دنيا غريبه والبشر مثلها أغراب =يخونك الي امس من قلبع عطاك
غصب عني اسهرليلي بعذاب=ولوغفت عيني صحاني غلاك
شيبت لي قلبي وانا شباب=انا بقايا انسان من كثر الهلاك
حبيتك واتضح لي حبك سراب=وكنت اتمني العمر كله معاك
صدمتني بالخيانه يااغلى الاحباب=ماكنت متوقع اعيش العمر بلياك
خنتي وصديت عني من غير اسباب=بعتني ياحيف وانا مافكرت انساك
لحنا بقينا احباب ولانقدر نصير اصحاب=مثل مابدينا انتهينا والله يحفظك ويرعاك

أنا مابي مـن الدنيا..وصـول للعيـون الدعـج=وأظن الصدق يكفي لو أموت ورثـي إحرامـي
حبيبي جاهل طاغي يحسب إن الجـوارح ثلـج=وأنا مالي شفاه وفـم صوتـي ضيـع أحلامـي
إذا حبك ذبحني صـد كـل لـه بموتـه نهـج=تشهّد بالعجـاج البيـد.. قبـل تمـوت قدامـي
أنا غصنٍ.وإنت أوراق والعاذل خريـف وعـج=ووش عذر الورق والغصن.. لا يابس ولا ظامي
غديت الشايب اللي عاصبٍ راس الزمان الحرج=كبيرٍ حـزّم الدنيـا علـى متنـه.. ولا قامـي
شليلي بالعفاف أبيض.. على حالته يومه نسـج=تدور الناس والدنيا.. وأموت وورثي احرامـي

يا بنت أنا ماني كذا و ظنونك تكذّب عليك = كلّي عيوب و ما قوت تخجلني ظنونك و أتوب
أكذب عليك و دوم أخونك و ألبس الأبيض و أجيك= و أعشق معك ألفين وجه و يمتلي صدري قلوب
أحلى الكلام أقول لك لو قلته البارح لذيك = ياقف على شفاهي معك مراهقٍ صبٍّ لعوب
أكذب و لا أدري ليه أكذب أعشقك ما أرتجيك= أخاف من صدق الحقيقة في الهروب من الهروب
و الله أحبك و أعشك و أعرف زمان لي أبيك = لكنها هذي الحياة اتعلمت منا الذنوب
العين عجزت تعتقك القلب عيا يشتريك = في السجن خيّالٍ وفي في الصدر رجالٍ كذوب
هذي الحقيقة ما يجي في الكون أطهر من يديك = و أنا الذي أنقض وضوء الغيم و الماء و الهبوب
أنقض عيوبي فوق متني و انتي لعيبك شريك = و باكر تبسم لي وجيهٍ لك يعبّسها الشحوب
يا طاهرة حنا كذا و المظهر يكذّب عليك = يمكن يجي يومٍ يجي نخجل من ظنونك .. نتوب

كنـك مـلاك وطلـع تـوه=الله وش كـثـر مـحـلـوه
ماعاد بـه غيـرك حكايـه=جيتـي وكـل تـرك جـوه
الليل لـف ولمسهـا لمـس=بعيونك اغرب حكاية شمس
وانتي الـى الحيـن نسايـه=ضيعت باكر عشانك امـس
دايـم اقـرب وهـو يبعـد=وفي شفتك للشفـق موعـد
ويحـط لاحزانـي نهـايـة=من غيرك اللي قـدر يسعـد
ياللـي تحليـن اي لـبـاس=يغار من جيـدك الالمـاس
حـرام تعذيـب وكفـايـه=حني على الناس ياحلى الناس
والشمس تحضـر بميعـادك=مـن يقـدر يلـوم حسـادك
تغازلـك حتـى المـرايـه=(( .... )) ياشمس والنـاس
بيضا وفيها سمـار الحـور=سمرا وفيها بيـاض النـور
مالـه بـدايـه ولا نهـايـة=من مثلك اللي جماله جـور
والكامـل بحـق وجـه الله=ياحلـوتـي كـامـلـه والله
ياللـي لكـل البشـر ايـه=من يشبهـك حلـوة الطلـه