القلوب الساهيه..}

مهاوو



اخـر حركــات التغـنـج و الهـنـا
اللي اسمها مهـا و بالدلـع مهـاو
فرفورةٍ تسّلـف الشمـس السنـا
مغويةٍ و يطرد سراها كـل غـاو
إن وقفت كل شـي متباعـد دنـا
و إذا مشت كل شي متلخبط تسـاو
و اليا مشت قـال النمـل الله لنـا
تقاو يا صبري على جوعي تقـاو
ذروة ترف ذروة غنج ذروة هنـا
جمال ما يستوعب و مـا ينتقـاو
مخلوق لا من انثنى يعنـي انثنـى
كل الزوايـا تستقيـم اليـا تـزاو
في جنبها ساره و عبيـر و منـى
شباب و عند البل و كشختهم فراو
يا بوي شي لا يوصف ولا ينجنـا
يسبب إلك جروح لا يمكـن تـداو
مثال: إذا جاعت و طال بها العنـا
كل الحلاو اللي على هالأرض جاو
هي جايعه ؟! يا رب تاكلنـي انـا
هذه سواليف الحلاو مـع الحـلاو
و إذا خذت اطرف حلاوه من هنا
كل الحلاو يشوفهـا و يقـول واو

القلوب الساهيه..}

ياحسافه


ياحسافة

ياحسافه

اللي هاالدنيا بااهلها ماعليها اصلا حسافه

ياحسافه

ياشعور الشاعر وفكرة وقافه

ياصداعه ياشعافه

ياحسافه

يامجسم حلم متقوقع من ايام الخلافه

ياحسافه

ياابتسامات السخافه

ياثقافة جيل مايدري وش معنى الثقافه

ايتثقف شعر .. من بياع دكان الصرافه

....
اسف اني في زمنهم ... بس لحظة!! ماني منهم

يعني لو اوصفك في لحظة مثلهم لاتصدق

يافراشة نور .. والا اقولك .. بلاسخافه

بري حالي بري عود لفه اللاهوب واسفابه وطافه

القلوب الساهيه..}

ياأنيقه


صح هذا انتي ! وهـذا عطـرك السمياكـي

وهذي بوهة وجهك اللي بالضحى محموسـه

وهذي ربطة شعرك البيضا .. وذي خصلاتـه

كنّها فـي زيـت زيتـون الشفـق مغموسـه

وهذي الوانـك .. وهـذا المعطـف العنّابـي

وهذي ساعـة يـدّك المحظوظـه المنحوسـه

لا هـي اللـي طالـت أصابعـك وتشابكهـا

ولا هي اللي قريبـه مـن عاتقـك وتبوسـه

القلوب الساهيه..}

::
.
الجرح ماهو خاطر شوي ويروق
الجرح حتى لو تشافى يعلّلْك
::
وإذاك متحمس متاهات وطروق
انا تعبت اشد حيلي واحاولك
::
سماي ماشي شمس ورعود وبروق
والريح ماهبّت ولايجري الفلك
::
والقلب ناشف بحر..وشقوقه شقوق
وشلون بيكّود سحاب ويبلّلْك
::
ياظامي انا اظما..ومتشبع حروق
وإذاك ضامي للمواصل انا هلْك
::
هلْك..ووقف في وجهي الاصل والذوق
والمجتمع,والعرف,والفقر,وآهلك!
::
متعومس..وحزن النبلاء مرموق
يعني لو احتاج إلك ماجيتك اسألك
::
اللي علي اشكي.. واعاتبك برفوق
واقول لك ودّي ماعاد آتأملك
::
من دوة الايام ياخوك مخنوق
الوقت مشاني من السلك للسلك
::
ازل خطوه بس ما ازل منطوق
ولو صارت ابا احب خشمك واجاملك
::
يبقى البني آدم مجرد ومخلوق
مَلِك..ولكن في الحقيقه بلا مُلْك
::
والناس عوق الناس..والدرب مسبوق
تتعب على اشيا فـ الآخر ماهي بإلك
::
كذاب قايل:كل مطرود ملحوق
سنين وانا اطردك وازريت لا اوصلك
::
كنك تطيش وكني ادور في طوق
كل ماوصلت آخرك يطلع لي اولك
::
ياليت مافي خاطري شوق وفروق
ماكان حسيت ان انا بس منك وإلك
::
الشوق ماهو رعشه وقبضة عروق
وماهو اللي من شينك فـ عينك
يجمّلك
::
وماهو شعور يخالج الروح برفوق
وتطير..ولا ودّك انها تنزلك
::
الشوق هذا..والا انا شوقي البوق
ماقد حصل في شوق هذي ولا تلك
::
تدري وش اسوي الى اضناني الشوق
اسوي بعيوني كذا..واتخيلك
::
واقربك واتوق..واتوق..واتوق
واكثر واحلف ماعاد اقللك
::
واصوّرك في الموق..وتكبر على الموق
وتطيح مع دمعي على ايدي واقبلك
::
هذا غلاي اللي مع الدم مدقوق
ولاعاد تسأل عن شعوري بزعلك
::
محبةٍ ماهيب من طارف السوق
لو انك توكّل..كان والله لا اكلك
::
جيتك حقوق ورحت ماعندي حقوق
وان قلت مااحبك ابجحد مواصلك
::
احبك!!!!؟
الا يابري حالي وعوق
من كثر ماحبك اخاف اني اقتلك
.

القلوب الساهيه..}