[ وش حيلتي وأردها لاتجيني]

القلوب الساهيهـ · 10-08-2008, 05:25 AM

هذي أقرب قصيدة لنفسي..لاحساسي انها تتكلم عن أشياء بداخلي
طبعا هي للشاعر السهل الممتنع محمد بن فطيس المري

يقول فيها

الضيقة اللـي دايـمٍ تالـي عصيـر
...وش حيلتـي وأردهــا لا تجيـنـي

لا طال ظل العود حزة عشـى الطيـر
....كنها على سجـن الحديـد تحدينـي

يضيق صدري كل ما جـات وأسيـر
....ولايخفـف سـوج رجلـي حنينـي

لا حولنا مشـراف ولا اقـدر اطيـر
....يالله قسـمـة خـيـر لا تبتليـنـي

وعقارب الساعة توقف عن السيـر
....ولاكن في الدوحة سواتـي حزينـي

والعبره اللي تاصل الحلـق وتحيـر
....يا قربها لو قيـل لـي يـا عوينـي

أمل شـوف النـاس ورد ومصاديـر
....واللي يقول اشفيـك كنـه يهجينـي

يعني على ما قيل من بـاب تصويـر
....(لاحدٍ أبي قربـه ولا أحـدٍ يبينـي)

أروح أدور خـط مـابـه دواويــر
....وأدور الـلـي هـادهـا تهتديـنـي

وآخذ مع الهاجـوس سجـة وتفكيـر
....وأراجع اللـي فـات بينـي وبينـي

وأحسـب ذنوبـي وأدور التكفـيـر
....عساي مـا قصـرت فـي والدينـي

وعساي ما قارنت من ينفـخ الكيـر
....واللي يحمل المسـك جعلـه قرينـي

ويطري علي يوم الحشر وأطلب مجير
....ما أعطى كتابي في شقيقـة يمينـي

ويطري علي صدقان كثـر الدنانيـر
....اللـي اتعادينـي إلا كـثـر ديـنـي

وراعي الهروج اللي سوات المناشير
....أصـد عنـه وأدري انـه يعنيـنـي

الله حسيبه يـوم عـرض القواويـر
....والله حسبـي مـن صـواب مكينـي

وإلا طرالـي واحـد كانـه اصغيـر
....أم أصغـر بيومـيـن ولا سنيـنـي

دريت وش قومـي وعينـت تفسيـر
....للضيقة اللـي مـن زمـن تعتلينـي

حبه بصدري سالفة سـر فـي بيـر
....وكـن الفـواد يقـول هـذا زبينـي

أشفق على علمٍ يجي منه مـن غيـر
....لا يسمع اللي سولفـوا بـه ونينـي

يا كثرهم غيرهم ولكـن خبـر خيـر
....ما غير شوفه في الوجـود يهنينـي

رايي كـذا يـا عاشقيـن الغناديـر
....ماله على وجـه البسيطـه وزينـي

العام أجيهم مـن حسـاب المساييـر
....واليوم حـال عـداي وينـه ووينـي

خطاي تعليق الأمـل فـي المدابيـر
....اليـن راح وشفـت حقـري بعينـي

صبرٍ جميـل وخابـر إنـه مقاديـر
....والله على تخفيـف حزنـي عوينـي

ذي حالتي لين اتغبا الشمس واصيـر
.....معطى سراحي عقب مانـا سجينـي

واذا امتلى جوف الشجر بالعصافيـر
....طلبـت مـن رب العبـاد يهديـنـي

يعتقني المذن عقب ضيقـة عصيـر
....اللي على سجـن الفـراق اتحدينـي

وسلامتكم .............

ملـك الاحساس · 10-08-2008, 05:57 AM

صح لسانك
ولسان الشاعر
قصيدة روائعه
لاهنت عالنقل الرائع
شاكر لك

!••{ سَمَا الرُوحَ • · 10-08-2008, 12:05 PM

صح لسانه
وصح ذوقك المميز ..
يعطيك الف عافية

مفاهيم الخجلεїз · 10-08-2008, 12:48 PM

"

القلوبـ ...

قصيدة سهلهـ وعذبهــ عن الشوق والفرقا ..

لشاعر مميز "

/

صح لسانهـ وسلمت يدينكـ خيوو "

:

تقديري "

عاشق هدب . . . · 10-08-2008, 12:59 PM

صح لسانك ولسان الشاعر

وسمعتها صوتية تقطع القلب والله

مشكور اخوي ع النقل

ارق تحيه

الهوى الغائب · 10-08-2008, 03:05 PM

صح لســـآنـ الشآعر ..

قصيدهـ مؤحـــزنهـ

لآهنتـ أخـــوي ع النقل

دمتـ بشوووق ياالغالي ..

القلوب الساهيهـ · 10-08-2008, 04:24 PM

مشكورين على مروركم الرائع

ولاخلا ولاعدم جميعكم

لاهنتوا

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)