سنة سلام الحب و الـرد واجـب=سلمت ابي غالي سلامـي تـرده
حبك مهوب إحساس بالحب كاذب=أنـا محـبٍ وسـم حبـك بخـده
القلب لك من غيمة الشوق عاشب=زرعتني في روضة الصبر مـده
يا مترف الإحساس بالكبر حاسـب=لا يشتعل شوقٍ وصل منك حـده
حبك و أنا و الشعر مجداف قارب=لا ترخي الخيط الحريـر وتشـده
جيش الحسن بعيونك السود غالب=لا ترفع أعلامك على مـن تـوده
و أنا لكاس الهم و الحب شـارب=رأسي عنيدٍ فيـك محـدٍ يصـده
بالحب لك يجذب خفا الروح جاذب=لا تستثير الشـوق بالصـد هـده

يفداك من شافك علـى مـرّ الايـام = ياتاج راسـي فـي ليـال الشدايـد
إن رحت زارتني هواجيس وأوهـام = وإن جيت راح الهـم عنِّـيْ بدايـد
وإن زرتني بالطيف والاّ بالأحـلام = كتبت فيك أجمل حـروف وقصايـد
في حرب حب عيونك السود من عام = ماعـاد للغاليـن قبلـك شـرايـد
فيك أنت قلبٍ منك ياصاحبـي هـام = لأجل الغلا ياطا علـى كـلّ كايـد
ولا يبيع الشوق لعيـون مـن سـام = من غيـر حبّـك مايريـد الفوايـد
حبٍّ عظيـم بالغـلا يلـزم إلـزام = الخافق اللِّـي بالهـوى لـه عوايـد
إهدْ المنـام لعاشـق ٍ مابعـد نـام = روس الأصابع له فـراش ووسايـد

وشلون أمِّلْ بالوصل وأرجي بخيـل =والبخل في شرع الهوى راس ماله
نور القمر غطّى على الجدي وسهيل = هـذا وتـو اليـوم عاشـر هلالـه
إن اكتمل في صورته جاني الويـل =من زاعمـه بالزيـن قـرَّرْ هبالـه
شفته وشفت عيون سـودٍ مظاليـل = وهامت عيوني فـي بهـاه ودلالـه
لا واعذابي مـن همـوم المقابيـل = إمّا تحقـق فـي حياتـي وصالـه
ومالي عليه اليـوم قـوّه ولا حيـل = لاشـك ابعلـن بالوفـاء والغلالـه
أنـا حياتـي كلـهـا للمواصـيـل = رهنتهـا لـو كـان عسـرٍ منالـه
متى تجينـي صادقـات المراسيـل = من راس وإلاّ ردهـا فـي رسالـه

لا تعاتبني ولا ترجـي خضوعـي = إنتهى بي حبـك الكـاذب بـلاش
الهنا ما تستحـي منـه الدموعـي = والأسى لعيونـك الخجلـه فـراش
تحسب إنِّكْ بالوصل طَمّنْتْ روعي = في فـؤادي بالغـلا لـك مابقـاش
كيف تطلبني وفا وأنتـه قطوعـي = والزهور اللِّي لك بقلبـي عطـاش
كلّ بال ٍ بالغـلا يرمـع رموعـي = وكن عند اللِّـي حضـر مابيننـاش
دام شمسك ما أشرقت لي بالطلوعي = كيف تبغى النور في درب العتـاش
موعد الشوفه على رأس السبوعـي = وتكثر أعـذار المخالـف بالنقـاش

كثير الظلـم فـي حبـك عدالـه = تعوّدنـا علـى ظلـم الحبـايـب
على الهجـران والتعذيـب دالـه = وانا ما أرضى على النفس الغلايب
ورضيت بجرح قلبـي وانشغالـه = على شان الهوى نعمـل عجايـب
بمال الحب من يرخـص حلالـه = ولـو كثـرت بغاليـه الطلايـب
لصوتك والسوالـف منـك والـه = تعاتبنـي غلـط واقـول صايـب
ذكر قلبي بحبـه مـا جـرى لـه = وهبَّـتْ بالمحبـه لـه هبـايِـبْ
يا روح الروح حالي منـك حالـه = أقول بخير وجروحـي عطايـب
جمال الحـب فـي كثـرة دلالـه = تدلَّـلْ والعـب بشقـر الذوايـب

خـــوفي على الحب وإيماني بواقعنــا=والناس وإحســـاسي المجروح بفراقك
خلاّني أبعــد بعيــدٍ عن مرابــعنــا= كلّه على شــان حفـظ متـيّـه اشــواقـك
باقي صــدى كلمةٍ لك في مسامعنــا=طيفك اسر ناظري سبـحـان خلاّقــك
يكفيــك طيفٍ على الحــرمان يجمعنا=وذكرىً بقت للوفاء منِّي على أوراقـك
يا جرح قلبي ويا غــاية مطامعنــا= متـى تبــرِّدْ لهـيـب الشــوق بعنـاقك
الهجر يا مجــدِّدْ الأشــواق لايعنا=وظلام ياسي يزيـحــه نور برّاقك
على الوفـاء والمـحـبـه ماينازعنـا=إلاّ سوى الموت سراقي وسرّاقك
وادعت راحات روحي في موادعنا=سبحان ربٍ جمع صورتك وأخلاقك

العام الأوّل عندي أغـلا الولايـف = واليوم أنا عفتك ولا تبحث أقصـاي
لا لا تذكّرني وأنـا منـك عايـف = ما فلّتَـهْ يسـراي تطويـه يمنـاي
والله لا راجـي ولا منـك خايـف = الياس دونك حطّم حْصون رجـواي
يامرحبا بدمـوع عينـي ذرايـف = ولا تشوفك وانقـل الـداي بـرداي
بينـي وبينـك ماتفيـد الحسايـف = عفتك عيافٍ منه لاتنشـد ارضـاي
يلوفني مـن فرحـة البعـد لايـف = في البعد عنك القا من همومي ادواي
ما شفت في صدّتْ عيوني كلايـف = تقرر بغيرك على الحـب مغـزاي
عنك الصحيح إنِّي نويت النكايـف = جزاك يوم إنِّـكْ تغاليـت مشـراي

بينـي وبينـك ماتفيـد المراسيـل = ولا يبرر غايـة الحـب مرسـال
أما حيا عمر الهـوى بالمواصيـل = وإلاّ تفارقنـا وليـل الشقـا طـال
يابـو عيـون ٍ فاتنـاتٍ مظاليـل = ودِّي عليّ بنظـرة الكبـر تختـال
اذكرك ذكرى كلّ مـاروّح الليـل = تجيب طيفك لي على عرش الآمال
ارحم شفوق ٍ حار يانافـل الجيـل = منك وعليك من الضنى ضايق البال
على صبر فرقاك ماعاد بي حيـل = الله يبدِّلْ حالـة الهجـر بوصـال

يا هاجسي مـع طيفهـا لا تغامـر= البعد همه جـور والشـوق فتـاك
ما شفتني مع قصة الحـب سامـر = في دفتر احلامي على كيفي أقـراك
يا بهجة ايامي على عمـري آمـر = عسى الاوامر كلهـا مـن فدايـاك
يم الوصل في تالي الوقت ضامـر = اسباب والاسباب ما ظـن تخفـاك
قصر الغلا لك في خفا الروح عامر = حدايقه تزهر بهـا احـلام دنيـاك
زينك لزين اللـي بهالكـون قامـر= كن القمر في حضرتك من رعايـاك
اضف الرموش السود فوق المجامر = والورده اللي حدرهن في طرف فاك
في رمشك الساهي نواهي ووآمـر = تغري اللـي نـور دنيـاه رويـاك