 |
 |
|
|
|
|
 |
 |
 |
 |
| ؟؟؟؟؟؟؟؟؟؟؟؟؟؟؟ | قـــــريـــبـا | قـــــريـــبـا | قـــــريـــبـا |
|
|
10-03-2008, 08:05 AM
|
#1 |
|
المشرف العام
  |
دعوة للابداع
السلام عليكم ورحمة الله وبركاته
كيفكم حبايبي ان شاء الله بخير وكيف المنتدى معكم عساه ماشي كويس انا اليوم طرحت موضوعي هذا وراح اتجنب اللغه العربيه الفصحى شوي عشان اقدر اوصل لكم الي عندي وبرضوه نفتح باب مفيد يرجع علينا بالفائده من زمان وانا ابي انزل الموضوع هذا ولكن الوقت والضروف وبرضوه الافكار ماكانت سهله لطرح موضوع زي كذا عنوان الموضوع دعوة للابداع فعلا هي دعوه للابداع راح اتطرق لامور كثيره منها نقل المواضيع وبرضوه تكرار المشاركات بنفس الشكل وسرقة المواضيع .. ولكن الي اهم من هذا هو ليه مانعتبر كلنا ان هذي مملكتنا الخاصه فينا ؟؟ تقلون لي كيف ياماجد ؟؟ ليه مايكون احنا الي نطرح المواضيع بشكل اساسي ولا نعتمد على النقل !! فيه في المنتدى ساحات كثير وبتخصصات كثير وبعد مافتحنا الساحات الجديده توسع النطاق اكثر واكثر بمعنى ان كل منا عنده موضوع يطرحه ولكن يتعيجز او مايعرف يصيغ الموضوع فا عشان كذا يلجاء لطرح المنقول والمكرر مثلا اقدر اشارك في ساحة الصور والتصوير بموضوع من افكاري انا من تصويري انا وبشكل يومي ولكن خلونا نقول في الاسبوع مره هل من المعقول ماودك تناقش احد في قضيه في ساحة النقاش والحوار ؟ الى اخره القصد حبايبي ماهو الزامكم في طرح مواضيع من انشائكم او ان الادارة في طريقها الى منع المواضيع المنقوله ولكن لما تحط موضوع ماهو منقول وانت الي طرحته وتبين الشي هذا في عنوان الموضوع راح تلاقي اقبال من الاعضاء على التفاعل والمشاركه لانه شي خاص ومو منقول او مكرر في المنتديات الثانيه وبرضوه انت تشوف رده فعل اخوانك الي في المنتدى على موضوعك البعض منكم في باله يقول انا حطيت موضوع من انشائي ولاحد رد علي ماني فاضي اطرح ولا احد يتفاعل !! طيب قبل ماتقول النقطه هذي في بالك هل طرحك لموضوع في ساحه واحده وتفييمك له بالشكل هذا يؤكد صحه الي تعتقده في نفسك ؟؟ صدقني لا ابدا ولكن ليه مافكرت قبل ماتفكر في الكلام هذا تقول انه معروف عنك المنقول دائما ولما طرحت موضوع من انشائك مافيه تفاعل لانه محسوب عليك موضوع منقول ؟؟ ليه نلجاء الى رمي الاسباب جزافا واحنا فعلا ماجربنا .؟؟ نقطه ثانيه لما تحط موضوع من انشائك وتحس بتفاعل الاعضاء فعلا ولمتهم في الموضوع وردودهم الجميله (وهذي النقطه الي راح اتكلم عنها بعد كلامي عن المواضيع المنقوله) اسئل نفسك عن الشعورين موضوع منقول او موضوع من انشائك ردو عليه الاعضاء ؟؟ يعطيك دافع للاستمرار والعطاء وبرضوه مشاركه اخوانك كل امورك وهذا الي اقصده بمملكتنا.. اقدر انزل موضوع في النقاش والحور عن مشكلتي مع ابوي وتقدر تغير اسلوب الموضوع بحيث مايشير لك انزل موضوع في الشعر والادب والخواطر والقصه من كشكولي الي في المدرسه ايام الثنوي انزل موضوع في الصحه والطب بمعلومه انا قد سمعتها من دكتوره او قد سمعتها من عطار او من مصدر موثوق اقدر انزل موضوع في البلوتوث انا صورته بجوالي اقدر اكتب افكاري واطرحها في المنتدى .. ... الخ نقدر نخلي المنتدى مميز ومملكة خاصه فينا بحيث اننا نحس ببعض نعرف بعض اكثر على صفحات المنتدى نعيش التجارب مع بعض ونتشارك الاشياء بشكل مفيد وبشكل يخصنا وماهو مكرر في نص المنتديات العربيه هذي بخصوص المواضيع المنقوله النقطه الاخرى هي المشاركات المكرره والبسيطه والسريعه تخيلوو معي انكم كاتبين موضوع وتعبانين عليه من انشائكم زي ماقلنا في النقطه الاولى ويجي عضووو يرد رد سريع علمني نظرتك للعضو هذا الي يبحث عن المشاركه ومو راضي عن الموضوع ..هذا اذا شافه طبعا ؟؟ طيب تخيل انك مكان العضوو هذا ورديت على احد بالرد هذا وش النظره لك ؟؟ كل منا يعرف الجواب !! خلوني اعطيكم مثال بسيط وتخيلوو معي وعيشوو الموقف طرفش كتب موضوع عن ترشيد استهلاك الكهرب من انشائه مثلا جيت رديت عليه انا وكتبت ---- اخوي طرفش فعلا ترشيد الاستهلاك الكهرب مطلب ضروري لان الكهرب عصب الحياه وايضا كثير من الناس يفرطون في استخدام الكهرب اشكر لك طرحك وحرصك في نفس الوقت والله يعطيك العافيه ---- ورديت عليه بس بشكل سالبي -------- ماقصرت طرفش على الموضوع يعطيك العافيه ------- كل الردين سريع وبشكل سطحي ولكن مع سرعتهم ايهم لهم ايقاع خاص وتحس انه يشارك الكاتب ثلاث ارباع فكرة موضوع ؟؟ الاول طبعا هذا اذا قلنا في اضيق الحالات وتبي ترد مشاركه الكاتب موضوعه شي جميل ويعطي حماس انت جرب على نفسك قبل تسئل الناس عن الشعور هذا ... فيه اعضاء في المنتدى فعلا يعرفون يستغلون بساطه الرد والمشاركه ولكن يشاركون الكاتب موضوعه بطريقه تعطيه دافع وايضا مو بشكل مستهتر وبرضوه فيه ناس قمه في الروعه في ردودهم يسترسل في الرد ولا مانع عنده يكتب رد يقوم مقام الموضوع نفسه انا مانكر جهد احد ابدا فيه مبعدين كثير في المنتدى بشكل ماتتصورونه ولكن وين الي يعطيهم دافع اذا يكتب موضوع ويتعب عليه وفي الاخير يردون عليه عشره كلهم ماقروو الموضوع ؟؟؟ ولكن خلونا نرسم ملامح مملكتنا الخاصه فينا ونخلي المنتديات هي الي تستقي منا التجارب ونكتفي بتجاربنا في الحياة وجديدنا واخبارنا وايضا اضافتنا الخاصه فينا النقطه الثالثه والاخيره المواضيع المسروقه والمجيره باسم الكاتب صدقوني اخواني فيه ناس تسرق مواضيع ويجوني اعضاء ثانين يراسلوني فلان سارق الموضوع وماهو له وفعلا فيه ناس زعلو وطلعو من المنتدى لاني ماتصرفت مع المواضيع المسروقه ولكن ماودي احرج احد ابدا المقصد من كلامي هذا انه مو بس دكتور رائع ولا الادارة او الاشراف يقدرون يعرفون المسروق كل الاعضاء عندهم القدره فلا تخلي نضرة الاعضاء لك سلبيه لانه بكتشاف اخوانك الي حواليك انك تسرق المواضيع ماراح تلقا تجاوب على مواضيعك وراح تكون انسان منبوذ طبيعيا هذي طبيعه فينا كلنا -- سمعت وش يقولون ؟ وش يقولون ؟؟؟ دكتور رائع سرق موضوع وحطه لنفسه ... ماقد صارت لك الحركه هذي ؟؟ او ماقد شفت ناس نزلت اسهمهم والسبه سرقته للمواضيع ؟؟ بينما لو قررت انك تصيغ الموضوع بنفسك وتتعب فيه وتشارك اخوانك بشكل جدي ومع التكرار راح تلقا تجاوب وايضا ياخذون الاعضاء عنك فكره حلوه صدقوني حبايبي الموضوع هذا ليس امر او قرار ولكن كل ماحسينا في بعض وتشاركنا المواضيع الي نطرحها قدرنا نفهم بعض وبرضوه قدرنا نقرب من بعض بشكل حلوو ومفيد.. وخاص فينا حنا مو في اي احد خارج روائع حبيت افتح الباب هذا واعطيكم طريقه الابداع بوصفه سهله وبرضوه حبيت اصيغ مملكة روائع بشكل اخوي وواضح وبعيد عن القرارات الالزاميه لان كلنا في المنتدى خشينا عشان نستفيد ونتمتع ونقضي وقت وكلنا في مقدرونا نتميز ونميز روائع عن بقيه المنتديات بطرحنا ووجودنا وتواصلنا بشكل نموذجي حلووو يفرح الكاتب والمتلقي ويعطي دافع كبير للاستمرار والعطاء الموضوع ممكن فيه اغلاط او نقاط مو واضحه ولكن حبيت اكتب الموضوع بطريقه اني اتكلم لشخص حاضر قدامي فا تعايشوو مع الموقف هذا وراح تفهمون كل شي مافهمتوه اتمنى لاتحرموني ردودكم وتوصياتكم وبرضوه تعلقياتكم على كلامي بشكل منطقي واخوي والي يبي يقول شي لايتردد ابدا في طرحه الله يوفقكم ويسعدكم وان شاء الله انكم الى الاحسن ماجد |
|
|
|
10-03-2008, 08:22 AM
|
#2 |
|
عضو نشيط
|
رد: دعوة للابداع
|
|
|
|
10-03-2008, 08:25 AM
|
#3 |
|
[ رموز روائع ]
|
رد: دعوة للابداع
وعليكم السلام والرحمه ..
احنا كويسين والحمدلله يارب .. بشرنا عنك يالغالي .. من أول حرف لآخر حرف كتبته الله يعطيك العافيه .. وبصراحه انت وباقي الاخوان والاخوات ما قصرووو .. بس التنبيه لابد من توافره بيننا ليتم الرقي والوصول لأعلى القمم .. فلا مانع من التطور .. أما أنا فمن وجهة نظري .. انو في ناس كثير وبعيد عن التخصيص تكتب ردووود ترفع الضغط مثل يسلمووو مشكوره .. وكثير الاقي رد واحد لنفس العضو او العضوه منتشر فكل مكان .. لدرجه أحس بالغبنه .. ولمن أحصل واحد يشاركني الرد فعلا أحسه قاري الموضوع من اوله لاخره .. وانا يعجبني المستقل بشخصيته .. الك حق تنبه يا الغالي ولنا حق نرضيك .. انا من ناحيه المواضيع المسرووووقه هذي تحصل وبالهبل .. لكن هنا يرجع الواحد لضميره .. وحلو ان الشخص يكتب موضوع من قلمه هو ومو من غيره بس الناس قدرات .. مع العلم اني انزل مواضيع من قلمي <<<<< بتعلمك يا دووك كلامك عين العقل .. وانا اكثر شي يرفع ضغطي الرد التقليدي والاغلبيه يرد مرور الكرام عشان سرفع مشاركته بسرعه .. ترا يا جماعه احما داخلين نستفيد ونتثقف والله ونشارك بعض الفرحه والبسمه والألم .. ولا تنسون اننا محاسبين عالحرف الواحد .. والله ولي التوفيق .. اشكر لك حروفك الراقيه عزيزي ماجد .. |
|
|
|
|
10-03-2008, 08:55 AM
|
#4 |
|
[ مراقب كوكتيل روائع ]
|
رد: دعوة للابداع
الأكثرية من الأعضـاء تكون لهم نفس الأفكار ولو كان الإختلاف بسيط بعض المواظيع تكون هينـا رغم نقلها لا نبخس فـائدتها والمرجوه منهـا فـ احيانا يكون المنقول انفع من المكنوب من بنات الأفكار وهذا لايمنع الإلزام على النفس بـ الكتابه لـ تجارب سواء شخصيه لـ نفسه او تكون لـ من حـوله فـ بين اليوم والأخر تحصل آلآف المواقف العشوائية لكن بـ الترتيب وفن الصياغه تكون فـ الدرجه الآولى لو اتينا لـ بعض الردود احيانا ببعض كتاة المواضيع او الردود وتعقيبك على موضوع لأحد الأعضاء يأتي التعقيب على ردك بـ التحطيم وهذا حاصل بجميع المنتديات غير مقصور على الصرح الروائعي فـ العبض يكون داخلياً يحمل الكلام والتعقيب السليم والمرجو منه لكن يُخذل مع اول قطرة حبر وكأن القلم جف فـ يكون الرد تقليدي ولا يمكن ان نحكم انه لـ مجرد رفع رصيد المشاركات فـ مع مرور الوقت والتجم الأخوي لابد من الإستفاد والبدايه ومعرفة الصياغه لـ الردود وإنشاء المواضيع وكثيرا ما يبدء العضو كـ الأطرش بـ الزفه من حيث الترتيب الصياغه فـ مع مرور برهه من الوقت نراه فأعلى سلالم الإبداع فـ الوق مهم لـ كل من اراد الرقي لو تكلمنا عن المنتديات بشكل عام وروائع بشكل خاص لـ وجدنا ان روائعنا يحمل كثر من الأقلام مكن العيار الثقيل وترتسم البسمه على محيا الجميع لـ مروره وتعقيبه لـ موضوع العضو وفيه من هو العكس .. روائع تكمل كتاب ومبديعن وهذه هي الروائع تستقطب بين الوقت والأخر اعضاء يضعوا بصمة إبداع منذ الوهله الأولى لهم وارض خصبه تنتج منها كثير من المبدعين امنياتي بـ التوفيق للجميع ولـ روائعنـا بشكل خاص .. الف شكر لك ماجد وإنشاء الله من رقي لـ رقي |
|
|
|
|
10-03-2008, 10:17 AM
|
#5 |
|
●..Mά∂èмŏşάĽĽè şάмά..●
|
رد: دعوة للابداع
يعطيك العافية خيوو ع الموضوع وصدقت في كل كلمة كتبتها بس لما تنزل موضوع سواء من كتابتك او حتى منقول وما يكون فيه تفاعل من الاعضاء او حتى تكون الردود تقليدية وعليها ختم العمدة كما يسمية البعض ( يسلموو ) اقسم لك يقتل الابداع والحماس فيه كم موضوع مروا علي من ابداعات اعضاء بس تتفاجاء بان ردود الجميع ثناء معتاد وما فيه تفاعل بالموضوع ولو اطلعنا على قسم الشعر والخواطر نرى جميع المواضيع اللي هي من بوح الاعضاء لا تتعدى الردود فيها 5 واذا حصل تفاعل 7 ردود اما من ناحة نسب بعض الكتابات والمواضيع لغير اصحابها فهذا سلب لابداع اخرين وثمرة عقولهم فلابد ان يكون في البداية رقابة ذاتية ورادع لمثل هالامر لا اريد ان اطيل اكثر لكن ثق اذا حدث تفاعل سيحدث ابداع واتمنى ان يصل الموضوع الى مبتغاه المنشود دمتم متميزين  |
|
|
|
|
10-03-2008, 11:10 AM
|
#6 |
|
من كبار روائع
|
رد: دعوة للابداع
بسم الله الرحمن الرحيم ..
مساك الله بالخير اخوي ماجد .. بدايه اكثر من رائعه اخوي ماجد .. باذن الله ستكون هذه اللبنه الاولى لعودة الكتابات الروائعيه المعروفه .. وتبي الصدق اشتقنا للكتابات الروائعيه .. اشتقنا نشوف موضوع يقول واحد انه كاتبه .. باذن سنراها في روائع .. لكن بعد الدعم المعنوي والمؤازرة المنشودة من الادارة وطاقمها .. ولكن لازم نصبر لان التغيير يبي له وقت .. فمثلا بيجيك واحد يقول انا ما اعرف اكتب موضوع .. كيف اسوي .. يعني ما انقل .. ولا انزل مواضيع بالمنتدى ؟ بنقول اصبر على الاعضاء وباذن الله من لديه القدرة سيحاول تجرييئ من فقدها .. والمساله بسيطه جدا .. ضع فكره امامك .. واحضر قلمك وابدا اكتب كل شي تعرفه عن ذلك الموضوع وهذه الفكرة التي امامك .. كل شئ .. وبعدين ابدا بترتيب الافكار والمحاور في الموضوع .. وقدم واخر فيها .. وهذا كله يحتاج وقت وما يجي الا بالممارسه والتعامل المرن .. وبعدها ضعه امام اخوانك في المنتدى .. وباذن الله يتم تصحيح الاخطاء ان وجدت .. وبعد اكثر من محاوله ستجد نفسك باذن الله تستطيع كتابه مواضيع لها وزنها وقيمتها وفائدتها .. وستكون من الاعمده التي يشار اليها في المنتدى .. ولكن المساله مساله وقت وباذن الله سنرى جميع من في المنتدى يكتبون من ابداعاتهم المكنونه .. هذي وصفه سريعه لطريقه كتابه المواضيع .. !! ... ولكن بعد ما يكتب العضو موضوع بنفسه ويجد الردود مشجعه .. سيحاول ان يرد على الاخرين بنفس الردود وبهذه الطريقه ستتلاشى ظاهرة ختم العمده .. وكل واحد يجرب الاثر السلبي لمثل هذه الردود سيحاول تجنبها .. وذلك من مبدا : عامل الناس بمثل ما تحب ان يعاملوك به .. لان مثل هذه الردود تقتل الابداع وتثبط الهمه وتصيب بالبرود .. فوالله ما راح اسهر الليل وانا اكتب لي موضوع .. وبالاخير يجي واحد .. مسوي اقتباس للرد اللي قبله .. وناسخه لي .. هذا لو ما يرد احسن له .. يمكن ما احد يعرف عنه شي .. اما يرد بهالردود والمراد كله .. زيادة المشاركات .. هذا اجحاف .. ولكن مثل ما قلت مع الوقت ومحاوله الاعضاء بطرح كتاباتهم .. ستزول هذه الظاهره وستنمحي من ارض روائع المبدعين .. .... وأما بخصوص المواضيع المسروقه .. ما أقول الا اللي عنده ضمير وواثق من نفسه فلا ينسب عمل الغير وجهده لنفسه .. وباذن يتم تحاشي هذه الظاهره المشينه .. وباذن الله نرى روائع صرح يشار اليه باعضاءه المميزين بكتاباتهم .. والله يعطيك العافيه اخوي ماجد ارق تحيه |
|
|
|
|
10-03-2008, 12:33 PM
|
#7 |
|
من كبار روائع
|
رد: دعوة للابداع
وعليكم السلام..ياهلا والله بااخوي الدكتور مـــــــاجد...
حياك الله بدعوتك الحلوة لي إبــــــــــــداع رائـــــــــع في منتدانا ومملكتنا روائــع. ودعـــوة حلوووة للاعضاء لكي يبدعووون ويعم الحمـــاس والتنافس.. على الافضليـــة في كتابة وتنزيل المواضيع..المفيدة..وخاصة لمن تكون من العضو... يعني من ابداعاته.. ولكن في نقطة انة اللي يردوون على المــواضيع ينعدوون على الاصابع..ومعروفيـــن... بشكل دايم ومستمــــــــــر.. يعني نفسهم..الاعضاء تلاقيهم بكل موضوع.. وفي اعضاء مايدخلووون الإ اقسام معينــــــــــــــه.. بس من جد اتمنى من كل قلبي يكون لكل عضووو قلم مميز في ابداعته... وان شاء الله بنكووون قدهاااا.. ونحــــاول,,بكل مانقدر لكي نبـــوح بكل مانعرفه ونحــــسه... فشكـــرا لك على الدعـــوة... |
|
|
|
|
10-03-2008, 01:56 PM
|
#8 |
|
::+: عـضـو مـمـيـز :+::
 |
رد: دعوة للابداع
فعلا يادكتور ماجد عرضت طريقة الابداع بوصفة سهلة
تحياتي واحترامي لك يادكتور |
|
|
|
|
12-03-2008, 01:40 AM
|
#9 | ||||||||||||||||||||||||||||||||||||||||||
|
المشرف العام
|
رد: دعوة للابداع
اول شي اشكر لك مرورك الجميل والي اضاف شي جميل للموضوع بخصوص النقل المفيد والمميز مافيه اي ملاحظه عليه وشي صحي ولكن كلامي عن النقل بكثره والاعتماد بشكل كلي على النقل وفعلا روائع مصدر مفتوح المواضيع للزائر والعضوو
فغلا شي رائع ويعطي دافع وحماس بشكل غير معقول اتمنى ان الكل لا ياخذ موضوعي على انه من اداري الى عضو ولكن هي وجهة نظر شخصيه حبيت اشارككم بها بشكل مفيد اشكر مرورك اختي قطره وان شاء الله ربي يطرح الخير والبركه في الجميع |
||||||||||||||||||||||||||||||||||||||||||
|
|
|
|
12-03-2008, 01:45 AM
|
#10 | |||||||||||||||||||||||
|
المشرف العام
|
رد: دعوة للابداع
هلا وغلا مافيا قير كلام جميل جدا لو تغيرنا كلنا مره وحده بنستغرب الوضع او بيصير وضع غريب علينا مره ولكن الامور تجي تدريجي الانسان يمر بمراحل تطور اذا حاول يصقل نفسه بشكل سليم فيه ناس مبعدين وفيه ناس تكتب ولكن ليه يصيرون قله قليله ؟ لابد نشاركهم الابداع والتميز وهذا كان هدف موضوعي بشكل اخوي وودي شاكر مرورك وتعليقك وان شاء الله تستمرين متميزه مافيا يعطيك العافيه |
|||||||||||||||||||||||
|
|
|
النمط الخطي
