تحــذير من استخدام كاميرا اللاب توب

القلوب الساهيهـ · 26-07-2008, 03:43 AM

موضوع مهمـ وخطير

لذلك نقلته لكم لتنتبهوا حمانا الله وإياكم من اهل السوء والفساد

يقول صاحب الموضوع:

نصيحة لكم من من اعماق قلبي ..

تعرفون ان في الفتره هذه انتشرت اللابتوبات اللي فيها كاميرا
واي واحد شاري هالابتوب مبسوط فيه وراج راسنا بكاميرته
وماشي عند الناس فشخره لابتوبي فيه كاميرا

لكن اللي اغلبكم ما يعرفه انه انتشر برضو برنامج
يشغل الكاميرا بالمسنجر او السكايبي وانت ما تدري
يعني راعي البرنامج يدخل عليك ويشوفك وانت تحسب كاميرتك طافيه
والادهي والامر انه حتى الشخص اللي انت ما سويت له قبول يقدر يشغل كاميرتك عن
طريق الرسالة الفورية <<< هذه ميزة بمسنجر بلس

واللي خلاني اكتب الموضوع هالسالفة :

يوم الاثنين اللي فات كنت رايح لواحد من اخوياي
وهالولد انا افهم وش فيه من تعابير وجهة
وشفته مبين عليه الهم والغم والدنيا مو شايلته
سالته وش فيك ؟

وقالي سمعت عن البرنامج اللي يشغل كاميرا النت
قلت له ايييييه وش بلاه

قال انا يوم السبت تارك ماسنجري مفتوح واللابتوب مشغل
ورحت اتروش ورجعت ابدل بغرفتي <<< يعني كان عريان <<

يقول شويه واسمع صوت المسن اللي يطلع لو احد كتب لك كلام
ولما دخلت الا واحد يقولي شخبارك ومن هالكلام
وما امداه اخذ دقيقتين الا يقولي بوريك شيء .. مقطع فيديو

خويي تحمس وجا يبي يطالع الا المسكين شاف نفسه وهو يبدل

يقول خويي الحمد لله ما اغمي علي ولما اخذ وعطى
الولد قاله اذا ما تبي المقطع ينتشر ادفع لي 1000 ريال شحن سوا ترسلها لي

طبعن خويي ما وافق لانه عارف ان الولد بيرجع له مرة وثنتين و3

الولد للاسف عمره 21 ومبين عليه ( طعس ) وعاطل ومو هامه احد
حتى لما خويي قاله اتق الله فيني قاله مو شغلي ولا تفتحلي مواضيع دين

المهم ان الولد مهدد انه ينتشر المقطع
وخويي لما امس وهو مصدوم وحالته حاله وخايف

والسبب كله كاميرا اللابتوت اللي حنا فرحانين فيها

عشان كذا نصيحة مني لكم شوفو لها حل
غطوها بورقه او كسروها وجيبو وحده خارجية
او حطو عليها علك <<< الاخيرة فكرة هنود ما تلاحظون

حبيت انبهكم وبس والباقي عليكم....

وربي يستر على بنات المسلمين

مناة.الروح · 26-07-2008, 01:37 PM

ربي يحفظ الجميـــــــــــع ان شاء الله

تسلم يالغلااا ماقصرت ..

القلوب الساهيهـ · 27-07-2008, 09:57 PM

العفو طال عمرك

لاهنتي ع المرور

ღ.¸¸.الكاسر.¸¸.ღ · 27-07-2008, 10:06 PM

الله يحمينا لاهنتي على الطرح

تحياتي لك ودمتي بالف خير،،

القلوب الساهيهـ · 27-07-2008, 10:27 PM

<<< مايدري وش يرد

محمـد حلمي · 27-07-2008, 10:44 PM

بارك الله فيك اخي الكريم علي هذه النصيحه الغاليه

جعلها الله في ميزان حسناتك

وفي انتظار المزيد من روائعك...

دنيتي بعيونكـ · 27-07-2008, 11:40 PM

الله يستر علينا وعلى الجميع

مشكور اخوي عالتنبيه المهم

ربي يعطيك العافيه

مفاهيم الخجلεїз · 27-07-2008, 11:53 PM

او حطو عليها علك <<< الاخيرة فكرة هنود ما تلاحظون

ههههههههههههههاى هم بعد فكرهـ "

يعاافيك ربي خيوو ع التنبيه .. ماكنا نعرف هالشي "

تقديري"

سَفـِـ ـٌالغَرِامْ ـيْر · 27-07-2008, 11:59 PM

للأسف العرب غالينا

ما يستعملون التطور والتكنلوجيا

بالطريقه السلبيه ويقدرونها عن الإيجابيه

بالنسبه لي اكثر من شخص كنت اقوله

اذا نفس لاب توب فيه كام غطيه لا يجيبون بك العيد

عسى الله ان يحمي الجميع ويشغل نفس كل من اشغل

خلق الله بمثل هالتصرفات الصبيانيه

الله يعطيك العافيه حبك سراب ولاهنت ياغالي

القلوب الساهيهـ · 28-07-2008, 12:22 AM

مشكورين على مروركم الرائع

ولكم ان شاء الله بمثل مادعوتم لي

لاهنتوا

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)