قالوا تحبه..قلت ماهو بالحيل = بس انه اغلى شوي من نور عيني
يسوى جميع الجيل الاول وهالجيل = أحبابي الماضين والمقبليني
شوقي له أعظم من ظما الأرض للسيل = وأشفق عليه أكثر من أم الجنيني
واحتاج له حاجة ثرى مصر للنيل= وعليه أغار ولو من ما لوالديني
اشتاق له شوق المحبين لليل = وارتاح له راحة دموع الحزيني
لا صار جنبي لو سنه وقتي بخيل = ولا غاب لو لحظات صارت سنيني
قالوا يحبك.. قلت هذا هو الويل = ما ودي أنشد ثم رفضه يجيني
وأهدم رجاي بدبرتي مثل ما قيل = والأفضل أحيا بالأمل لو لحيني
يا حبكم يا ناس للقال وللقيل = والأمر لو هو سهل يصبح مهيني
خلوني أحيا في الوهم يا عواذيل = وش دخلكم والأمر بينه وبيني

احبك كلمه صارت رخيصه = يرددها من الجهال واجد
يرددها بلا نفس بخيصه = تعرف ان الهوى معناه واحد
يرددها بلا رغبه حريصه = ويظن ختامها لف السواعد

خلنا بالحب يوم الله جمعنا = لاتكدر بالعتب لحظة لقانا
نجني اللذات دام الوقت معنا = قبل فرقا ثانيه تقلع مدانا
يااحبيبي ماعلى الله استطعنا = نجتمع وش عاد مانروي هوانا

ما حد خذا غيرك من الناس عمرين = عمرك وعمر اللي معك فات كله
وزود عليها صرت مالك لقلبين = قلبك وقلب فيك هام وتتله
حبك نزل في القلب بين البطينين = وفوق المعاليق الثلاثه محله
يسري غرامك بالدما في الشرايين = مسرى المرض في جسم من حسن عله
سيرتني برضاي ما قلت لك وين = معك على موج الهوى قلت يا الله
وش غير هذا أعطيك يا كامل الزين = روحي فداك أطلب وخذها تدله
مادام شوفة طلعتك تكحل العين = وما همني غيرك وش اللي حصله
نسيتني الماضي وناس كثيرين = وما كن فوق الارض غير إنت لله

من لقيتك زاد حبي للحياه = وقبل اشوفك فاقد شي كثير
هذا هو المضحك المبكي = سبحان مغير الاحوال
اللي من اول علي يشكي = اليوم اشكي عليه الحال
ويلك ارحمني ولا تشق الخفوق= حبك ارغمني على غض البصر
حبك اللي تدعي هو حب ذاتك= ومن يحب الذات مايخلص لغيره
يسري غرامك بالدما في الشرايين= مسرى المرض في جسم من حس عله
في رقة اسلوبك تحالالي الذوق = وانت الحلا والذوق ياذوق ذاتي
انا ماشعرت اني مع الناس قبل القاك= ولا ذقت للدنيا طعم قبل تلقاني
ليالي خبريني ريحيني = انا ابحث بس عن نصف الحقيفه

ياليتني بينك وبين المضره =من غزة الشوكه الى سكرة الموت
او ليت شاورني القدر بس مره = ولبى مطالب رغبتي قبل مافوت
اوليت لجرة مواطيك جره = احمي قدم رجلك مثل جزمة البوت
اوليت بيديني السعد والمسره = واحكم عليها عنك مالحظه تفوت
يفداك عمر منك يشعر بعمره = انتي الحياه لنفسي وردة الصوت

لايصيبك شك مني في غلاك = يامغلي عيشة أيام .. العمر
لايهمك من حكي هذا ... وذاك = ولايصيبك يابعد عمري كدر
منوة العذال يسعون الهلاك = حبنا اللي توه ... بعمر الزهر
لو يشوفك من عذلني في هواك = مثل ما أشوفك عذرني واعتذر
واعترف أنك على وصفي ملاك = وإن عندي يوم حبيتك نظر
واجد أهل الزين لكن في بهاك = الجمال بكل معني مختصر
خالقك سبحانه ... إختار وعطاك = كل كامل من تواصيف البشر
كان حور العين تشبهك بحلاك = هني أهل الخير في يوم الحشر
دامني حي ...فلا أطمع في سواك= وباستمرار ارجي لقا بعد القبر

جيت المكان اللي بدأ حبنا فيه = وأمطرته عيوني بدمع الحنيني
وشكيت له قسوتك .. وإنكار ماضيه = يوم العهد .. وأيديك تحضن يديني
تعتب على معذور .. بس الزعل ليه = وأنا أعترفت بغلطتي لك بحيني
لو قلبك أحد قال حبيت ... قلت أيه = شف كيف حبك .. قادر يسود فيني
هذا الدليل .. الساطع اللي لك أبديه = إنك تحكم القلب ... حكمٍ متيني
إلى متى ناوي فؤادي تعنيه = تحرم عيوني منك .. ياشوف عيني
عمري بلا قربك ..وشوفتك مابيه = من دونك الدنيا .. ملل ياضنيني

تخطي علي .. واستسمحك .. وترجاك= ضعفي هواك ..وفطنتك ماتخونك
المشكل اني كل .. ماجيت ابنساك= فكرت نفسي كيف .. ترتاح دونك
وما ظن لاهذا ..ولاذا.. ولاذاك = واللي سمعت بذكره ... يعوضونك
تدري اني اعشق فيك شامل سجاياك = زينك وشينك .. في قساك وليونك
واني متيم في محاسن محياك = وتعرف على وشلون .. سلطة عيونك
تامر على من موقها الموت ... هذاك = واطاوع امره قبل ترمش ..حفونك
رديت قلبي عنك لاشك..هو جاك= وجيتك معه راضي بمقبل طعونك
ارجع واقول .. اهواك..واهواك واهواك= وبكفيك اتعذب ... ولكن بهونك

حبيت ... قربك ولاادري ليش = ترتاح لمشاهدك..عيني
دخلت في مهجتي .. بشويش = وحبيتك بكل مافيني
جنبك بديت .. استلذ العيش = واندم على ماضي ..سنيني
قبلك حياتي مضت .. في طيش= ياليت عارفك ... من حيني
ذي قصتك ..وأنت رأيك ايش = امين .. لك رغبه فيني
وعلى حرير ومخدة...ريش = سلمتك..القلب بيديني