منت فاهم يااغلى من مر بعيوني ..
عاشقك سلّم امره للغرام ..
شفت فيك العمر .. يالقلب الحنون
من عرفتك .. وآنا عايش في هيام
انسى هالعالم ولو هم يزعلون
ماعطيت اليوم غيرت إهتمام
عجزت عيوني على غيرك تمون
ماعرفت انطق لغيرك بالسلام ..
لك انا خطوه .. وأوصل للجنون
بك ترى العاقل على عقله يلام
بك انا بافخر على العالم وأكون ..
أسعد اللي حب .. وأجملهم كلام

وينها عيونك ..
تعبت من الوله ..
ياحكايات الليالي .. في غلاك
كل شي اشتاق لك .. واشتقت له
وينك .. اشتقت لعيونك .. ياهواي
ليه نتعب في لقانا الأسئله ..
وين رحت .. وكيف .. مادامك معاي
جبت لك كل السنين الأوله
اللي تسأل عن لقاك .. وقلت جاي !
انت يااحلى هالغرام .. وأجمله
وش هو أجمل من لقاك انت .. ولقاي ..
بابتدي حبك .. عشان تكمّله
خذني مني .. وآخذك .. وأنسى عناي

بيدك .. ولا بيدي
لا ابتدي فرقا .. ولا اترجاك ياسيدي
لا حول انا حولي .. ولا قوّه ..
شوف انتَ وش في خاطرك سوّه ..
إنسى العتب إنساه .. والا إنسى مواعيدي
ياعاشق جنوني .. تتلذذ بجرحي ..
وقل النوم بعيوني ..
أحتاج لك .. وانتَ ولا همّك ..
وتنام .. وانا اللي محتمل همّك ..
طبعّك وأعرفه زين ..
تتسلى يامحبوبي ..
غيّرت انا اسلوبي .. كله لجل عينك ..
وتاه الحظ في دروبي ..
كل يوم اقول اليوم يتعدّل ..
هذا ولا انتَ راضي تتبدل ..
كل اللي أتمناه ..
ترحمني من ظنوني ..
يمديك تلقاني .. وتقول لي رايك ..
عسى عندك أمل ثاني ..
يمكن يكون الحل في موعد ..
وانتَ بكيفك .. لو تبي تبعد ..
أما انا باقول .. لو حبيت ..
إنساني ..

لا تواسيني .. بتصغير الألم ..
دامه بعيني .. وبإحساسي كبير ..
قل لي اني اكثر إنسان إنظلم ..
وإنك بتبقى .. بصفّي للأخير ..
لا تعاتبني .. على دمع وندم
لا تطلّعني بهاللحظه صغير
إفهم إحساسي .. ترى محد ٍ فهم
إني أكبر من شقى عمري كثير ..
كم عظيم ٍ صار من جرح وعظم ..
ياما كان الجرح .. دافع للمصير
ماحد ٍ من لوعة الدنيا سلم ..
بس يفرق مع هالجرح .. وش يصير
خلني اشكي وأعبر عن ألم ..
لا تقول اضحك .. انا توّي كسير
إبتسامه مالها عندي طعم ..
وش يفيد الكحل بـ عيون الضرير .. !!

لك رسلت الشوق .. جالك أو بعد !
ماهدا قلبي .. ولا لحظه قعد ..
كيف قلبك مستريح ..!
كون لو مره صريح ..
ماوقف دمعي .. نزل مثل المطر
كل دمع الناس .. من جفني عبر
كيف جفنك مستريح ..!
كون لو مره صريح ..
ماأهمّك .. !
قولها لي .. مو خطا
إرحم اللي ذوّب دروبه خُطا ..
لو سمعها يستريح ..
كون لو مره صريح ..
لا تجامل ..
لا تبرر بُعدنا ..
لك حياتك ..
لك امل غيري انا ..
هدّ حلمي .. بأستريح ..
كون لو مره صريح ..

دواك عندي .. والأظلم دايم البادي
والله لأوريك شي ٍ مابعد شفته ..
ماهو في صالحك .. يوم تجرب عنادي
الله من ريق ماينشف ونشفّته !
فرقاك عادي ترى .. وأقل من عادي !
انا من الله كذا .. لا عفت احد عفته ..
مانيب من يتبع للمقفين وينادي ..
ياعنك مااقفيت .. ماعيني بملتفته!
طوّفت لك .. لين شفتك حيل متمادي !
والحين ابرد لك كل اللي طوفته ..
بخلي عقلك بوادي ..وقلبك بوادي
وبيصادفك شي .. ماقد يوم صادفته ..

تحبني للحين ..
والا تناسيت ..
هذا اللي في غيبتك ماعرفته ..
اللي اعرفه شي اني تمنيت ..
انسى غلاك .. وكل ماانسى ذكرته
متعلق ٍ بالحب .. من يوم حبيت
حتى حبيبي الموت لأجلك وصلته
وإن كان بغيابك عليَ تغلّيت ..
إنتَ تراك أغلى من الحب أنتَ
بنيت انا في داخل القلب لك بيت ..
القلب بيتك وانت وحدك سكنته ..
ومااعتقد عنك في لحظه تخلّيت ..
حتى الزعل منك حبيبي عشقته ..

إشهر سيوف الجفا .. والبعد ضدي
اجحد عهود الهوى .. وإطعن بودّي
بتمشي طريقك ؟ ..إمشي طريقك ..
آخر خطاك عندي ..
لا أمر ربي .. القاسي يلين
لو تهب نسمة هوى .. صابك حنين
تدور الأرض .. تتبّع خطاه
ذاك اللي كان .. قربك ومناك
لا أمر ربي .. المعجز يكون
يخلق الله بين رمشات العيون ..
الجنون العقل .. والعقل الجنون
وين ماتبعد .. ترى قربي مداك

انا مقدر اكون أصدق من إحساسي ومن أشواقي ..
تبي تعرف كبر شوقي ..شوف عيوني وتكفي ..
إذا مايكفي اني اصرخ بإسمك داخل اعماقي ..
وأشوف العمر بك وحدك .. فرحي صار ملك إيديك ..
تراني ماعرفت القى لحبك حل أو معنى ..
تخيّل كثر مااحبك .. انا صاحي وأحلم فيك
تعال وناظر بقلبي .. علّك فيني تلاقي ..
جواب لك أسئلتك .. غرام يسرّك ويرضيك
انا يومي عشقتك قلت .. ياشمسي وإشراقي
ترى من يومها ماغاب نور ٍ اشرق بطاريك ..
انت بقلبي الدايم .. وانت ببالي الباقي
لك الله كيف ماتدري ..ابيع الكون لك وأجيك
لقيت بحبك الراحه .. بعد ماكنت انا الشاقي
صرت بعمري القصه .. ولا مر إلا احكيك

دام الحياه بالتمنّي .. ليتك معي وجزء مني
ليتك في عيني حبيبي .. ولروحي اقرب لي مني
لا حكوا عنك وعني .. دقات قلبي تونّ ِ
أحس دمعه بعيني .. تبي تبارك .. تهنّي
اذكر كلامك حبيبي .. تقول ليتك نصيبي
انتَ دواي وطبيبي .. مايوم خيّبت ظني
يسعد حياتك حياتي .. ياللي بوجودك غناتي
حسسني صوتك بذاتي .. وشلون ابسهر وأغني ..

إبتسَـم بشفاه ..ودموعه تسيل
في عيونه حزن .. وبثغره أمل
الدموع تجرّح الخد الأسيل ..
والشفاه تورّد الوجنه خجل ..
كل ماطاح بسهم عينه قتيل ..
إنتشى المقتول بسهام النجل ..
مايشيل الهم ذا الخصر النحيل ..
ولا يجوز بحسنها غير الغزل ..
غصن بان ٍ للهوى دايم يميل ..
كيف اذا هبّت عواصفها إعتدل ..
ماخِلق لمزايم الحمل الثقيل ..
الظبي ماينقل حمول الجمل ..

آه يالسنين اللي مضت..
كم خذت مني ..وماعطت
كم سرت بي طول الليالي ..
وشمس حبي تو ماشرقت ..
حبيبتي ..
مدري كيف تحسبين عمري ..
بأيام السنين ..
والا بأيام صبري .. !
تعرفين ان الزمن ماينتظر ..
وباقي العمر ..حبيبتي ماهو بأمري
سكوتي طال .. وصمتي شكى
وغصب عني .. صبري حكى
وشلون أحبس دموعي ..
وقلبي من ورى عيني بكى !
إن كان باقي أمل .. انا كلي إحساس
وإن كان كل شي رحل .. بعيش عمري مع الياس