[ ودنا بالطيب بس الدهر جحاد طيب]

القلوب الساهيهـ · 28-07-2008, 09:07 AM

اعزائي اعضاء منتديات روائع
اقدم لكم مجاراة الشاعر:راشد بن جعيثن لقصيدة الشاعر:سعد بن جدلان
اللي يقول فيها بن جدلان

ودنا بالطيب بس الدهر جحـاد طيـب
كل ما تخلص مع الناس كنـك تغشهـا
يدك لامدت وفاء لاتحرى وش تجيـب
كان جاتك سالمه حب يـدك وخشهـا
كل ماشبيت نار المحبـه مـع حبيـب
قام يسحـل فـي مشاهيبهـا ويرشهـا
وكل ما واجهت لك فالزمن وجه غريب
مثل ماقال المثـل دام تمشـي مشهـا
وذمةٍ ماهيب تنـدار للحـق المصيـب
جعل قشاش الحطب لاسـرح يقتشهـا

مجاراة الشاعر :راشد بن جعيثن لها

كان عينك ناظرت في عجب وقت عجيب
أسرق أيتـام العـرب مرتيـن وعشهـا
قالوا اللي جربوا كل طيـر لـه لعيـب
قبـل صيـدك للحبـارى تعـل ونشهـا
وكان كفك سالمة لا تعرضهـا الطبيـب
خوذ كلمة عـن ثمـان بـلاش وطشهـا
الرعايا بالهوى من بعيـد ومـن قريـب
عن مراعي خاطرك خذ عصاك وهشها

ولكم تحيتي..

!••{ سَمَا الرُوحَ • · 28-07-2008, 11:40 AM

مجارة فاقة الروعة
صح لسان الشعراء
ويسلم ذوقك
يعطيك الف عافية

مفاهيم الخجلεїз · 28-07-2008, 12:30 PM

"

مششاء الله عليك خيوو اختيارك رفيع "

صح لسان الشعرااء وسلمت يدينك خيوو "

/

أمتعتناا ..

ننتظر دائماا كل جديد منك "

ج ـنون الـورد · 28-07-2008, 01:03 PM

محاوره روعه

صح لسانهم

ويسلم ذوقك

لاعدمناك

دنيتي بعيونكـ · 28-07-2008, 08:03 PM

وكان كفك سالمة لا تعرضهـا الطبيـب
خوذ كلمة عـن ثمـان بـلاش وطشهـا
الرعايا بالهوى من بعيـد ومـن قريـب
عن مراعي خاطرك خذ عصاك وهشها

أي بالله انا اشهد

صحت ألسنة الشعراء
ويسلم لنا ذوقك اخوي

يعطيك العافيه

دنيـآكـ دنيـآي · 29-07-2008, 12:13 AM

بصرآحه مجآره رروعه بمعنى آلكلمه

يعطيك الف عافيه على انتقاءك الشعراء المميزين

تسلم يمينك يآرب يآذوووق

دنيآك دنيآي

القلوب الساهيهـ · 29-07-2008, 12:37 AM

مشكورين على مروركم الرااائع

والقصيدة انا جبتها عمدا

يوم دريت ان فيه عضو مايعرف الشاعر الكبير بن جدلان

لاهنتوا

najd-ksa · 31-07-2008, 03:13 AM

اممممممممممم

صح لساانه

وتبي الجد مااعرفه لان قراءتي لشعراااء مشهورين دايم السيف والبدر والملتاااع وغيرهم

همسه:

ماشاء الله اذا والله مهتم كثير بشعره ليه ماتنزل له موااضيع هناا

تعرف الكل ع الشاعر الاكلبي

(*37)
تحيتي:

نجد

القلوب الساهيهـ · 01-08-2008, 09:23 PM

والله يستاهل

وانتي المقصود لما نزلت هالقصيدة

ان شاء الله لي مع الشاعر هذا صولات وجولات

لاهنتي ع المرور

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)