إنتي بكف و باقي الخلق في كف = متعليه في وسط قلبي ولك شان
في غير وصلك مالقلبي ترى شف = محتاج لك يا نور عيني وشفقان
لا جابوا اسمك صرت انا تقل مختف = مالي على نفسي الى اطروك سلطان
من غير حبك غضت عيوني الطرف = ياللي جمالك صار للزين عنوان
اريد انا قربك ترى ياغذا الحرف = و ان ماحصل موتي و دنياي سيان

قالت قدر.. وأقول يومك تبيني.. = غصب على الدنيا يدك في يديني..
لا تظلمين الوقت.. وش ذنب الأيام.. = لا تظلمين الحظ.. لا تظلميني..
غديت ما بين الرجا فيك والياس.. = هذا يبي مني.. وهذا يبيني..
إن قلت شمت وخاطري طاب كذاب..= وإن قلت أبيك.. أرخصت نفسي بعيني..
خيرني أمري.. بين أصعب خيارين.. = موتي أنا أو موت الإحساس فيني..
لكن زماني المر علمني.. = اني أموت مااحني لجل قلبي جبيني..
والله ما تلقين حبي مع الناس..! =روحي وهالايام بينك وبيني..

أمـوت من فـرقـاك .. وأمـوت بلقـاك=وأمـوت من جورك ..وأمـوت بحنـانك
كلِ قـضــاه يمـوت مـرّه ويفــداك=وأنا أمــوت ألفين .مـرّه . عـشـانك
أذكــرك ..لامني نســيت إني أنسـاك=وأنســاك ..لامنّي ذكـرت انسـيــانك
رضـيت أنا بالهـم لرضـاك مـرضـاك=وارخصت لك قلبٍ جرحـتـه ..وصـانك
أجـيك في صدري عـتابِ ..وابجـفـاك=وأرجـع ألـوم الـوقت وأقـول خـانك
أحب فـيك ..احـسـاسي إني بلامــاك=في عـز خـوفي منـك احـس بأمـانك
عـجـزت أفـرق بين وصلك وفـرقـاك=ياللي عطـيت النـاس بيـدك عنـانـك
مــرً تجـيـني لين أقـول إنـي إيـاك=ومــر تروح .بـعـيـد وانـسي أوانك
أقـبل وتقـفي .. واعـتـذر عن خطاياك=وأقـول ما عـيـيـت ..عـيّـا. زمانك
وإن خــانتك دنيـاك .. أو خنت دنيـاك=إرجـع وتلـقـابي ..مكانك..مكانك

حبيبتي كل العواذل تشابه = قلبٍ ظلام ووجه يشبه للأصحاب
ولا ما غدى لك صاحبٍ ينحكى به = لا تسمعي أن كان لك قلب وأحباب
إلى مشيت الدرب يلهث سرابه = وإلى سكنت الدار ناداني الباب
وشلون أنام وهم قلبي صوابه = والشوك ينبت بين جفنين وأهداب
تعبت امني .. الأسئلة بالاجابة= وانطر شروق الشمس والشمس بغياب
وتعبت أناظر والمعنى عذابه = أنك بعيده والملا دونك حجاب
اجمع كلام وما أعرف الإجابه = وعندي شعور صدق والوقت كذاب
كل النجوم اللي امطرت من سحابه = حبيبتي دمعك جرح قلب واتراب
واللي وقف ما بين بابي وبابه = قلبٍ ظلام .. و لابس ثوب الأصحاب

عيون الحب لا يمكن تناظر = عيوب الخل لو هو عيب كله
تماري فيه وبوصفه تكابر = ترى من فوق خلق الله محله
رفيق الليل في الشباك ناظر = واثاري الليل شباك لخله
حفظ أحلى الكلام وصار شاعر = بصبر ينتظر .. والصبر مله
حبيبٍ عشت في دنياه عابر = حسب قوله ويا شعري فقله
أنا ضحيت له وارجى وصابر = واذا عيا أقول الله يحله
على اللي ينتظر يا بعد باكر = يبي السلوان والذكرى تضله
عيون الحب في قلبي تناظر = تشوف اللي عيوني ما تدله

أنا مقدر أكون .. اني حبيب في بعض أحوال=أنا كلي أجي .. و الا أروح بعزتي .. كلي
تخيرت الفراق و مادريت إن الفراق وصال=أقول اني نسيتك بس مدري كيف تاصل لي
خذاني لك سؤال في عيونك و الجواب محال=خذاني منك دمع في عيوني مارضى ذلي
رحلت انت و تركت بداخلي طيفك و صبر طال=غدت ذكراك شمس ما تغيب و صورتك ظلي
حكيت و مالقيت من الحكي الا الندم موّال=سكت و مت بالحسره و لا ادري و شهو احسن لي
أحبك كل مافيني يحبك يا خلي البال=تخيلتك دواي و صرت جرحي الصعب يا خلّي
تعبت أرحل مع وجيه البشر بانساك بالترحال=و لا ادري وش يجيبك في وجيه الناس و اهلّي

حنـا ولامـن قلـت حنـا تحنـا=كل الكلام بعطر تاريـخ الاجـداد
المجـد هـم وهـام فينـا وغنـا=حتى علينا من على روس الاشهـاد
ياكبر حـض اللـي نخانـا وثنـا=نشد له فوق الفخر سـرج وشـداد
ان هلل التاريـخ غطـرف وطنـا=وان سولفوا عنا رجاجيل واجـواد
وان بان لك شمس ترى ذيك حنـا=نشرق مدام الظلـم ظلمـا وحسـاد
يابنت يمـي كـان رمشـك تمنـا=واشق لك ثوب السما جود وعنـاد
واشـد لـك زمـل بجفـن المعنـا=واسري بوجهك لاغشى وجهي سهاد
ياحلـو قـدك يـوم قـدك تثـنـا=محد تغنى فيك من خوف الالحـاد
حنـا البـدو يابنـت هـذا لحنـا=نحبك اكثر لاغـدى حبـك جهـاد
وحنا البـدو يابنـت لامـن نخنـا=بناتنـا يثالـث العـيـد الاعـيـاد
وحنا البدو يابنت وان قلـت حنـا=فاح الكلام بعطر تاريـخ الاجـداد

قال حاقد قلـت يـا جاهـل هلـي=كيف باطرف باصبعي عيني واصيح
انت مثـل ابليـس حقـرك الولـي=لا تسـر ولا تـريـح وتستـريـح
من يصدق بي وانا الشمس عملـي=ما يذريهـا عجـاج جـاب ريـح
لو يطيعـك بـي غريـر يجهلـي=ما تطيعك روسهم بـي يـا كليـح
هم هلي يـا جاهـل وهـم منهلـي=لو تضيق القى بهـم كـون فسيـح
عودهم لـه طاعـة واجـب علـي=شيخنا اللـي مـا يوفيـه المديـح
ما سفهت مـن العقـول الا الخلـي=وما حقرت من الكـلام الا النبيـح
الصباخـي مـا تربـع بالـولـي=والـردي للطيـب جحـاد شحيـح
والعتـم لا بــد يــوم ينجـلـي=واسود النيـة يجـي يـوم ويطيـح
الردى بعـد السمـا عـن مدهلـي=ما تعلمت اجـزي الطيـب بقبيـح
شمت عنك ابي المراجـل منزلـي=وفي ضلوعي شايـب عيـا يبيـح
ما اعتلي بالشعر هـو بـي يعتلـي=دام ميزانـي بحـسـادي رجـيـح
لا تصدق في حصانك يـا جملـي=كنت انا وما زلت وابطي لك نصيح
ما عرفت الغـي واخفيـت جهلـي=علمونـي مستبيحـيـن المـريـح
لـو تبيـن قلـت خلـوا ذاك لـي=بس دامـك كالنسـا مالـي نطيـح
قـل مـادام انـي بكذبـك مبتلـي=كل كذب دام هـو فنيـي صحيـح
ما اخبـر مـن الذنـوب الا هلـي=ذنبي اللـي يرفـع الـراس الفليـح

يابن الحلال ان طعتني خل الاســـراف =واترك جمال الغيد لاهل البصيــــره
الزين موبس في الملامح والاوصـــــاف= الزين روح وعفه وطيب سيــــــــره
مانيب من يهوى سريا وانصـــــــــــــاف = انا هواي وبس بنت الجزيــــــــــره
بنت الخليج اللي تماري بالاعــــــــراف = وحنا نماري باسمها كل ديــــــــره
مالي غرام بقول وخا وبالـــــــــــــــزاف = اذبحتني عند الطرحه المستديــره
احب قولة ياهلا وعل وماخــــــــــــلاف = من بنت ثوبي بنت الارض النضيـره
واللي بها سحر مهو سحر عــــــــراف =ياعل عين ماتراها ضريــــــــــــــــره
عطف وحنان وذوق في لين الاعطــاف =والى كشفت لثامها شفت أميـــره
صعب على اللي بالردي شاف ماعاف = وحلوه علىاللي سنه الله ضميــره
شمس الى من اشرقت والدجا طـاف= غابت نجومك غصب لو هي كثيــره
السيف مايزهى سوى كف سيـــــاف =والخيل دون حصانها مستخيـــــــره