((° عضــــــــــو تحـــت المجهـــــــــــر(مجــــدد) ° ))

حــ الـكـون ـلا · 15-04-2008, 09:42 PM

هههههههههههه

تنهي إنتمـ شريتوا جح وإلا مابعد (*10)

جح الي هو البطيخ أو الحبحب ممممم فاكهة لونها من برا أخضر ومن جوا أحمر وفيها حبوب بنية ماتنوكلـ
وهي فاكهة صيفية

صالح
خذ راحتكـ ان شاءالله تجاوبـ بعد شهر ماورانا شيء مب مستعجلينـ

والله يعطيكـ العافية

tinhi16 · 15-04-2008, 09:46 PM

ههههههههههههههههههه

ايه عرفتها حلا هههههه بس اسمها حلو عندكم هههههههه جح هههه

حــ الـكـون ـلا · 15-04-2008, 09:49 PM

ههههههههههههه

تنهي انتمـ وش تسموونه؟!!

بنـت مطـير · 16-04-2008, 11:24 AM

هلا باخوي صالح
حشى ماخلوا سؤال الا قالوه هههههـ
عندي كم سؤال ممكن اسدحهم>>يمديكم ع الادب(*35)

اسئله تتعلق بالمنتدى

اكثر شي يعجبكـ بالمنتدى؟
أكثر شي يزعجكـ بالمنتدى؟
من برايكـ
صاحب افضل ردود؟
صاحب افضل مواضيع؟
شخص تحسه قريب من طبعك
شخص مو فاهمكـ؟

اسئله عامه
شنو مواصفات فتاه احلامكـ؟
حلم تتمنى تحقيقه؟
ثلاثة أشياء تتمنى زوالها من الكرة الأرضية ؟
ما هي اللحظة التي تشعر فيها بقمة السعادة

وبـــس(*19)

صـالح · 16-04-2008, 04:34 PM

عدنا << آآخر عودة مب راااجعة مرررة ثااانية قسمـ (*10)

هههههه لاعادي وش دعوه . الله يحييك بأي وقت (*37)

بس لي تعليييق على أجوبتكـ الي على أسئلتي

ههههه الله يستر (*16)

أولـ شيء الرابط الي حطيته راابط صورة قطوة (*15)

ههههههه خلاص عدلته(*33)

ثاني شيء كييفـ ماتأقلمتـ نفسياً؟!!

من ناحية التأقلم فمن الطبيعي إن الإنسان إذا كان يتعامل مع الناس بكل بساطه وإحترام وبالنهاية يتفاجأ أن فيه ناس تحفر له بدون اي سبب وإنما نتيجة حسد وغيره فلذلك انا اضطريت اني احط بعض الحواجز عشان محد يفسر اي تصرف يصدر مني على كيفه ولما انا احط حواجز راح يتغير اسلوبي وماراح اقدر ارتاح لأن التصنع طول عمره مايطلع بنتيجه او يخلي الواحد فعلاً يرتاح نفسياً طالما إنه يتكلف او يصير رسمي في بعض الاحيان . بالإضافة إلى إني شفت ناس متغيرين علي بعد مارجعت مع غن عددهم قليل مره ومادري والله وش المبرر بس تجاهلتهم لأنهم ماكانوا يستحقون اساساً الإحترام اللي كنت مقدمه لهم بالأيام الماضية .
هذا طبعاً نفس ردي على أختي تينهي . وحاب اضيف إني اتمنى إن اي واحد عنده شي او واصله كلام عني وماشي على الكلام اللي جاه إنه يتأكد مني شخصياً ويتثبت ويحاول إنه يعرف الحقيقة مو إنه يسوي حركات من تحت لتحت او يلف ويدور لأني شايف مجموعة طبعاً قليلة مره يسوون معاي حركات بس مابينت لهم إني فاهم شي لأن تفكيري وإهتمامي اسمى من إني افكر بتفاهات او ردود فعل جايه من مجرد كلام لايقدم ولا يأخر (*40)

ثالثـ شيء

أجب عن الأسئلة الآتية << حشى اختبااار

هههه طيب بجاوب بس الله يستر (*16)

- تدخن؟!!

يس

- تفحط؟!!

سابقاً يوم كنت بالثانوي كنت افحط بس لما اشوف الشوارع فاضية ومافيها تجماعات يعني عكس الناس افحط عشان افلها واتعلم بس بدون ما اضر احد او يشوفني احد << عليك تفكير بعد هههههههه اما الحين فأنا ما افحط متعمد بس مرات وانا مستعجل عادي ادخل اللفه بسرعه واخلي السيارة تاخذ له كم ثانيه تمشي على جنب وبس خخخخخخ

- جريدتكـ المفضلة؟!!

تقدرين تقولين الرياض

- تحافظ ع الصلاة في المسجد؟!!

الجد إني حريص على الصلاة بالمسجد بس مرات يغطني النوم ومرات اجلس على النت ويخلصون من الصلاة وبعدها اصلي بالبيت والله يهدينا يارب .

- أحلى مرحلة فعمركـ؟

المرحلة هذي حلوه مع إني بديت امل أكثر من أول يعني قبل كم سنه كان الوضع احلى شوي

- الأكلة المفضلة بالنسبة لكـ؟!!

مافيه شي محدد بالنسبة لي . كله واحد لأني مو حق تنويع بالاكل أو طلبات معينه

- لو كانوا بينتدبونكـ وش البلدة أو المدينة الي تحبـ تنتدبـ لها ( طبعاً داخلـ السعودية )؟!!

الشرقية حلوه

- وش تحبـ الطلعاتـ و الروحاتـ و الجياتـ وإلا جلسة البيت؟!!

جلسة البيت

- تمـ تعيينكـ مشرف على قسمـ النقاشاتـ لييش احترتـ هالقسمـ بالذاااتـ؟

لأني اول كنت احب اناقش واوسع مداركي بشتى الطرق بس لاحظت إن البعض يتمسك برايه ويحاول إنه يخوض معاك بجدال عقيم فلذلك ماصرت احرص زي اول يعني الحين لو خيرت بين النقاش وأي قسم اشوفه يناسبني لأخترته وتركت النقاش

-إذا كانـ عندكـ موضوع مهمـ, تاخذ القرار بنفسكـ وإلا تشاور أحد ثاااني؟

لا بالعكس لازم اشاور اذا كان الموضوع عام ومو خاص بس فيه مواضيع اعتبرها خاصه ومقتنع فيها فلذلك ما احب اشاور فيها احد بالذات لاصرت مقتنع منها وواثق بأني على صواب بإذن الله لأن الرسول اللهم صلي وسلم عليه يقول (اقضوا حوائجكم بالكتمان ) وبعض الناس مهما كان قريب منك ماودك يطلع على بعض الامور الخاصه .

- إذا كااان عندكـ مشواار طويييل في السيارة وش تقعد تسوي في الطريق طبعاً غير السواقة (*16)؟!!

اشغل نفسي بمسجل السيارة

- كمـ ساعة تنامـ في اليوومـ؟!!

مرات اسحبها الى 12 ساعه ومرات 6 ساعات بس تراني نوام شوي خخخخخ مع العلم إنه اذا كان عندي شغل فأنا ما اهتم بالنوم ولله الحمد على حساب شغلي

- وش رااايكـ بالإندومي (*10)؟!!

هههههههه قالوا لك شغالة انا خخخخ(*16) >> والله مدري عنك شكلك مدمنه اندومي هههههههه

- شريتوا جح وإلا مابعد (*33)؟!!

ههههههه مابعد طلع عندنا بس يمكن حق جيزان بدأ يوصل وإن شاء الله بعزمكم على كم جحة هههههههه

- سؤالـ تمنيته أحد يسألكـ ومحد سألكـ إياهـ؟!!

مافيه والله سؤال اتمنى إن احد يسألني اياه لأن اللي في بالي وخاطري كلها اشياء غريبه مستحيل تطري على بال اي عضو هههههههههه

ومعليش ع الأسئلة
ادري زودتها بس الشكوى لله
وتسلمـ على رحااابة وسعة صدركـ (*40)

ههههه لا بالعكس والله اختي حلا وفيتي وكفيتي وماقصرتي اخت وعزيزه .. والله يحييك بأي وقت (*37)

صـالح · 16-04-2008, 05:04 PM

هلا باخوي صالح

هلا والله وغلا اختي بنت مطير

حشى ماخلوا سؤال الا قالوه هههههـ

هههههه هروني على قولت اختي نجد هههههه(*33)

عندي كم سؤال ممكن اسدحهم>>يمديكم ع الادب(*35)

ههههه الله يستر من اسئلتك ولا هين الادب ههههه(*33)

اسئله تتعلق بالمنتدى

اكثر شي يعجبكـ بالمنتدى؟

المرونه بين الأعضاء والتفاعل الكبير سواء بالردود او بنقل المواضيع

أكثر شي يزعجكـ بالمنتدى؟

مافيه شي يستاهل الذكر بس اكره التحزبات وإحتكار الردود على اشخاص معينين وبرضه وجود حزازية او بمعنى اصح حساسية من بعض الاعضاء اتجاه بعض التصرفات لأننا بمنتدى واللي بيننا كله كتابة قلم فلذلك ماودي إن البعض يكون اي صورة عن اي شخص إلا بعد مايعرفه شخصياً اما من خلال المشاركات فالحكم انا اعتبره صعب للغاية

من برايكـ

صاحب افضل ردود؟

الحقيقة إن السؤال هذا محرج للغاية وصعب الإجابة عليه فلذلك أنا ملاحظ إن فيه مجموعة كبيره ردودهم دائماً تكون عقلانية ويحاولون إنهم مايكتفون بكلمة شكر لما يردون على الموضوع وإنما يبدون رايهم بكل صراحه ومصداقيه وبكل أدب وأبرزهم أخوي د. رائع وأختي حلا الكون

صاحب افضل مواضيع؟

والله اللي مواضيعهم كثير وحلوه أختي نجد واختي حلا الكون دائماً يختارون شغلات مميزه وتلفت الإنتباه

شخص تحسه قريب من طبعك

فيه بس احتفظ فيه لنفسي (*16)

شخص مو فاهمكـ؟

فيه بس مايهمني يفهمني ولا مايفهمني لأن اللي بيننا مجرد شاشة كمبيوتر ومايهم فهمه لي على كل حال

اسئله عامه

شنو مواصفات فتاه احلامكـ؟

اهم شي عندي الدين يعني تكون إنسانه متزنه وتعرف حقوق زوجها وماتثقل عليه وماتشغلنا فلانه عندها وفلان عنده . وبرضه الاخلاق الاخلاق وكررتها اكثر من مره لأني بجد اكره البنت او الولد اللي ماعندهم حسن تعامل واخلاق عاليه . وبرضه اللي قلبها طيب وما احب الحقود << هذي لو اقعد انا وياها يومين انتحرت ههههه وبرضه اللي سهل ينلعب عليها ويأثر عليها اي شخص سواء قريبات او صديقات او ماما خخخخخ وبرضه ما احب الزعول اللي اي شي يزعلها وهكذا الخ .. اما الشكل الخارجي فمن الطبيعي إن كل إنسان له طموح ومواصفات بس صدقيني ماتهم قد ماتهم الامور السابقة اللي ذكرتها ومن السهل التنازل عنها بالنسبة لي . وراح اوضحها لك عشان ماتقولين وش مواصفاتها خخخخخ بالنسبة للطول مابيها تكون اطول مني ولا اقصر مني بكثير يعني تكون قريبة مني بحدود 160 إلى 170 .. ويمكن هذا اهم شي عندي ويجي بعدها الشكل يعني تكون معقوله واقتنع فيها ومايهمني الجمال قد مايهمني الراحة النفسية وهكذا الخ ...

حلم تتمنى تحقيقه؟

اني امتلك بيت وإن شاء الله قريب بإذن الله بس خلوا بنك الإنماء يفزع معنا (*33)

ثلاثة أشياء تتمنى زوالها من الكرة الأرضية ؟

الحقد والحسد .... والأنانية ... وفقدان الامانة وأكل اموال الناس بالباطل بالخداع او الكذب وماشابه ذلك

ما هي اللحظة التي تشعر فيها بقمة السعادة

لما احسن علاقتي مع الله سبحانه وتعالى وأقوم بعمل خالص لوجه سبحانه بالذات لما اقف مع مظلوم او افزع له الخ ...

وبـــس(*19)

ههههههه مشكورة أختي بنت مطير على المداخله وإن شاء الله تكون اجوبتي حلوه رغم إني اكتب وما اراجع كلامي خخخخخ والله يحييك بأي وقت (*37)

москίηğβίяd · 16-04-2008, 05:17 PM

صآلح هوون وربـي مآدري كآن جيتك قبل ياعمي :)

نآويك في كم سـؤال أبي أحط كم شيْ في بالك تحت المجهـر <<-- أتمنىا فهمتني بـس أنطرحت خلآص

ولآ آنا عارفك زين ^.* يعطيكم العافيه على الموضـوعْ

صـالح · 16-04-2008, 05:22 PM

هههههههههههههههه هلا والله اخوي موكنق بيرد نورت والله وماقصروا الابطال هروني خخخخخخخخخخخ
لين ماخلوا ولا سؤال في بالك إلا جابوه ههههههههههههههههه
ومشكور والله على المرور بس إن خبرت لك سؤال عادي حطه ماعندك أي مشكلة(*37)

! شرشر ! · 16-04-2008, 05:57 PM

هلااااااااااا وغلاااااااااااا

صالح يالله حيه انا صراحه كانت فيه اسئله في بالي بس اللي قبلي ما قصرو كفو وفو

صراحه نورت الموضوع اخوي صالح واجوبه كافيه وافيه

الا تعال وش قصة الورده الحمرا مدري ليه من اشوفها اسلهم معها ابيها ترا هههههههههههههه

طيب صالح

س.. انت اخترت العسكريه يعني كان طموحك انك مثلا اذا تخرجت تدخل العسكريه والا جات صدفه
اذا كان جوابك لا وش كنت ناوي تبي تدخل قبل العسكريه ؟؟

بس يا صالح شفت سؤال واحد ما نبي نتعبك

صـالح · 16-04-2008, 06:24 PM

هلااااااااااا وغلاااااااااااا
صالح يالله حيه انا صراحه كانت فيه اسئله في بالي بس اللي قبلي ما قصرو كفو وفو
صراحه نورت الموضوع اخوي صالح واجوبه كافيه وافيه

هلا والله اخوي ابو الشواهر الله يحييك الموضوع منور بوجودكم والله (*37)

الا تعال وش قصة الورده الحمرا مدري ليه من اشوفها اسلهم معها ابيها ترا هههههههههههههه

هههههههه فداك والله الورده الحمراء وماتغلى عليك (*33) بس سالفتها إني حطيت صورة مضحكه لواحد وهو يضحك وسنونه متكسره خخخخخ المهم إن اغلب الاعضاء ما اعجبتهم وكل شوي معلقين على الصورة بضعهم يطلب تغييرها وبعضهم يقول شكلها مقرف هههههههه وفيما بعد احترت مدري وش احط وقعدت اقلب بقوقل وبالصدفة والله شفت هالورده واعجبتني قلت بحطها (*16)

طيب صالح
س.. انت اخترت العسكريه يعني كان طموحك انك مثلا اذا تخرجت تدخل العسكريه والا جات صدفه
اذا كان جوابك لا وش كنت ناوي تبي تدخل قبل العسكريه ؟؟

بالنسبة لإختياري فأنا اخترت العسكرية رغبة مني بصراحة وبذلت مجهود كبير حتى إني انقبل والحمدلله انقبلت بتوفيق من الله سبحانه وتعالى ثم جهود الوالد ... ولو ما انقبلت فأنا طموحي إني اواصل دراستي حتى احصل على شهادة الدكتوراه بأي طريقة كانت ولو كان المجال مفتوح عندنا وأمره سهل كان بذلت مجهود الحين حتى وانا عسكري بس الوضع حالياً يعتبر صعب شوي لأنه يحتاج واسطه ومو اي واسطه لأن المقاعد عددها مره قليل للي يبون يحضرون ماجستير وتجي عليها واسطات مايعلم بها الا الله (*10)

بس يا صالح شفت سؤال واحد ما نبي نتعبك

ههههه الله يطولي بعمرك وعادي وانا اخوك خذ راحتك ويشرفني مرورك يالغالي (*37)

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)