ياوش بقى باعطيك مني ولا جاك؟=ماباقي الا روحي احيا بها لك
اوصف جمالك كل ما انشدت واهواك=وأزين ايامي بجلسة خيالك
ياالغايب الحاضر بقلبي ولا القاك=اقرب من عروقي وصعب منالك
شالك زماني عن عيوني ووداك=لاشك وثق في ضلوعي حبالك
يا حاجب شمسي ورى ليل جفواك=ما بالعهد بك قاسي في دلالك
وش غيرك يامنوة الروح واطغاك؟=على حبيب ما تخير بدالك
دنياي ما تصلح بلا شمس دنياك=والليل يوحش لو تغيب هلالك
ماينقطع ظما الهوى الا على ماك=ولا يهون حره الا ظلالك
ولا تشوف العين زين بلياك=ولا يطرب سمعي الا مجالك
ولا انتفض قلبي من الحب لولاك=ولولاك مايبدي علي مابدالك