تضيق نفسي لين يشره على قلبي فمي = و أنا أترجّى في أمنيات الحلول المزمعه
لا يبن أبوي شلون محتر و أطغي و أحتمي = و الوقت لا منّه زما راس حضّي يقمعه
أن جيتها في الاصدقا أوف يا وفرة دمي = كم و احدٍ خلاّ جميلي على راس أشمعه
مانيب متحسّف جعل مال جافيني سمي= لان أدري المحراب ما هوب مثل الصومعه
تتغثبر الدنيا و لحظة صفوّ الأدمي= اليا سجد الله و سقّت دموعه مدمعه
وأنا أدمعت عيني وما اكميه عاده منكمي= بين أنتظام عروق قلبي مسوّي معممعه
ياوجد حالي و أنكساري و غيبي و عدمي = وجود من جمّع حلاله و ضاع اللي أجمعه
المشكله ما هيب نفسي وزلاّت قدمي = و ما هيب بحّة صوت أحبّه و لا عاد أسمعه
المشكله لا جات من بين دمّي و لحمي = مدري من أخلّي و لا أدري من اوقّف معه

تضيق بي الدنيا بكبرها من معابيس الوجيه=و هذاك لا منه تبسم.. شفت للدنيا طرف
مني وليه احببته وهو حبني منه و ليه=من غير لانا اعترف و من غير لاهو يعترف
ليه اتحاكى وكل ابوي يعرف غاية كل بيه=ال يا فرح أفرح و دمعه لاذرف دمعي ذرف
اغليه يعني اعشقه , اعشقه يعني اموت فيه=يعني انا ميت مع عشقه و مرتبة الشرف
ميت و يعشق و السبب مافي داعي اني احكيه=الغيد في الدنيا هواه وهو لحاله محترف
الشامخ اللي لقبل و حضن يديني في يديه=تراعدت فرايصه بالغنج و تساقط ترف
أمشي معه من غير لا اين ولا كيف وليه=من حيث ما يجرفني اغمض عيوني و انجرف
ان قال لا اقول لا ان قال ايه اقول ايه=ماعرف مسمع ما ارى ما ارى مسمع ماعرف
الي اعرفه اني ابيه يتجملبي و ابيه=وكان العدل في صدته سجلني اكبر منحرف
يغفرلي الله و الله يديمه و يرحم والديه= علمني ان البعد نكست حال و الصده قرف

قال : أبا اشوفك ؟ سكت شوي , قلت : اشزينه = موعدٍ معك أنت لايمكن عليّ إنكاره
بس لاحظ إن قلبي لو جفو غالينه = ما جعلهم عرضة النقاده الثرثاره!!
قال : أنا أدري .. و الله يوقْف معه و يعينه = قلبك إلى حط أعداءه على أنصاره!
قال:باكر.. قلت بكره(غد).. يا تانينه = كلها ساعات ويبوح النهار أسراره
المهم.. أصبحت صبحٍ ما عرف تكوينه = صبح من ندرة عصافيره تصيد احراره
وآتقهوى.. قهوة اللي مضحكتْه سنينه = وآخذ اغراضي معي.. واشغّل السيارة
واسرح في بالي انه في حدا دربينه = يا قبل بيته ابيّتين.. أو على دوّاره
وليه ذا.. واقف معنّز جسمه بيدّنيه = وقفة اللي ربعه تحبّه ولا تختاره
قلت: ليه انت اتّشاءم انت اتّشاءم والبنادم طينه = ينتصر.. لاحط ذكر الله على إصراره
قال: أنا.. مانيب متشائم.. لكن يشينه = لابتدا عمرك بصدماته وموت أزهاره
كنت احسب ان الحياة لساره أو لـ(لينه) = لين ماتت (لينه).. وفي يوم ماتت (ساره)
ظل يبكي.. وانتهز صدري .. وجا من بينه= لين حسيت ان كثر الدمع فك ازراره
اعملت في عيني انفاسه ودمعة عينه = مثل ما يعمل بخار الشاي في النظاره
قمت اضمه وآحضن راسه ولا ادري وينه = لاني اعشقه بمفاجأته وفي تكراره
كان يوم.. يعلّم الواحد يوفّي دينه = الفرح به قاطعٍ للحزن كرت زياره
يالله انك تقطع الوقت الردي وتهينه = كانه يبكّي كباره من غياب صغاره

أخذيني إليا عجبتك بس ردينيي= و إن ماعجبتك خلاص أخذيني مابيني
ما دامني شفت فيك الطهر و العفة = باعيف نفسي ليا منك كرهتيني
أخذيني لو أعتبر من ضمن أشيائك = و أنا بحبك و لا لازم تحبيني
لابي علاقه ولابي نظره وبسمه = أحساسي أني بقربك بس يكفيني
و لو أني انضفت لشيائك غصب عنك = طلي علي يا غناتي لا تخليني
تراي لا جا المصامد ماني بهين = تقول كن العرب لعبة بيديني
شخصيتي من غرابتها و طيبتها = كن الزمن في تحدي بينه و بيني
أخذيني الشاعر اللي ما صدق حظه = لا قلت يا حظ وينك ؟ قال : يا ويني
أخذيني المبدع المتفلسف التحفه = مؤمن و تضحك على العالم شياطيني
شهرة شكسبير و أفلاطون و نيوتن = لا قلتلي بيت شعر تطيح من عيني
أخذيني العنصر الي صدق متعنصر = من دون ربعي لو أقطع شراييني
أخذيني اللي ليا منه طلب يعطا = و تكفين لا من طلبتك لا ترديني
تكفين يا غايتي يا بهجة الدنيا = أبحرق قلوب ناس ما تدانيني
أخذيني بكل شوق و قولي أحبه = و أن شككوا فيك و إلا في ضميني
قولي سعد و الله أنه غاليٍ جدا = و يا جعل فدوة شبابي و اخر سنيني
و أنا بصدق كلامك و أعتنز بالله = و باقول للناس ما يعنيك يعنيني
و أنا علي نذر ما أرخص جيتك = و أنتي نذر على أرقبتك أنك ماتخليني

ردني لك.. موتتي في غيابك موتتين = يا محول ضيقتي من وجود إليا عدم
لا تخليني ما بين الثلاثة و الثنين = البكا و السخط فيك ، وشعوري بالندم
ضقت ذرعاً، يالله انك تزينها .. تزين = من عيون اللامبالاة و يدين الردم
والله ان جرحك بقلبي كبير وله حنين = كبر ملك الامبراطور فـ عيون الخدم
الله أكبر يا وليفي بعد ما كنت وين..= صار مالي في حياتك ولا موطئ قدم
ردني لك.. لا خلاص انت رح ، والله يعين: = من على شانك يفض الجموع ويحتدم
خلني لي.. وأعدك في مقابيل السنينن = ماأتمنى صعب.. ولاأعشق.. ولا أنصدم
أنت ما قصرت يالغالي وعذرك سمين = وطول الله عمرك.. لا اخلا ولا اعدم

أن كنت أنا أخطي شي طبيعي لان أنا مانـي نبـي=محدن عصمه الله من الاخطـاء .. كـون الانبيـا
فعلا أنا أخطي بس ضـوّي ماتشـب الاّ iiأحطبـي=أطمح ولولا الليل .. محدن شـاف فايـدة الضيـا
أمشي ولو أموت وأنا أمشـي .. ولاكـن ماحبـي=ولا أعشق الصوره . ولا الكربون . ولا أعشق غيا
كل ماتعثّر ؟ قلت في نفسـي وأنـا أمـس iiشنبـي=ياكـم علـى الدنيـا فقيـر .. ويحسدونـه iiأثريـا
أبغا أتوحّد وأنت أخذ مزهبـك وأتـرك iiمزهبـي=كنّا أخويا ومن بعـد مازلّليـت ؟ ماحـن iiبخويـا
أبعصم رجيلـي عـن دروب السخافـه iiياصبـي=لانّي حياوي والدروب السود .. مافيهـا .. iiحيـا
تعـال وادعنـي وداع الارض للـحـر iiالابــي=أنا بعللّـي .. وأن دعيتـك ؟ فالعفـو ... iiللأنقيـا
ماني منادي بسمك . اللّـي .. ماتسمـوااه iiأجنبـي=فن قلتلك .. يا ؟ .. أعرف أنّي حاشمك لاقلت ii..يا
يـا؟؟.. والله وبـالله وبعـد الله وبـي iiوبسبـبـي=صارت شياطين الحروف المستهيمـه ..؟ . iiأتقيـا
فن شفتني متعب هجوسي في رسم راس iiالضبـي؟=ماهو علاشان أكسب أعجابات .. ريمان .. iiوهيـا
لالا . أنـا مخلـوق مبـدع . مايحـب iiومايبـي=ألاّ يقول ؟ أن الاذكيا؟ سبّـة . رسـوب iiالاغبيـا
من الذكاء؟ أنّـك تسـويّ نفسـك أحيانـن iiغبـي=بس الغباء؟ أنّك تذيكالـك .. علـى نـاس iiأذكيـا

حبيبتي تحفه من النوع الفريد= لجيت بمدحها اخاف اذمها
لان المديح بها ينقص ما يزيد =ولانها خيال وطايش وما همها
متمرده وبعقل هارون الرشيد=وفي الزين ما عذرى توقف يمها
لو قستها مثلا على الجيل الجديد= تحط حليمه بولند في كمها
من غيها السادات سواد العبيد= تحر وتبرك عند ركبة عمها
ومن غيها لامن تفنت كل حيد =وده يصير انسان لاجل يلمها
ومن غيها حتى الدهن عود العتيد =يسيل في يدها عشان يشمها
ومن غيها لا من خذت نفس جديد =تهاوشت الانفاس على فمها
لبيها ام الفكر ام القصيد =لبيها من ضحكها لا غمها
اللي بقوله الله جعله الحظ السعيد =والله يخليها لابوها وامها

ياللي غرامك جاريٍ في وريدي=لا .. وش غرامك جاريٍ في وريدي
استغفر الله لو بقول ان غرامك=ما باقي إلا يطبع اسمك على ايدي
لأنك بصدري و أنت منته بصدري=تطلع مع أنفاسي و ترجع يا سيدي
اليا طلعت أحس كني أشوفك=و آنقص أنفاسي ذكا .. يا ضديدي
أخاف لا تطلع و لا عاد ترجع=و اشفق على شوفتك و اقول زيدي
فهل علمت عن جنوني يا آنف=اني لمجنون النشاز المجيدي
لبيك يا سلكا حملت الفضائل=أوعز لصاحبك بتحرير قيدي
يعني بحكينا .. لبى و الله عروقك=متى تعيد في عيوني يا عيدي
ثقفني بوصلك مثل ما تثقف=شعار جيلي من ثقافة قصيدي
لو ضلع عيني حس موطى وصالك=لا طاح حيده و لا طاح حيدي
تخيل اني من كثر ما اتخيل=اتخيلك تدعي و احسب انك ميدي
يا خي ترى جننتني بالمفارق=جننتني و انا بعدني يا جيدي
لكن مع الله كل بلوى بخيره=أنا ذكاي من التجارب رصيدي
اذكرني اليا من سمعت بغرابه=اليا سرى فعروق مخك جديدي
و أنا بعد لا من ذكرتك يا غالي =باسجد لوجه الله و باقبل ايدي

لا تطاريتوا بحلو السوالـف والحكـي=والله ان احلى السوالف سوالف ناديه
كنها لاقالت ارحب على الراء ترتكـي=اتحفاهـا واخلـص وتـوهـا بـاديـه
مـن دلعهـا لا تحفتـك كنهـا تشتكـي=ومن ثقلها لـو يثـورون تبقـى هاديـه
تتقن البكي المضحك على الضحك البكي=بكي امينه رزق يطلع بضحكـة شاديـه
وصوتها اخر شموخ الطراز المملكـي=وبحته تقمع ظهور الحـروف الغاديـه
ما يجيب من الحكي كون لؤلؤ الحكـي=ما يجيـب اللؤلـؤ إلا سوالـف ناديه

بري حالي لا أنتهى العصر و أعلـن الإنسحـــاب=وخلــّت الشمـس الصــــداره و مــالـت للغــــروب
و أذن المغرب و ســاد الفضــاء مثل الضبــــــاب=وأنــتهى و الليــل لبـــس الأمــاكـن لبـس ثــــوب
وردة همومي على قلبـي الصلـــب الخــــــراب=وردة حيـــام الضــوامـي علـى عــــدٍ جـــــــــذوب
كـلهـــا هــانـت و لا هنـــت يــا هـــم الغيـــــــاب=مــن محبــة صاحبــك صــرت يـا هـم محبــــــوب
أخذ ليلك بأوّله و أكــل و أشــرب فـي رحــــــاب=قـــلـب مــن شـــدة طهـــارتـه تجفـاه الذنــــــوب
ايـه و الـدنيــا مسـاكــن و رحـلــه و أغتـــــــــراب=والغــلا فـي الــوقــت هـــذا مميّـــز بالعيــــــــوب
أشمل بجسمي و عدي علـى روس الهضــــاب=وكــل مـا ضيعــت وجـــهي دريـــت أنـه جنــــــوب
ويش أســوي فيـــك يــا عــم تـلعـــات الرقـــاب=وأنـت واقــع و التمعــان فـي عيونـــك هـــــــــروب
أنت مجرم حــب لا ويش جاب لـــويـش جــــاب=أنــت عـــذبٍ عــــذّب رجلـي بشـــوك الــــدروب
صــرت أهــاب التزاحــم و أنــا مــا كنــت أهـــاب=وأمشي بكيفك لو إني على المشـي مغصــوب
صــرت أجمع مــن جـروحــك و كلمــاتــك عتـــاب=وقبل أقول شفيك تجـرحني و أستغفــر و أتـــوب
صرت أحسب لناسٍ ما كنت أحسب لها حساب=وصرت أكـذب لأجل تــرضى و أنــا مــاني كــذوب
شــوف مـهـمــا صـــار بـي إنحنـــائـي إنتصـــــاب=ألعــب بـعـمــري و بـعثـــره بيـــدك يـــا اللعـــوب
أدري أن إن الجـــاذبيـــــه تسبـــب الإنسـكــــاب=وأدري إني منسكــب و أدري إن أيــديك كـــوب
سلــت فـرضــك و أرتوّتْ بي وفــاضت بي عــذاب=ليــن حــبـتـنـي قلـــوب و تعـــادت لـي قلـــوب
فــأعرف إن زولي غديــر و حكــاياهــــم ســــراب=والمقــاديــر الأيــــادي و شيـن الحــــظ طــــوب
يعــني اليـــا مـن رمـــونـي حقيـــريـن الجنــــاب=صـــار زولــي عشـــرة أزوال و عيـــونـي قــــروب
أتعــدد لأجــل أداريـــك عـــن طيـــش الشبــــاب=وآتوحد ليـن يطــغـى علـى وجــهـي شحــــوب
مــاني أستــاهل كذا منـــك يـا وبـــل السحـــاب=لا تـبـللــنـي و أنــــا ودي إنـــك مـــا شـــــروب
ايـتني و أدخــل في قلبي يــا قلبـي بـــاب بــاب=وأخطر عــروقي برجليــك يــا أسمـــر دوب دوب
جـــل مـــن ولـــع عــروقـي بــقينــينـــة تـــــــراب=نوب تضحـك من عــذابي و تبكي منـــه نـــوب
لــو لـــي دعــــوه وحـيـــده و هـــي بتـسـتجــاب=قلــت يـــا ربــي ليـا مـــر خــالفـــه الـهـبــــوب
زوي قلبي كــل مــا أزويــت خــصــرك بــإنسيــاب=و وقف العــالم يـرد البحــر مـــن كـــل صـــــوب
يــا خــلاصــة شـهــد و عــذوق مــا لـــذا و طـــاب=يــا مغـلبني و أنــا مـــا بعـــد صـــرت مغلـــوب
يـــا مسـفــرنـي لــوجــهـــك ذهـــاب بـــلا إيـــــاب=يــا مـعــزز بالغـــلا يـــا مقـــدّر يـــا محســـوب
ايتــني و أذهــب بي بـعـيـــد يـــا مــــال الـذهـاب=ضمني بيديــك أبجمـــد علـى صـــدرك و أروب
أنــت لــو ضـمـيـــت تـمـثـــال مـــن ضـمـتــــك ذاب=كـيـف لــو ضميت صـــدرٍ على ذكـــرك يـــذوب