 |
 |
|
|
|
|
 |
 |
 |
 |
| ؟؟؟؟؟؟؟؟؟؟؟؟؟؟؟ | قـــــريـــبـا | قـــــريـــبـا | قـــــريـــبـا |
|
|
|
|||||||
| التسجيل | الأسئلة الشائعة | قائمة الأعضاء | التقويم | جعل المنتديات كمقروءة |
 |
|
|
LinkBack | أدوات الموضوع | أنماط العرض |
15-03-2008, 09:55 PM
|
#1 |
|
عضو متميز
  |
ياخادم الحرمين جرب تكون مواطن مثلي..... موضوع وصل صيته خارج اسووار المنتديات
بسم الله الرحمن الرحيم حبيت اليوم أوجه رسالة للوالد القائد خادم الحرمين الشرفين (حفظة الله وأطال في عمره) من واجبات الأبووووه أن الأب يستمع لصرخات أبنه وضمه على صدره وإذابة كل آلامه والملك زي ابوي،، لأحد يتدخل بين أب وطفله @ @ @ @ @ @ ابشرك يا خادم الحرمين الأسعار مضبوطة والمواد الغذائية متوفرة ما نقصنا بس إلا الخبز يرفعون سعره وخذ عندك بعض الأسعار قشطة المراعي صارت 4 ريال حبة المظبي 22 ريال الكفرات ارتفعت 30 بالميه الأدوية 25 بالمية تخيل يا خادم الحرمين جبن كرافت والمراعي السايل ارتفع طيب وش نسوي لبزارينا المشكلةيقدرون الكرافت السايل مع الصامولي الببسي صار 20.5 والأيجارات أرتفعت وقسايم المرور زادت الحمدلله على النعمه أمن وآمان الله لا يغير علينا حتى رز ابو كاس ارتفع لا وازيدك من الشعر بيت رزمة الكراث والبصل صارت بريالين شفت شلون حنا بنعمه @ @ @ بس تكفى كلمة راس.. ما ودك.. تنزل رواتبنا شوي.. عشان.. نبني للأردن 70 الف وحده سكنيه ثانيه ونعطي لبنان مليار ونص دولار ونرسل لمصر المعونه السنويه تعرف ماشاء الله حنا.. من كثر الفلل التمليك.. الناس صارو يأجرون ببلاش ممكن طلب طال عمرك.. ابي سلف 12000 ريال عندي دين اسدد فيه لي سنه ولا خلص.. كل شهر 500 ريال الله يرحم حالنا والله.. @ @ @ ابشرك طال عمرك قبل كم يوم حطم سعر برميل البترول الرقم القياسي وصار يباع بـ 99 دولار ورصيدي أيضا حطم الرقم القياسي في نفس اليوم وصار فيه 17 ريال الحمد لله شفت كيف أنا بخير @ @ @ أحب اطمنك صرنا نسوي رجيم غصب عنا تعرف اللحم ما عاد نعرفه حتى الدجاج ما عاد نأكله صرنا رشيقين تسمع بالكرش ما عاد نشوفها تسمع بالبطن اللي لاصق في الظهر يوووووه في كل مكان نشوفه نم قرير العين الشعب بخير لاتتعب نفسيا ودور في النت توأم تفصلهم توائمنا ليش ينفصلووو صلة الرحم زينه خلهم يتشابكون طول العمر يمكن لو فصلناهم يتهاوشون ويفترقون خلهم متشابكين في جسد واحد الله لا يغير علينا @ @ @ ابشرك طال عمرك شعبك تطور استبدل البكاء بطعم الملح ببكاء بطعم الدم آآآآآآآآآآآآآآه يا حلو مذاقه ودك تجربه؟؟ انا أقولك وشلون نظف منزلك من حليب الأطفال نظف جيبك من الفلوس نم ومخباك فاضي خل زوجتك تصحيك من النوم قبل الفجر وتقولك أن طفلك ما عنده حليب دق الشماغ ولف على جيرانك دور سلف.. علشان تشتري حليب لطفلك الجميع بيطردك لأنهم طفارى انس انك ملك وأرجع للبيت بتدخل على أنغام بكاء طفلك عندها ستحتقر نفسك وانت عاجز عن اشباع طفلك عندها ستكره اليوم اللي انولدت فيه عندها ستكره اليوم اللي انولد طفلك وصرت مسؤول عنه عندها ستضمه وستبكي من القهر ستنزل دموعك وتحس بطعم الدم في حلقك @ @ @ تذكر طال عمرك يوم حنا صغار وش كانو يقولون لنا كانو يقولون الرجال ما يبكي عيب تطلع دموعه صرنا نصيح عادي البكاء صار ملازم لنا والسبب كومة لحم (أطفال ونساء) في رقبة الواحد يبكي لأنه عاجز عن توفير الحياة الكريمة لهم @ @ @ بس ودي أقولك شي قبل ما أروح أصيح تدري وش معنى الرجل يبكي قدام زوجته وأطفاله معناها تساقط كل قيم الرجولة اللي تعلمناها في طفولتنا معناها إحساس المرأة بالانكسار وعدم الأمان معناها خنوووووع ما بعده خنووووع للظروف القاسية اللي وضعنا فيها معناها أمور كثيرة ما راح تفهمها.. المرسل أبنك: المنتف والملحط رب أسرة وأسر مثلي كثر للأمانه منقوول لكن عندي اسألهـ ودي تجاووبون عشان اعرف مدا صحت المووضوع الي اانا ناقله ولي واصل صيته خارج اسووار المنتديات ..!!! 1\ هل فعلاا حلاا اوو حال مجتمعنا او خلوونا نقوول الأغلبيه من مجتمعنا من حال نفس المرسل !؟ 2\ انت بوجهت نظرك وش الي وصلانا لذا الحال !!و وش الحلول الي تشووفها ؟ |
|
|
|
15-03-2008, 09:58 PM
|
#2 |
|
[مشرفة بنك المعلومات]
 |
رد: ياخادم الحرمين جرب تكون مواطن مثلي..... موضوع وصل صيته خارج اسووار المنتديات
ارتفاع البترول
/ |
|
|
|
|
16-03-2008, 05:19 PM
|
#3 | ||||||||||||||||||||||||||||||||||||||
|
فتاة لن تتكرر
|
رد: ياخادم الحرمين جرب تكون مواطن مثلي..... موضوع وصل صيته خارج اسووار المنتديات
كلااامـ يعوور القلبـ
الله يكونـ بعونه من جد الحمدلله ع النعمة
كثييير حالتهمـ مثله وأقلـ هذا عندهـ بييتـ يأويه غيره ماعندهمـ
كلـ واحد همه نفسه ووبس يعني أهمـ شيء يكونـ هو عايش وماله دخلـ كانوا الباقيين حيين أو ميتيين كفااية كلامـ وزير التجارة ( الظاهر إنه وزير التجارة مو متأكدة ) لما رفعوا سعر الرز وتقابلوا معه قالوا لييش غلا سعرهـ قالـ الناس طبقاتـ مب لازمـ كلكمـ تاكلونـ رز ومب لازمـ كلكمـ تاكلونـ من السعر الغالي الي مايقدر ياكلـ رز ياكلـ خبز بالله هذا كلامـ واحد يقدر أوضاع الناس الثانين طيبـ الي عندهمـ بزرانـ ومايقدرونـ يستغنونـ عن الرز وش يسوونـ وإلا أهمـ شيء إنتـ تملي بيتكـ وسفرتكـ من جميييع أنواع الأكلـ حتى لو ماكنتـ تاكلها المهمـ تتفرج عليها وفي النهاية ترمى بالزباالة تسلمـ ع الموضوع الحساس والحمدلله ع النعمة الواحد مايحس بالشيء إلا إذا فقدهـ ومن شافـ مصيبة غيره تهونـ عليه مصيبته الله يـ ع ـطيكـ العافية ولايحرمنا جديدكـ |
||||||||||||||||||||||||||||||||||||||
|
|
|
|
16-03-2008, 05:43 PM
|
#4 | ||||||||||||||||||||||||||||||||||||||
|
!!بنــت الطنايا!!
|
رد: ياخادم الحرمين جرب تكون مواطن مثلي..... موضوع وصل صيته خارج اسووار المنتديات
بصراااحه كلامه صحيح مااحد يقدر ينكر هالشي
كان الله بعونه
والله هذا الواقع ليه ننكر هالشي ارتفاااع السلع مستمر والغلاء بارتفاااع والتجار اكيد ماهمهم المستهلك اهم شي ارصدتهم تتعبى من هالدارهم وين يحسون بهالمسااكين الجشع والطمع عماهم وطبعا مافي رقيب عليهم
اقالو وزير التجاره ومفترض من زمان لان لقاءته تغيض الي مايغيض واقيل ليه بسبب احتجااج العالم على الاوضااع المتدهوره يعني لازادو الرواتب زداو بااسعار السلع وش الفايده اجل الحل عند اصحااب الحلول لكن مااظن لهالحال حل كان الله بعون المساكين وياليت يكون فيه حلول مشكور اخوي على الموضوع |
||||||||||||||||||||||||||||||||||||||
|
|
|
16-03-2008, 08:37 PM
|
#5 |
|
عضو متميز
|
رد: ياخادم الحرمين جرب تكون مواطن مثلي..... موضوع وصل صيته خارج اسووار المنتديات
وانا بقول رآيي
هذا كلام واحد يقول :للمساعدات اللي تروح للي حولك هذا شي غصب عنا لازم تكسب امان اللي حولك !!؟؟؟ اي امان يالغالي يعني اذا ماتبرعنا للي حولنا بنروح فيها لا والله ماضنيت مع احترامي لك المفروض المساعدات اللي تروح برا السعودية تروح للشعب عشان يقدر يوقف ومن ناحية الامان من البلدان اللي حولنا ابن امهم يتكلمون فينا بس فك لك حارة غليل ولا الكرنتينا ولا غيره قسم انهم يمسحون ولايه كامله من الخريطه ومن وجه الارض اما اذا الشعب طايح ومضغوط من كل الجهات ما ضنيت اننا بنكون بأمان ومن ناحيتي وربي اني ماني بحاس بأي امان ان جيت بتطلع برا لمشوار تشيل هم المرور مافي الا قوة قسايم وان جيت بتشتري شي تشيل هم الاسعار كل يوم يزيد عن اليوم اللي قبله وان جيت تبي تتمشى قسم انك تشك في نفسك تفاتيش وقوة تفتيش في السيارة كنك مهرررب وان جيت تبي تجلس في البيت إلا والمويه مقطوعه وان جيت تبي تدخل موقع حبيب قلبي رابح صقر او منتدى روائع تلقى النت ((مفصول)) (*40) طيب الواحد وش يسوى وحنا على ذا الحال لو تفكر شوي تحس انك في تــابـــوت ماتدري وش تسوي ماتدري وين تروح وهذ الكلام من وجهت نظري انا ومن ناحيت الخوف ماعاد في خوف والله النفس طابت من كل شي اخوكم الســــ نجدي ــــــيف |
|
|
|
|
16-03-2008, 08:40 PM
|
#6 |
|
عضو متميز
|
رد: ياخادم الحرمين جرب تكون مواطن مثلي..... موضوع وصل صيته خارج اسووار المنتديات
يعطيكم الف عافية يالغالين على مروركم وردودكم وابداء رايكم
ودمتم بألف خير يالغالين اخوكم الســــ نجدي ـــــيف |
|
|
|
|
16-03-2008, 09:05 PM
|
#7 | |||||||||||||||||||||||
|
{_"مشرفه النقاش والحوار"_}
|
رد: ياخادم الحرمين جرب تكون مواطن مثلي..... موضوع وصل صيته خارج اسووار المنتديات
اول شي الف شكرا لاتكفي ياالنجدي ,, ثانيا لاتغضب مني لاني استغربت ان يصدر منك كلام بهذا المستوى فانت ارقى بكثير وعندما نزلت الى اخر الموضوع عرفت انه منقول هو نقـل مفيد من جهة وسيئ لصاحب وكاتب الموضوع .. لان في عباراته تهكم وسخريه , نعم الاسعار ارتفعت ولكن يتوجب علينا عندما نخاطب والدينا حتى وان كنا بلغتنا (( نمــون عليهم )) لانخرج عن كونهم اصحاب سلطه وفضل وانا اعذر الكاتب فحرقه دمه على لقمه عيش لأولادة هي السبب .. الله يرحم الحال 1\ هل فعلاا حلاا اوو حال مجتمعنا او خلوونا نقوول الأغلبيه من مجتمعنا من حال نفس المرسل !؟ كل المجتمع بدون مبالغه 2\ انت بوجهت نظرك وش الي وصلانا لذا الحال !!و وش الحلول الي تشووفها ؟ وصلنا لهالحال - بسبب التباين بين مستويات الافراد .. - بسبب عدم اخـــراج زكــــاة الاموال وهذا السبب الرئيسي بنظري حلول لاتوجد حلول الا بالدعااااااااااا .. وبالنظر ة الصادقه لحــال الشعب اشكر اخي واعذرني على الاطاله |
|||||||||||||||||||||||
|
|
|
|
17-03-2008, 01:35 AM
|
#8 |
|
{_"مشرف عجائب وغرائب"_}
|
رد: ياخادم الحرمين جرب تكون مواطن مثلي..... موضوع وصل صيته خارج اسووار المنتديات
الله يفرج هموم المسلمين
((((((((((((( لا تعليق ))))))))))))))))) يعطيك الف عافيه اخوي نجدي |
|
|
|
|
17-03-2008, 01:54 AM
|
#9 |
|
ياهلال عزك عزنا
|
رد: ياخادم الحرمين جرب تكون مواطن مثلي..... موضوع وصل صيته خارج اسووار المنتديات
اخوي السيف النجدي وفيت وكفيت
ويارب الرساله توصل لخادم الحرمين الشرفين واللره انا نعاني من ارتفاع الاسعار اللي هلكتنا وهلكت حتى الشياب بعضهم ماعنده غير الله ثم الصمان الاجتماعي 700 ريال في الشهر وبعد الزياده صار 800 هذي وش تجيبله بعد غلا الاسعار يالله تجيبله كيس رز وكيس طحين حنا نص ايرادات الدوله تروح للخارج ليش وحنا اولا نتبرع ونبي دول وتجي دول ثانيه وتخرب ونجي نبني من جديد ليمتى وحنا على هالحال المشكله في التجار الكبار المسؤلين الكبار تصدقون حتى الحلاقه زادت سعرها حنا امنا في الله ثم في ابونا عبدالله لتخفيض الاسعار وتشكيل لجنه عاجله للحد من التلاعب بالاسعار وختاما نسال الله ان يديم علينا نعمة الاسلام والامن والامان وان يحفظ لنا ابو متعب ويطول بعمره واعذروني على الاطاله ودمتم |
|
|
|
|
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | |
|
|
|
|
تبادل نصي مع منتديات روائع
وفي نت |
وجوه تعبيريه |
ضع نصك |
العاب باربي |
العاب بنات |
ضع نصك |
ضع نصك |
ضع نصك |
ضع نصك |
دردشة
ضع نصك |
اغاني |
ضع نصك |
سحر الغرام |
استضافه تصميم |
ضع نصك |
ضع نصك |
ضع نصك |
ضع نصك |
ضع نصك
 |
 |
النمط الخطي
