسلم قالوا الناس مرحوم = شفيعـه محمـد وربــي كفيـلـه
ولو يرحم الظالم من الخلق مظلـوم = الوادي الممحل جـرى فيـه سيلـه
ما نال من شاور على حقه رخـوم = إلا مثل مـا نـال مـن هـد فيلـه
المجد يبغي لـه شغاميـم وقـروم = يوفـون بحقـوق الزمـان الثقيلـه
بادت حضارة قيصر الفرس والروم = ولا بكتهـا عيـن خلـقٍ كحيـلـه
بالمنتحي ما ينفـع العـذل واللـوم = أطلب له الله واتركـه فـي سبيلـه
لابد مـا يذكـرك يـومٍ بعـد يـوم = ويحياج لك حاجة مصر فيض نيلـه
العز من بيـن المخاليـق مقسـوم = ويفوز به من طيـب رأسـه دليلـه
كم واحـدٍ وده بمجـدٍ مـع القـوم = وعيت صواديف الدهـر تستويلـه
كم واحدٍ يحيا من الوقـت ملطـوم = لطـمٍ يشـاف ولطـم كبـدٍ غليلـه
وكم واحدٍ من نعمة العقـل محـروم = ومالـه علـى ماقـدر الله حيـلـه
وكم واحدٍ يلقى به الكبـر والـزوم = مجدٍ علـى رأسـه يعـود فشيلـه
وكم واحدٍ يمشي مع الناس منجـوم = وهو من رجال الحسـب والفضيلـه
مادامت الدنيـا لحـد دايـم الـدوم = تجدي عن الغايات خيـل الوسيلـه
أطـلال دارٍ فوقهـا يلعـي البـوم = الله مـن يـومٍ زهـت بـه وليلـه
ظرفٍ على ما فيه بالختـم مختـوم = الله مـن عيـنٍ وعـيـنٍ تخيـلـه
متعلـقٍ بيـن السمـاوات ونجـوم = سبع الأراضـي كلهـا مـا تشيلـه
ما يشرب إلا من جبابيـر مسمـوم = تشوف نـاره فـوق رأس الفتيلـه
يدري بها اللي عن سما الديد مفطوم = ويجهل به اللي عًن للعـرف خيلـه
ما هوب ضربٍ من ضلالات ووهوم = وافٍ علـى مـا قـدر الله كيـلـه
والهقوه اللي مالها جنـب وعـزوم = تطيـح دونـه حيلـةٍ مستحيـلـه
وحرصٍ تحرص به يفكك من الحوم = حولك من اللي يحسب البعد عيلـه
لا والذي تسجد له الخلـق وتصـوم = ولرضاه بيتـه والمقـام تعنـي لـه
أن الوفا له بالعرب حـد ورسـوم = عند الذي يظفـر بكسـب الجميلـه
وروضٍ ينوج بريح شيحٍ وقيصـوم = له نظرةٍ تشـف النفـوس العليلـه
أكثر عيون الخلق ما تقبـل النـوم = يشكـون هـم دقاقهـا والجليـلـه

احمرت الحسرة بناظر شفقنـا = والشوق شمسه تختنق في جبينه
ما يمدي تعاتب عـذولٍ فرقنـا = تقول وش سويت بينـي وبينـه
في نار معسول الكلام احترقنـا = ولا بقى إلا ذكريـاتٍ حزينـه
ظنيتنا من نشوة الحـب فقنـا = وأنا نعاني من جـروح دفينـه
جينا على بحر الغرام وغرقنـا = تحطم المركب ولا بـه سفينـه
ليت الجفاف لشط أمانه سرقنـا = لأجل الوصل عيني تناظر بعينه
أخاف نار الهجر تحرق ورقنا = ويموت غصنٍ للوفا زارعينـه

أطلقت قيد همـوم وقـتٍ محابيـس= قناعـة مـا ودي أبحـث خفاهـا
أدوس رأي كايدٍ مـا بعـد ديـس = نفسـي رفيـعٍ بالهـوى مستواهـا
أحب أناظر طلوع الشمس من بدري = أفظع من إشعاعها نـورٍ براضيهـا
يا معاتبني علـى طيـف الخطيـه = زلتـي وحـده وزلاتـك كثـيـره
ما يجـرح القلـب غيـر عيـون = ظبـي غريـبٍ مـثـل عيـنـك
تنثر شتاتي بروس الرمـش والمـه = على مطاف العيون أحرمت بحرامي
حسبي الله على طيفك ونعم الوكيـل = كل ما سـج قلبـي بالغـلا ذكـره
الطير لو أنه عطيـب المضاريـب = الى نكسر خطوا سبوقـه ويعوقـه
وتسوقه الأقدار يصبح عشا الذيـب = يـوم أن حظـه قلـل الله وفوقـه

داعي عظيم أشواق قلبـي ندبنـي = بعيونـه الثنتيـن حـب وكرامـه
وأطرق وسلهم بالرموش وكتبنـي = في صفحة أموات الهوى من غرامه
وقف وناظرنـي وصـد وسلبنـي = من قلبي اللي فيـه مثـل القيامـه
وبسلاح روس رموش سودٍ غلبني = عكشٍ تنوش الخد نوشـة سلامـه
وفوق الجياد الصفر غار وكسبنـي = خذني أسيرٍ فـارسٍ فيـه شامـه
فيه الغلا والملـح والزيـن يبنـي = بنات حـواء كلهـن فـي بهامـه
هذا الذي حبـه ظمـي وشربنـي = وشرب الهوى ما فيه عيب وملامه
الله لغضـات الصبايـا وهبـنـي = لكـن هـذا فـارقٍ باحتـرامـه

لا تستحي قل أحبـك تعبـت أسماعـي = أرجوك لا تستحي يـا صاحبـي قلهـا
اطلق أحجاجك وخلـه يرسـل الداعـي = فرحـة لقانـا تـرى مـا بيـك تقتلهـا
ضاح إبجبينك لعينـي نـور وإشعاعـي = وعيونـي لشوفتـك مـع خافقـي ولهـا
خذ جرحك العام بي من هاجس أو جاعي= وإّلا يابـو ضحكـةٍ بيـديـك كملـهـا
وإن قالوا الناس عمري بالهوى ضاعـي = بانت لك أسـرار قبـل اليـوم تجهلهـا
يا صاحبي هاجسي بـك دايـمٍ واعـي = فيك إنـت نفسـي تجادلنـي وأجادلهـا
مـرٍ تكـون الرعيـة والهـوى راعـي = ومـرٍ أكـون الرعيـة وأنـت كافلهـا
أفرح بطيفٍ يجيبـك وأرفـع شراعـي = والنفس بوعـودك اللـي كـذب عللهـا

قابل تشوف العين كشف البروقـي = في عاتقٍ شمسـه تمـوت بشفقهـا
وموج الشعر بشعاع شمس الشروقي = والغره اللي تصطفق مـن طفقهـا
يلعب بها النسناس ويزيـد شوقـي = ومن وين ما هب الهواء بك فرقهـا
إن كان لي حقٍ فعطنـي حقوقـي = ولا تقـول اليـوم خذهـا وذقهـا
يا للي مكانك بين عينـي وموقـي = محاجري فيـض المدامـع غرقهـا
إن كانهـا فالحـب قلـت وفوقـي =شكيت حالـي منـك للـي خلقهـا
في ذمتك حبـي وشوقـي وذوقـي = وأنا محـبٍ رغبتـه بـك نطقهـا

كن حمـرة خدهـا حمـرة شفـق = من سدول الليـل وإقبالـه يضيـق
وكن رمش العيـن للوجنـة رفـق = يـوم هـام بشوفهـا عيـا يفيـق
والشعر فوق النحر يوم اصطفـق = استـذار بعاتقـه حــرٍ طلـيـق
راح عمري معه أنا أبحث عن وفق = قبل ما ياقف بنـا رأس الطريـق
في هواها القلب والشـوف إتفـق= والقناعة مقضـب العهـد الوثيـق
مرنـي طاريـه والخافـق خفـق = مثل خفقة بالثمـر غـضٍ وريـق

يا غاية الروح طول الصبر مليتـه = احت طراة العمر والصبر يطويني
عليك هم الليـال السـود خاويتـه = في غربة الحب همك ما برح عيني
الهاجس اللي يجي بك طيف حبيته= عن حرة الشوق والضيقة يواسيني
أسرفت في جرح قلبي من توليتـه = تبعدني اليوم من كيفـك وتدنينـي
عليه ما تدري إنك جرت وأخطيته = وأصغر خطاياك يومك ما تداويني
والموت لا غبت عن عيني تمنيتـه = كله علشان شوفك شوف يحيينـي
فنجال همك على شانـك تقهويتـه = متى متى بالوصل تقـدر تقهوينـي
يا ما من الهم والغربـال قاسيتـه = على أمل تجبر الخاطر وترضيني
عنك العزا ما يعزي لـو تعزيتـه = عزاي ودي مثل ما أغليك تغلينـي
خذيت سلم الهوى وراك ما أديتـه = منك أشتكي لك عليك وما تشكينـي

على لا ماك نفسـي مستريحـه = وعقب فرقاك مدري ويش أسوي
هني أهل القلوب اللي مريحـه = من همومي وش أسرح وأضوي
الى منى حكيت أكبر فضيحـه = واللي مني سكت أطفيت ضوي
مع اللي بالعبارات الصحيحـه = خذا عن كل ما حبيـت جـوي
عيونه بالغلا ما هـي شحيحـه = ولكن بالمواصـل مـا تنـوي
عيونٍ تجحـد الحـب وتبيحـه = عليها سيـد أشواقـي مخـوي
صباح الرمش صبحني صبيحه = هزمني واختلـف نـوه ونـوي
ترى سلك الغـرام الله يبيحـه = على قلبي مـن العـام امتلـوي