عاتبوها.حامد زيد

..روحي تحبك.. · 17-07-2008, 10:37 AM

بعد ماقابلتني عاتبوها

على شوف الحبايب حاسبوها

خذوها وأبعدوها غصب عني

وعن وجهة طريقي جنّبوها

وشالوها عن عيوني غصيبه

عواذل وأغصبوني وأغصبوها

خذوها من يديني شوف عيني

وعن عيني تعدّوا وأحجبوها

كلام وصدّقوا بالبنت كذبه

وهم اللي من أول كذّبوها

وهم وشدخلهم في مال بيّن

لبوها والخلايق طالبوها

وفيّه لاتخون ولاتعاند

جسوره والمواعيد أرعبوها

ملاكٍ كامله والكامل الله

ولكن العواذل عذربوها

وهي كلما دعتني تشتكي لي

عن اللي سالفتنا سرّبوها

تخاف وتلتفت مع كل كلمه

تظن أن العواذل راقبوها

تلفّت من عقب ماهي جريئه

شجاعه ماتهاب وهيّبوها

وأهدّيها وأنا حاير وثاير

مصيبه ياعذابٍ عذبوها

وهم كلما خذوها عن طريقي

تراهم صوب قلبي قرّبوها

وأنا ماتعّبت قلبي خيانه

خيانه رتّبوها وأحسبوها

ولا يعجز خفوقي لايقابل

جفا من حاربوه وحاربوها

وأنا لي عزّة ٍ تفرض عليّه

أخاطب بالجفا من خاطبوها

وأكسر لوحة الماضي وأزيله

وأخرّبها مثل ماخرّبوها

وأذوّقهم ندم ماصار فيها

وأشرّبهم من اللي شرّبوها

وأدلّعها وأولّعها بنفسي

وأشرٌّقها بعد ماغرّبوها

وأعوّضها عن اللي راح كله

وعن ذيك الليالي كلّبوها

غلاها بالحشى لازال ثابت

ولو حتى بغيري حبّبوها

وغلاي بقلبها مرّ وتعدى

غلاها لأمها ولا لأبوها

بنـ عسوله ـوته · 17-07-2008, 02:38 PM

يسلموو

صح لساان الشااعر

وسلمت على النقل

..روحي تحبك.. · 18-07-2008, 12:00 AM

تحياااتي لج يا بنوته عسوله ولا تحرمينا من ردودك الجميله مثلك

دنيـآكـ دنيـآي · 18-07-2008, 12:03 AM

آهـ يآلقصيدهـ هذي كنت آيآم آسمعه وربي روعه

ويسلموو وتسلم يمينك على النقل الرائع

لآتحرمينآ من ذووقك يآلغلآ

تقبلي مروري \ دنيآك دنيآي

..روحي تحبك.. · 18-07-2008, 12:26 AM

انت الرائع يا دنياك دنياي.. كل هاي لعيونكم الحلوة

salembnb · 18-07-2008, 01:51 AM

مشكور وهذي القصيده بالعموم أنا أحبها كل شي فيها .... ومشكور ألف مره .

..روحي تحبك.. · 18-07-2008, 08:44 AM

salembnb

ولكمووو كل ذي من شانكم

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)