يـــاجرح ماله طـب

سـراب المطيري · 12-08-2008, 05:11 PM

السلام عليكم

اول مشـــاركاتي بهالمنتدى
واكيد بتكوون بقسم الشعر

مـــاجيتكم الا من ظلم جربته
ظلم الاحباب اللي ذبحني

يـا صدمتـي فـي أكثـر احبابـي.. ويـا خيبـة ظنونـي
يـا ضيـق صـدري لا ذكـرت انّـي عليهـم مـا كذبْـت

يـا طعنـةٍ خلتـنـي انـسـى مــن سبايبـهـا.. طعـونـي
يا جرح ماله طـبّ حتـى لـو أقـول:- انـي استطبْـت

البـارحـه والله يـكـون بـعـون خفّـاقـي .. وعـونــي
أحـاول اهـرب مـن عمايلهـم ولـكـن مــا هـربْـت

مــا كـنـت احسّ اني أنا أنـا؟ وهـذا الكـون.. كونـي
أمُـرّ فـي حالـة ضيـاع.. وشـبـه غيبـوبـه.. وكـبْـت

أحــبــاب؟؟ أي أحباب ذول اللـي علـى موتـي خذونـي
الظاهـر انـي شبْـت ياعالـم.. وانـا مــا بـعـد شـبْـت

سألـت نـفـســي هـم يبونـي صـدق؟؟ ولا ّ مـا يبونـي؟
أجبْـت نفـسـي وليتـنـي عـلـى سـؤالـي مــا أجـبْـت

اللـي لهـم مُـدّه وهـم فــي داخـلـي .. واستغفلـونـي
يامـا استغـلـوا طيبـتـي معـهـم وكــل الـلـي وهـبْـت

وهبتهـم قلبـي.. وشعـري.. وكلمـا حـولـي ودونــي
تعبْـت معـهـم بــس مــا كـنّـي رغــم هــذا.. تعـبْـت

شـعـرت فـعـلاً بالـعـذاب وحـرقـة الـدمـع بعـيـونـي
قرّبتهـم مـنّـي وانــا الـلـي كـنـت احسْبـنّـي قـربْـت

عشانهـم قـررت ابيـع الـلـي مــن العـالـم شـرونـي
عشـانـهـم بـطّـلـت لـعــب.. وليـتـنـي والله لـعـبْــت

مادامـهـم مــا قــدّروا صـدقـي ومعـهـم جرجـرونـي
لـو ادري آخرهـا كـذا .. فـي ذمتـــي كــان انسحـبْـت

أحبابـهـم واجــد.. ولا ادري لـيـه فيـهـم علـقـونـي
مــع ان عـمـري ماجبـرت انســان فـينــي ولا غصبْـت

يـا قوّهـا صدمـه وانـا لــون الـغـدر مـاهـو بلـونـي
والله مــا أنــلام لــو بـعـد الــذي ســوّوه ..غـبْـت

مــاكـنـت نـاقـص صـدمه اخـرى في حياتي.. واصدموني
مصـدوم خِـلـقـه .. ليـن مـات الحـب فينـي وانعطبْـت

الحيـن مـدري كيـف اعاملـهـم وهــم مــا قـدّرونـي
مـا استـوعبـوا للّــي كتبـت مـن القصيـد.. ومـا كتبْـت

الله يجازيهـم عـلـى استـنـزاف عاطفـتـي وفنـونـي
ماكنـت حاسبهـم يبيعـون الـغـلا .. يـومـي حسـبْـت

اثْــر الغـلـط مـنـي لأنــي كـنـت معطيـهـم جـنـونـي
لكنّـي أعلنـهـا صريـحـه.. تـبْـت والله .. ثــم تـبْـت

مـا عـاد لـي رغـبـه أجــدّد فــي علاقتـهـم طعـونـي
خـسـرت فـي هـذا الـطريق اضعاف ضعف اللي كسبْت

أحســن لـي ابعــد واشـتـري نفسـي ولا خيبـة ظنونـي
إن طبـْت مـن جـرحــي .. وإلا ّ جَعلنـي مـا يـوم طبْـت

أتمنى تعجبكم

ج ـنون الـورد · 12-08-2008, 05:34 PM

الله عليك وربي روووووووووعه بالحيل

كل بيت أحلى من الثاني

جد راقت لي القصيده

يعطيك العافيه

ولاهنتِ

دنيتي بعيونكـ · 13-08-2008, 05:01 AM

اثْــر الغـلـط مـنـي لأنــي كـنـت معطيـهـم جـنـونـي
لكنّـي أعلنـهـا صريـحـه.. تـبْـت والله .. ثــم تـبْـت

مـا عـاد لـي رغـبـه أجــدّد فــي علاقتـهـم طعـونـي
خـسـرت فـي هـذا الـطريق اضعاف ضعف اللي كسبْت

أحســن لـي ابعــد واشـتـري نفسـي ولا خيبـة ظنونـي
إن طبـْت مـن جـرحــي .. وإلا ّ جَعلنـي مـا يـوم طبْـت

اي بالله بالحييييييييييل روووووووعه
ذائقتكـ رائعه وراقيه الله يحفظكـ
صح لسان شاعرها وناقلها
ويعطيكـ العافيه اخوي

مفاهيم الخجلεїз · 13-08-2008, 09:23 AM

×

.

صح لسان قايلهاا ...

وسلمتـ يدينكـ ,,

‘

‘

تقديري "

*

tinhi16 · 13-08-2008, 12:51 PM

ابيات قوية خيتو

للأسف

الله يعطيك العافية ع الطرح الجميل

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)