الحريـــم وانتم بكـــرامه

دنيتي بعيونكـ · 13-08-2008, 07:15 AM

السلام عليكم ورحمة الله وبركاته

قبل ماادخل للموضوع احب انوهـ

ان هذا الموضوع منقول من كاتبه ( حـمودي )

ونقلته لكم بأسلوبه

لانه شي له فترهـ قاهرني مرهـ واستغربته كثير

مااطول عليكمــ ،،،،،/

/

مــساء الخــير للكُل

فــي البــداية أحب أوضــح نقطة مـهمة ,, وهـي إني ما أبغى أطول بالـموضوع اكثر من اللازم من مبدأ (( خير الكلام ما قل ودل )) <<< لا يكثر

بصراحة الموضوع يتطرق لشيئ سيئ للأسف وهو موجود عند البعض منا وربما أكثرنا للأسف الشديد ...

هذا الموضوع هو ذكر المرأة (( الحرمه )) وإن كثير من الأشخاص يحاول تلافي ذكر سيرة المرأة !! فمثلآ لو كان واحد منا عنده مشوار مثلآ لتوصيل أهله إلى مكان ما ( أقارب ,, سوق ,, ... الخ )) تلقاه ما يجيب سيرة أهله ويقول (( عندي شغل )) <<< عليك أمثله بعد

الــقــصــة :

كنت جاي مره من الــشمال للرياض ويوم أقبلت على الرياض بـ 70 كيلو تقريبآ .. شفت واحد على طرف الخط قاعد يأشر للسيارات علشان يساعدونه <<< أجل علشان يصورون معه

المهم أنا بصراحة ما كان عندي نيه أوقف عنده علشان ما آخذه معي وأطيح في ورطه (( منيب ناقص سين و جيم ))

ولكن شفت معاه حرمتين جالسات ورا السيارة ورحمتهن بصراحه لأن الجو حر (( العصر ))

مالكم بالطويلة .. وقفت عنده

- السلام عليكم
هـو: عليكم السلام
- آمر يا عم وش بغيت ؟

هـو : والله يا ولدي تعطلت السيارة ولا ندري وش علتها !!
- والمطلوب ؟ <<< يلعن ابو الإسلوب
هــو :المطلوب يا ولدي إنك توصلنا على طريقك للرياض لأن عندنا موعد بكره بالمستشفى , وسيارتنا نجيها بوقـتـ(ن) ثاني ونشوف لها دبره
-تامر أمر يا عم

هــو: لكن يا ولدي (( ويلتفت للحريم اللي معه )) قال : ( لكن معي حريم وأنت بكرامة !! ))
- نعم ؟
هـــو :معي حريم وأنت بكرامة !!

- وأنا بكرامة ؟ ليش هالحريم اللي معك نجسات ؟ وبعدين أنا ما أركب نجاسة بسيارتي . << الضغط مليونين

هــو: لا والله يا ولدي .. بس تعرف هالشي تعودنا و تربينا عليه
- والله يا عمي إذا أنت متربي على كذا .. حنا ما تربينا عليه .. وأنا آسف إني أقول لك ما راح أوصلكم وخلك أنت وإياهن سوا
- سلااااام .. ومشيت من عنده !!

(( لو الود ودي أخذت الحريم وخليته لحاله نــكـايــةً به <<< يا عيييييني عليك

( ذهبت من عنده وأنا اُكيل له أنواع الشتائم وألعنه في سري ) <<< قلبها روايه

أللي ودي أعرفه :

.... ماهو السبب اللي يخلينا متخلفين للدرجه هاذي ؟
(( ليه ؟ الحرمه مهيب أم ؟ واخت ؟ وزجة ؟ ووووو .. الخ )

.... هل ما زال هُناك الكثير من الناس ينظرون إلى المرأة هذه النظره الناقصه والقاصره ؟
(( أنا أعتبر صاحب هذه النظره شخص مسكين ))

/

/

تعليقي عالموضوع ،،،،

بصراحه انا عمري ماسمعت بهالشي الا مرهـ يوم تسجيل حلقات شاعر المليون
كان داخل مشاركـ من دوله خليجيه على اللجنه وقال بالقصيدهـ المرهـ الله يكرمكم
بجد انا استغربت واتنرفزت ولوان الشاعر تركي المريخي هزأهـ وقال رغم ان قصيدتك جزله
بس مستحيل اجيزكـ <<< حسيت برد كبدي بس برضو كان ودي اذبحه

لما سألت الوالدهـ قالت ايام زمان كانوا يستحقرون المرهـ ومايكلون معاها بصحن واحد ويتجنبون الكلام عنها ولازم لاجا طاريها يكرمون بعض
ليه اهي كلب << اعذروني على اللفظ الله يكرمكم عنه جميع
بس بجد شي ينرفز ... يعني زمان وجاهلين ... بس معقووول للحين هالجهل والتخلف مستأصل
ماانقطع ؟!!

........ اعذروني عالاطاله واتمنى تعطوني رايكم ..

عاشقة الجنان · 13-08-2008, 10:26 AM

المره خلقها رب العالمين مثل ما خلق الرجال والاسلام حرر المره من هذي القيود وعطاها الحق فكل شي مثل ماعطى الرجال حق فكل شي...........
ليش هالتخلف وليش هالشكوك...........
تسلمين اختي فديتج ع الموضوع

صـالح · 13-08-2008, 10:52 AM

كان معاي واحد بالعمل من أحد مناطق المملكة ودايم إذا جاب سيرة المرأه قال وانتم كرامه ولما سألته عن هالعاده القبيحة
قال كل جماعتنا وأهل منطقتنا كذا والوضع طبيعي وقعد يبرر تبريرات تدل على إن اللي قدامي إنسان جاهل وأمعة
سمع كلام وجلس يردده مثل الببغاء ... ومدري إلى متى وحنا متمسكين بأغلب هالعادات والعنصريات اللي فيها تفرقة
سواء ً بين الجنسين او الجنس الواحد ... وجميعها ضررها أكثر من نفعها وبالنهاية كلنا بشر وجنس واحد وأبناء رجل واحد
عموماً الله يهديهم ومشكور أخوي دنيتي بعيونك على النقل وتقبل مروري

tinhi16 · 13-08-2008, 11:35 AM

صراحة هاذ تخلف

لما يتزوجها .. يرضى ينام مع انسان نجس ؟!!!

و لما تطبخلو زوجتو او اختو او امو .. يرضى ياكل من يد انسان نجس ؟!!

بجد هون يبين ان تفكيرهم ما له اي علاقة لا بالمنطق أولا .. لا بالدين ثانيا

ما اقول الا الله يهدي الجميع

و طرح جميل أخي

الله يعطيك العافية

رمز المحبه · 13-08-2008, 11:42 AM

عاااادهـ قبيحهـ منـ نااااس اقبح

ولا لولا المرأه مااايمديكـ جيتـ انتـ ياالي تقووول للمرأه وانتم بكرآآآمه ...

شي يرفع الضغط من جد

كل الشكر لك اخوي دنيتي

اق التحااايا

ج ـنون الـورد · 13-08-2008, 01:05 PM

بزمن الرسول مانقالت ألحين تنقال

الله المستعان

أول مره أسمع بكذا شيئ

موضوع يرفع الضغط ويجيب المغص

طيب أهو من جابته أمه يعني أمه نجسه

الله مير يعين الحريم الي معه

الرسول صلى الله عليه وسلم قال : ( أمك ثم أمك ثم أمك ثم أبوك ) و ( الجنه تحت أقدام الامهات )

وقال تعالى : ( رفقآ بالقوارير )

تفكير رجعي لواحد جاهل ومتخلف في تفكيره
ماقول غير

’’ ياصبر الأرض على موطى البقر ’’

يعطيك العافيه دنيتي

طرح مميز ..

لمسة ابداع · 13-08-2008, 01:21 PM

كما ذكروا من هم قبلي ..

للاسف لا زالوا ايضا يتفاخرون بهذا الشيء ..

قبل فتره طويله تقريبا سنه ..

وضع تقرير باحدى الصحف ..

ورغم ان هناك اشياء اكبر من ان تقال فقط ( اكرمكم الله )

ومنها ..

عدم ان تكشف المراه لزوجها ..

عدم اكل المراه مع زوجها ..

والكثير الكثير الذي ربما يعلمه البعض منا ..

.
.

اعتبره جهل والله المستعان ..

.
.

تقبل مروري

اخوك // همسة ابداع

دنيتي بعيونكـ · 13-08-2008, 10:58 PM

اقتباس

أرسل أصلا بواسطة عاشقة الجنان


	المره خلقها رب العالمين مثل ما خلق الرجال والاسلام حرر المره من هذي القيود وعطاها الحق فكل شي مثل ماعطى الرجال حق فكل شي........... ليش هالتخلف وليش هالشكوك........... تسلمين اختي فديتج ع الموضوع

ربي يسلمكـ ويخليكـ يالغلا

شاكرهـ لكـ مروركـ وردكـ الاروع

شرفتيني

دنيتي بعيونكـ · 13-08-2008, 11:16 PM

اقتباس

أرسل أصلا بواسطة صـالح


	كان معاي واحد بالعمل من أحد مناطق المملكة ودايم إذا جاب سيرة المرأه قال وانتم كرامه ولما سألته عن هالعاده القبيحة قال كل جماعتنا وأهل منطقتنا كذا والوضع طبيعي وقعد يبرر تبريرات تدل على إن اللي قدامي إنسان جاهل وأمعة سمع كلام وجلس يردده مثل الببغاء ... ومدري إلى متى وحنا متمسكين بأغلب هالعادات والعنصريات اللي فيها تفرقة سواء ً بين الجنسين او الجنس الواحد ... وجميعها ضررها أكثر من نفعها وبالنهاية كلنا بشر وجنس واحد وأبناء رجل واحد عموماً الله يهديهم ومشكور أخوي دنيتي بعيونك على النقل وتقبل مروري

بجد المشكله اغلبهم اخذوها كعادهـ وعرف
على قولكـ الله يهديهم

العفووو خيووو
وانا اختكـ مو اخوكـ (*37)

شاكرهـ لكـ روعة مروركـ وردكـ

لاعدمتكـ

دنيتي بعيونكـ · 13-08-2008, 11:24 PM

اقتباس

أرسل أصلا بواسطة tinhi16


	صراحة هاذ تخلف لما يتزوجها .. يرضى ينام مع انسان نجس ؟!!! و لما تطبخلو زوجتو او اختو او امو .. يرضى ياكل من يد انسان نجس ؟!! بجد هون يبين ان تفكيرهم ما له اي علاقة لا بالمنطق أولا .. لا بالدين ثانيا ما اقول الا الله يهدي الجميع و طرح جميل أخي الله يعطيك العافية

اللهم آمين الله يهديهم

مروركـ وردكـ الاجمل حبوبه

بس انا اختكـ والله

لاعدمت طلتكـ الغاليه يارب

أدوات الموضوع
عرض نسخة للطبع إرسال هذه الصفحة إلى بريد إلكتروني
أنماط العرض
النمط الخطي الانتقال إلى النمط المختلط الانتقال إلى النمط الموضوعي

مستخدمين موجودين حالياً يشاهدون الموضوع: 1 (0 أعضاء و1 ضيوف)