يامن خلق ربي ..احساسي على شانه = لي في تجاهلك قدام الملا..معني
خوفي على حبنا قررت ..كتمانه = لين الله يسير الايام تجمعنا
غواص بحر الهوى ..لاحصل ..الدانه= يبلع صدفها عن اهل الغوص ..لويعني
وانا لقيتك وروحي فيك ولهانة = وشلون ابينك..للعاذل ويخدعنا
والورد يجنا اللي..مالت به اغصانه = واصبر ..ولابد ماتزهر مرابعنا
دام الامل حي والاشواق..عطشانه = لابد من ليلة..تضحك..مدامعنا
مافيه داعي نشوف افلان..وفلانه = برهان حبٍ برغم الناس..مقنعا
زال الوفا..طبعنا والنفس ولهانه = ماأظن حي عن الجمعا..بيمنعني

ماتت الرغبة على مر الوماني = مابقي كود التمني في يدينا
أجنبني الوقت عن شوفه -حداني= وتهت في بحر العمر من غير مينا
عنك أبعدني الخجل ... والصمت جاني= وعني أبعدك الومن ... رغم علينا
آه .. لو تدري بشوفك .. كيف أعاني= ليه عن رغبه بعضنا ... مادرينا
فيك ماينفع مطر ..صادق حناني = قلبك أصبح من حجر .. عيا يلينا
وفيني إحساس الوله ..له شكل ثاني = غير خبرك ..صار لي عقلٍ يدينا
وأنت عايش ... عمرك بسعد وتهاني = ليه أردك ..لأجلي الماضي السنينا
السعادة شوفتك تدخل مكاني = في حياة مابها .. حين وحينا

ودي تشوف الهم وش لون سوى = في حال من حبّك على غير مصلوح
جرحتني جرح جديدٍ تلوّى = على خفوقٍ منك بالحيل مجروح
وسويت بي شيٍ ما ينتسوّى = وأقول يا سيد المماليح مسموح
لـيتك بـزلاتـك علي تـروّى = يـوم ان حبي لك من الروح للروح
إن كان حبـل وصالنا ماتقـوّى = الله يعين عيون (سامر) على النوح
لا يا بعد من جابوا آدم وحـوّا= خطاك مهما صار منسي ومدمـوح
ليتك دخلت بداخل القلب..جـوّا = حتى تشوف بعينك الجرح ..وتروح

حاول وحاول ...يصير أفراقنا هادي = الله عطانا العقل حتى يعنينا
خل المقادير تمشي مشيها العادي= في عمرنا يفعل الله مانوى فينا
مافادتك دمعتك .. ماينفع عنادي = لاصار ربي حرمنا .. من بيعطينا
فرقا وصارت ولاتحزن على أبعادي = وأنا بحاول على نسيان ماضينا
ونبدأ حياة جديدة كلن بوادي = ياحسرتي ياغرام ... عشته سنينا
ياوحشه الليل .. في بعدك بلا رقادي = ويا طوله اليوم ماشفتك ولو حينا

ليتني من قلبي وعقلي طليق= وأني أقوي ذل نفسي .. واللفاق
كان ياما ... صار عندي من صديق = وصرت له صاحب ... وعانقني أعناق
البلا أن الطبع في مثلي خليق = مايعدل لو عدل شط العراق

يناديني من الماضي منادي= الى شفتك تردد في فؤادي
يقول الحب..قلت انك نسيته = واشوف النار من تحت الرمادي
الى شفتك تصيب القلب نشوه = مجربها من أيامٍ بعادي
الى شفتك ذكرت أيام ماضي= مضن لي معطي قلبي قيادي
شقاي وراحتي شوفة حبيبي = وانا بوادي وهالدنيا بوادي
الى منه قرب قرت عيوني = والى من سافر بلاده بلادي
اعيش الوان حبه في سعاده = لذيذ القرب وأشواق البعادي
أنا وياه عشناها ليالي = ملاها النور ما فيها سوادي
هوانا دايمٍ يتبع هوانا = ولا ندري وش أحوال العبادي
الين الله كتب فرقا علينا = كوتنا مير ما عنها حيادي
وقلبي خطت جرحه من عروقه= واحسبه فاد فالقلب الضمادي
وهو من شافتك عيني خفق لك = عسى ما يكسب جروحٍ جدادي
ولكن فيك خصلاتٍ هوتني = دلال وخف دمك والعنادي
وثقل وسمعه تحسد عليها = بوقت اليوم يا قل الملادي