هذا تعريفي إلى كلمة : مُحَال ،،،شي ودِّك فيه ولا يمكن يصير ..!

ج ـنون الـورد · 28-07-2008, 01:21 PM

صبــاحكم /مسائكم.... سكر

" تعريفـ المُحَـال "

:

جاني واحد قال : بسأل كم سؤال
وقبل يسأل قلت : أنا ماني خبير !
قال: جاوب بس , يا ولد الحلال
وكل كلمه حِطَّهَا .. فبيتٍ صغير
قال نبدي : شنهو تعريف المُحال..؟
قلت :
خَل هالكلمهـ
فـ البيت الأخيـر ..!
القهــر : إن شفت دمعـات الرجال
والوطن : ( إنسان ) .. مِتغيِّر كثير
والطفل : لعبه على شاطـي الرمال
والأمل : إحساس في عين الضرير
الوفا : [ قلبين ] .. يجمَعهُم حلال
والرَجُل : اللـي علـى أهلـه يغير
والرجا : لا قلت : للواطـي تعال
والفشل : مدري .. ولكنـه مرير
والشعر : في وقتنا .. بدر وطلال
زين وأوَّل : حيـل يعجبنـي جرير ..!
والغلا : إحساس إلى حَـد الخيال
والعِشِق : لا شفت مَعشُوقِك تطير
والجفا : إعكس مفاهيم / الوصال
والوَصِل : يعنـي تأكَّـد فيك خير
والعقل : تِسْفَـه أقاويـل الجهال
والجهل : إن قلت عن نفسك كبير
والخطر : لا صار ما عندك مجال
والبلا : إن صرت معدوم الضمير
والعجب : لا صرت تسأل منهو قال
والتعب : إن كنت تِبْحَثْ عن مصير
الغنى : بالنفس ما هو راس مال
والفقر : من كان .. بأعماله فقير
يكفي يكفي .. أسئله إنهي الجدال
ويالله علمني عَن .. السِّر الخطير
ما أبي تضرب لي في غيرك مثال
قول : عنِّك وإعتبر سِرِّك في بير
جات طعنـه مِن جنوبك والشمال
يعني وضعِك بين مِن حُولك خطير
صاحبـي وإن ضاقت بعينك ليال
لك فرشت القلب مفروش الحرير
في [ بلاد الحلم ].. ممنوع العقال
والمصيبه الشعب ما أختار الأمير
وما ألومك .. كان شدِّيت الرحال
دام بيتك جرح / وفراشك حصير
هذا تعريفي إلى كلمة : مُحَال
شي ودِّك فيه ولا يمكن يصير ..!

:

أحمد الصانع

!••{ سَمَا الرُوحَ • · 28-07-2008, 01:28 PM

قصيده روووعة لآحمد الصانع
صح لسانه ويسلم ذوقك الجميل
الف شكر

ديمه · 28-07-2008, 01:58 PM

والرجا : لا قلت : للواطـي تعال
والفشل : مدري .. ولكنـه مرير
والشعر : في وقتنا .. بدر وطلال
زين وأوَّل : حيـل يعجبنـي جرير ..!

رووووووووووعه بكل ماللكلمه من معنى

صح لسان الشاعر 00 ويسلم لنا ذوقك يابعدي

تقبلي مروري

ملـك الاحساس · 28-07-2008, 02:28 PM

قصيدة رائعه

يعطيك الف عافية

شاكر لك

تحياتي

دنيتي بعيونكـ · 28-07-2008, 08:07 PM

في [ بلاد الحلم ].. ممنوع العقال
والمصيبه الشعب ما أختار الأمير
وما ألومك .. كان شدِّيت الرحال
دام بيتك جرح / وفراشك حصير
هذا تعريفي إلى كلمة : مُحَال
شي ودِّك فيه ولا يمكن يصير ..!

الله على احمد الصانع
دائما مبدع ومميز

وانتي دائماً ذوق بإختيارك فديتك

تسلمي ياقلبي
ربي يعطيك العافيه

دنيـآكـ دنيـآي · 29-07-2008, 12:10 AM

اقتباس


	القهــر : إن شفت دمعـات الرجال

8

هذي تكفي عن آبيآت وآبيآت

يعطيك آلف آلف آلف عآفيه على القصيده الروعه

تسلم يمينك يآرب وعلى النقل المميز

ودي آموت شآكر لك يآذووووق

دنيآك دنيآي

ج ـنون الـورد · 29-07-2008, 01:19 AM

أتمنى دايم أختياري يوصل لمستوى أعجابكم

لاهنتم جميعا على المرور

حــ الـكـون ـلا · 30-07-2008, 01:26 AM

روووووووووووووووعة
أعجبتني حيييلـ

تسلمينـ ع الاختيار الحلو

الله يـ ع ـطيكـ العافية ولايحرمنا جديدكـ

ج ـنون الـورد · 31-07-2008, 05:39 AM

مشكوره حلا

لاعدمت مرورك يالغلا

^-^

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)