 |
 |
|
|
|
|
 |
 |
 |
 |
| ؟؟؟؟؟؟؟؟؟؟؟؟؟؟؟ | قـــــريـــبـا | قـــــريـــبـا | قـــــريـــبـا |
|
|
|
|||||||
| التسجيل | الأسئلة الشائعة | قائمة الأعضاء | التقويم | جعل المنتديات كمقروءة |
 |
|
|
LinkBack | أدوات الموضوع | أنماط العرض |
05-03-2008, 05:00 AM
|
#1 |
|
{_"مؤسسين روائع"_}
  |
•×•°¦ ديـــــوان الامـــير عـــبدالرحمـــن بن مـــساعــد¦°•×•
(تـــــــعبت)
تعبت أنزف جراحي حبر و أدور للألم أسباب=لجل أكتب شعر يحكي بعض أصغر معاناتي ـــــــــــــــــــــــــقفلت من الأسى بابي وسجنت الكون خلف الباب= وعصتني دمعةٍ فيها سؤال لكل اجاباتي ملل أخبار حسّادي أحد صادق وأحد كذاب= و أحد ما طال تجريحي و أحد عايش لزلاتي أنا شاعر رغم أنف الحسد والحقد و الا حباب=وانا ياحاسدي المسكين بعيد العيب عن ذاتي أنا ما زادني شعري ولا زادتني الألقاب=تجي دنياي أو تدبر عزيز فـ كل حالاتي أنا فرحي لمِن حولي وأيامي فدى الاصحاب=قصيدي بلسم المجروح ونبض الناس أبياتي كسرني قلبي المكسور نادت دمعي الأهداب=تعبت أركض ولا أوصل ولاتوصلني غاياتي أبي ذل ٍ يغطي الأرض لك يا رب يا وهاب= وابي أحيا جبيني فوق ما تملكني رغباتي من الدنيا أنا مابي سوى عفو العلي التواب =ويحسن خاتمة فعلي ويغفر لي ضلالاتي أبملا العمر "بالتوبة" و "نوح" و "هود" و"الأحزاب"=متى كانت سنيني عمر انا عمري في ركعاتي |
|
|
|
05-03-2008, 01:17 PM
|
#2 |
|
{_"مؤسسين روائع"_}
|
رد: •×•°¦ ديـــــوان الامـــير عـــبدالرحمـــن بن مـــساعــد¦°•×•
(عـيونـك)
عـيـونك اخــــر آمــــالي وليلي اطــول من اليـــم=كيف القى كـلام عـــذب يوصف داخــــل احـساسي عـشقتك قـبل ماشــوفك وشفتك صــرت كلي حــلم=ابي رمشـك يغـطـيـني وابيك اقـــرب مـن انفــاسي يهـمـك تعـــــرفي انـك قـتـلـتي في سنيني الهــــــم=قـتـلني ضحـكك وجـــــدك قـتـلـني لـيـنـك القــاسي رميت اقداري في دربك وصرتي في عـــروقي الـدم=احـبـك كـثر ماســـالت دمــــوعي وما نـسى نـاسي يجول الحزن في ضلوعي بردت وذاب فيني العـظم=كثير من الحــطب حـــولي وعـندك انكسـر فـــاسي ســـألتك بالـــذي زانــك تحــبي فيني حـتى الظـلــم=تحـبي عـيوبي وغـــــدري تحــبي المـر في كـاسي انـا مـن كــثـر مااحـبـك ابيك كــثـر رمــــل اليـــــم=وابـيـكي تكوني فوق النـاس وابي ماينحني راسي |
|
|
|
|
10-03-2008, 10:28 PM
|
#3 |
|
{_"مؤسسين روائع"_}
|
رد: •×•°¦ ديـــــوان الامـــير عـــبدالرحمـــن بن مـــساعــد¦°•×•
(شبية الريح )
شبية الريح وش باقي من الآلام و التجريح وش باقي من الأحلام وش باقي من الأوهام غير اني .. الاقي في هجيرك فيّ الاقي في ظلامك ضيّ و اوقد شمعتي في الريح شبية الريح اذا تسمح بغيب شوي ابجمع همي الباقي و ادفن صبري الذابل في أوراقي و برجع لك اذا باقي بنفسك شي شبية الريح أنا مقدر أكدر صفوك العاصف شبية الريح أنا من لي سوى إحساسك الجارف بقايا زيف أشواقي سما أمطار أحداقي شبية الريح وش باقي ابي أعرف متى تسكن رياحك وابي أعرف غرورك هو متى يطلق سراحك و ابي أعرف متى تعصف متى تعطف متى تنزف جراحك و ابي أعرف إذا باقي في بحرك موج اكسر فيه مجدافي و ابي أعرف إذا باقي في همك هم ماشالته أكتافي و ابي أعرف إذا باقي في هالدنيا حزن ما مرني و استوطن أطرافي و ابي أعرف إذا باقي من المعجز في هالدنيا سوى العنقاء و الا الغول و الا خلك الوافي بقايا زيف أشواقي سما أمطار أحداقي شبية الريح وش باقي ؟! سنيني يم و قلبي المركب المتعب و انت الريح مجاديفي عذاب و هم و زادي الوجد و التبريح و صبري صبر بحّارة بغوا في اليم محّارة غشاهم موج كان من الغضب أغضب و كانوا للهلاك أقرب لولا كثروا التسبيح شبية الريح حبيبي الأصدق الأكذب عجزت اوصل شواطي طبعك الأعذب تعبت أنطر في وسط العاصفة قلب و شعور و عاطفة تعبت أجمع ألم كل الموادع في المواني و أحضن أطيافك تعبت السهد في ليل الشوارع و الثواني تنطر انصافك تعبت الظلم و اجحافك شبية الريح أنا ودي أكدر صفوك العاصف شبية الريح أنا كني نسيت إحساسك الجارف بقايا زيف أشواقي سما أمطار أحداقي شبية الريح كيف أسألك : وش باقي ؟ وأنا الباقي من إحساسي ذرته الريح |
|
|
|
|
10-03-2008, 10:36 PM
|
#4 |
|
{_"مؤسسين روائع"_}
|
رد: •×•°¦ ديـــــوان الامـــير عـــبدالرحمـــن بن مـــساعــد¦°•×•
(مــــساء الـــخير)
مساء الخير والإحساس والطيبة = مساءٍ مايليق إلا باحبابي مساءٍ غير غصن لطير يحكيبه= عن اللي مسكنه جفني و أهدابي هلا باللي أحبه كثر تعذيبه = و كثر ما هو يغيب و كثر ترحابي حبيبي هو و لو ما قصّر الغيبة = و لو عن بسمتي قد طوّل غيابي أعرفه زين وعيتني أساليبه = عدوي يوم و يوم أقرب من أصحابي ملكني بين ترغيبه و ترهيبه = يفارقني و هو واقف على بابي به الصادق به الغارق باكاذيبه = يبي بعدي و دمعه بلل ثيابي به القسوة به الرقة به الهيبه = به الضعف القوي به نشوة أغضابي هلا باللي يصيب العطر بالريبة = يقول العطر أنا زايل و يبقابي هلا باللي يقول الورد وش ليبه = من المهدى ؟ أنا أو هو لأطيابي هلا باللي عجزت ألقى عذاريبه = هلا باللي تحبه كل أسبابي مساءٍ فاق كل الشعر ترحيبه = بجية من سكن جفني و أهدابي مساءٍ فاض بالإحساس و الطيبة = مساءٍ ما يليق إلا باحبابي |
|
|
|
|
10-03-2008, 10:40 PM
|
#5 |
|
{_"مؤسسين روائع"_}
|
رد: •×•°¦ ديـــــوان الامـــير عـــبدالرحمـــن بن مـــساعــد¦°•×•
(يــــسعد صباحـــك)
يسعد صباحك .. يا حبيبي حالي طيب كل شي مثل اللي كان المدامع .. والمواجع .. والأمان اللي اختفى لحظة غيابك والليالي اللي مضت .. مثل الليالي اللي مضت الهم عازف .. والدمع نازف .. والعمر في غيبتك حاير وخايف حتى جراحك وسط قلبي مثل ماهي وفي شفاهي باقيٍ نفس الكلام اللي بقى .. آخر لقا مثل منتَ يا حبيب الروح شايف كل شي مثل اللي كان وحالي طيب يسعد صباحك .. يا حبيبي هذا انت كل ما ضاقتبي الدنيا تغيب ... وكل ما ضاقتبك الدنيا تجيني هذا انت ان كساك الهم صرت أوفى حبيب وان نساك الهم تتباهى بـ أنيني مثل منت .. دايم تجي فـ وقتك حبيبي بعد ما وقتك يروح يا آخر دموعي وشجوني .. وأول إحساسي جروح ما بقالي من عذابي يا حبيبي .. الا انت وهذا انت يا حبيب الروح شايف .. كل شي مثل اللي كان وحالي طيب يسعد صباحك .. يا حبيبي هذا ضي الصبح .. او هو بعض نورك ؟! هذا همس الورد .. او دافي شعورك ؟! منهو مثلك في غرورك ؟! جيت متأكد بسامح .. راسم الطيبة ملامح ماهو بدري !! .. انت تدري ما قتلني غيابك اكثر من حضورك ايه كان العمر داكن .. ايه كان الهم ساكن .. وقتي بعدك بس أنا يا ضيّ عمري .. كنت عودت الأماكن تألف بعادك وصدك ياللي ما يرضيني ضعفك .. ما ادري انثر فوق كتفك أغلى دمعي .. او أردك |
|
|
|
|
10-03-2008, 10:42 PM
|
#6 |
|
{_"مؤسسين روائع"_}
|
رد: •×•°¦ ديـــــوان الامـــير عـــبدالرحمـــن بن مـــساعــد¦°•×•
(الــــبرواز)
قلتي لي نسى ومن يومها وانا كل ليلة .. قدامي البرواز حبر العيون ودمع القلم .. في دفتري وصورتك .. رغم الألم .. ورغم انها خذت من اطباعك كثير وخانت البرواز .. اشوفها في خاطري حبيبتي مابيدي حيلة لاصرتي الصورة .. وعيوني البرواز وشلون ابنسى اتعبتي الصورة مشاوير وتعبت انا بلقى لغدرك معاذير وصورتك اللي سجنت بروازها طول السنين .. كانت جسد وبروازها الروح ويوم انزعت منها الجسد .. تجرّحت اطرافها وبجروحها راحت لمين ؟ لبروازها الثاني !! مسكين .. بيسجنك ويبقى سجين مسكين تشبهلك اقداره .. خانته وصورتك يجي يوم وتخونه حبيبتي ..أو للأسف حبيبته لاصرتي الصورة .. وجفونه البرواز وشلون ينسى ؟! حبيبتي لجل انسى جرحك واستريح .. ببكي وبعد البكى .. ببكي وأكيد فيه لحظة بتجي .. وبيجف دمعي وعندها صورتك اللي في عيوني بتموت من ظلم العطش .. بروازها بيصبح نعش وبتمرني الدمعة الأخيرة ... تاخذ معاها صورتك وتطيح وكني بالمسافة تطول مابين عيني .. ودمعتي .. وخدي وكني بقلبي الحاير المسكين نبضه يقول لا تودع الفرقى .. الدمع مايرقى وعندها لانزلت الدمعة لمثواها الأخير وفارقت وجهي بغمض عيوني .. واكسر البرواز وانسى |
|
|
|
|
13-03-2008, 02:32 PM
|
#7 |
|
::+: عـضـو مـمـيـز :+::
 |
رد: •×•°¦ ديـــــوان الامـــير عـــبدالرحمـــن بن مـــساعــد¦°•×•
(رسالة إلى حبيبته )
إنه أمامي .. العاشق الأصدق في صمته المُدوي .. يبُثني شكواه إنه يحب .. وحبه في هذه الدنيا هو الأصدق إنه أمامي .. يا لها من نظرةٍ حزينة تحجب النهار .. تطل من عينيه يا لها من وجنتٍ في دمعته يقرأ في ملامحها الضياع كأنها بحّار قد اٌنسي العوم ومن حوله تنهد الموج ولا يرى مرساه إنه أمامي ساءت في طباعه .. الطباع لا يقبل اللوم .. يبكي على ليلاه إنه أمامي يا لها من قصةٍ حزينة تطل من عينيه تطل من عينه تلك .. سنينه العجاف والذكرى وتلك التي أحبها .. سنين تلك التي رمت به في البحر ومع غيره ركبت سفينة وتركت له المجداف للذكرى أحمق يا له من أحمق هذا الذي أمامي العاشق الأصدق لها هذه الرسالة لمن علمته الصبر والغضب لها لعلها تلقى من الإحساس ما يكفي لكي ترثي حاله لها لعلها تعلم إنه إن أدبرت أو أقبلت هالكٌ .. هالكٌ لا محالة لمن علمته الصبر كتبت هذه الرسالة كتبتها ألقيتها في ماء هذا الغاضب الأزرق في البحر كتبتها كي أنقذ الأصدق هذا الذي أمامي العاشق الأصدق كتبت في الرسالة .. تحياتي حبيبته سلامي إنه أمامي .. له من المتاعب ما يكفي لكي يعشق فجرحيه بأن تريحيها .. له روحٍ أبت إلا على يديك أن تزهق فقتليه بالرحيل .. أو تعالي وأزهقيها لمن يحب كتبت هذه الرسالة فعلت ما علي كتبتها .. ألقيتها في ماء هذا الغاصب الأزرق في البحر هذا الذي أمامي العاشق الأصدق يا صاحب لا اعرفه في الشاطئ الآخر لربما ستلقى ما كتبت لربما ستقرأ الرسالة اقرأ من الأخر .. إن كنت تعرف من يحب خذها لها .. وقل لها إن الذي أمامي لا.. لا.. لا يا صاحبا لا اعرفه مزّق الرسالة مزق الرسالة واضحك على المأساة اضحك على المأساة عرفت من أمامي .. إنها المرآة |
|
|
|
|
18-03-2008, 03:54 PM
|
#8 |
|
{_"مؤسسين روائع"_}
|
رد: •×•°¦ ديـــــوان الامـــير عـــبدالرحمـــن بن مـــساعــد¦°•×•
(ســــألتهــا)
سألتها .. لية البحر ساكن عيونك ؟! جاوبتني .. للغرق سألتها .. ليه السواد اللي في عيونك ؟! جاوبتني .. للأرق سألتها .. ليه الخدود ؟ قالت .. عبق سألتها .. هي رقتك مثل النسايم و الورود ؟! قالتلي .. لا .. يمكن أرق سألتها .. عن حسنها كنّه يقول : ما للشعر فيني حدود؟! قالت .. صدق سألتها .. يا اغلى الأنام .. و شهو الغرام ؟! قالتلي .. انك ماتنام .. و أوهام .. و تنتظر شمس اللقا و ماتجي شمس اللقا مشوار مايعرف وصول .. و لحظة بها كل الفصول و قلب واحد يحترق .. و بعض الصدق وقتٍ عصيب يتبعه وقتٍ عصيب و ليل يتعدى الصباح .. وجراح تدمى لو تطيب و في الأخير .. خل عن خل افترق في الأخير .. كل النهايات الفراق ما فيه فرص .. ما فيه نهايات بلقا .. إلا في خيالات القصص سألتها .. و شهو الوفا ؟! قالت .. كفى .. النور من ضيي اختفى و الليل في عيوني غفى اترك كثير الأسئلة .. اسأل عن عيوني و كفى اسألني .. ليه البحر ساكن عيونك .. ليه السواد اللي في عيونك سألتها .. جاوبتني .. للغرق .. للأرق سألتها عن حسنها كنه يقول : ما للشعر فيني حدود ؟! قالت .. صدق |
|
|
|
|
18-03-2008, 04:03 PM
|
#9 |
|
{_"مؤسسين روائع"_}
|
رد: •×•°¦ ديـــــوان الامـــير عـــبدالرحمـــن بن مـــساعــد¦°•×•
(ســـيد جـــروحـــي)
سيد جروحي شمس عمري و ظلي= البعد طوّل و الخطأ منك واضح اذا غرورك يمنعك تعتذر لي = تعال جنبي و ابتسم لي و اسامح تدري احبك لكن الموت ذلّي = ادوس انا قلبي لو الشوق جامح الله عطاك الحظ و اصبحت خلّي= و الله عطانياك طاغى ملامح سألتني يا ياسميني و فُلي = يا كيف يشفى الورد .. و الشوك جارح مثل العيون اللي لها كل كلي= زايد حلاها لكن الدمع مالح وش تنتظر يكفي دلال و تغلي = الوقت ماهو للوصل دوم سانح ما دمت ترحالك و مادمت حلي = ان صرت انا خسران ماصرت رابح لا تعطي الفرصة لعذالنا اللي = لكل ما هو يهدم الحب طامح مالك صبر عني و مالي تسلي = والوقت خيل صوب الآجال رامح سيد جروحي شمس عمري و ظلي = الحب بعد و قرب .. مخطي و صافح اذا غرورك يمنعك تعتذرلي = لا تعتذرلي قول اسمي و اسامح |
|
|
|
|
19-03-2008, 12:48 PM
|
#10 |
|
::+: عـضـو مـمـيـز :+::
|
رد: •×•°¦ ديـــــوان الامـــير عـــبدالرحمـــن بن مـــساعــد¦°•×•
(دخــــون)
هو فيه مثلك..ياللي الحسن ظلك ليه العطر وانتي انفاسك دخون وليه الكحل وانتي ماغيرك عيون وليه تفكيرك يكون انك تكوني دايم اجمل انتي اجمل من جمالك من دلالك من خيالك ياللي كل افراح قلبي والحزن في المسافة بين فرقاك ووصالك وليه يالقلب الحنون تاخذك فيني الظنون ضيعتي عدلك..هو فيه مثلك..انتي ماغيرك عيون وانا احبك .. وانتي انفاسك دخون ياللي احبك..ليه احبك؟ او ليه ماحبك..وانتي علمتيني ان الحب كله اسئله ما تنتهي ليه ما احبك وانتي علمتيني ان الحب لا غدا لمثلك ابد ماينتهي ياللي علمتك عذابي والهجر..ليه ما احبك ياللي علمتك تكوني..في ضعف ضعفك..اقوى مني يا انتي ضحكاتك تغني..وابتساماتك شعر يانتي ضحكاتك تغني..وكل ما شفتك اصر انك اجمل من جمالك..من خيالك..من دلالك على حبك انا..بقفل ابوابي وبطيوفك انا..باسقي اهدابي يا انتي..يا انتي احبابي تصدقين..تصدقين..صدقي قلبي لكي وحدك..صدقي ماقوى على بعدك دقايق..بس دقايق ياظلي .. يا داري يا اجمل..افكاري..تظلمني لوتقولي اني عاشق..بس عاشق ياللي وحدك تسمعي صمتي وكلامي ياللي ضيك ..اتعب همومي وظلامي..صدقي اللي في قلبي لكي اكبر افكار من القصيد والحكي تصدقي انك اجمل في عيوني من جمالك من خيالك من دلالك لا يالقلب الحنون لا تاخذك فيني الظنون |
|
|
|
|
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | |
|
|
تبادل نصي مع منتديات روائع
وفي نت |
وجوه تعبيريه |
نغمات |
العاب باربي |
العاب بنات |
ضع نصك |
صور |
ضع نصك |
تحميل صور |
دردشة
ضع نصك |
اغاني |
العاب |
سحر الغرام |
استضافه تصميم |
ضع نصك |
ضع نصك |
ضع نصك |
ضع نصك |
ضع نصك
 |
 |
النمط الخطي
