[align=center]ياكثركـم كثـراه يـامـال النـفـود
ياهل القصايد والمدايـح فـي لميـس
رحتوا ضحايـا للشفايـف والخـدود
اللي عليها مـن دقيـق الفـن كيـس
القدس محتلـه تحـت حكـم اليهـود
مستيسره في حكم طاغـوت نجيـس
وبغداد في حكـم الثعالـب والقـرود
لا شعب لادولـه ولا حتـى رئييـس
رسولنـا سبّـوه والعالـم شـهـود
وتاريخنا يرفس به الطاغـي رفيـس
عدونـا مـن خلفنـا يبغـي يسـود
له خطة واهداف يضرسها ضريـس
اسلامنا كـل العـداء ضـده تكـود
من اكبر الحاخام لين اصغـر لويـس
اطفالنـا تقتـل علـى يـد الحقـود
وابطالنا راحـوا ضحايـا خندريـس
واسلاحنـا ماغيـر نرجـم بالحيـود
واطلق شنب فينا معه بنـدق رويـس
شح المطـر لانـو لابـرق ورعـود
والارض مثل النار تلهب في يبيـس
وحنا نغني فـي لميـس ام الجعـود
والوضع عادي للجليـس وللونبيـس
ياحيف ويش اللي حصل ياهل العهود؟
يا احفاد من يحمى ليا حمي الوطيـس
اللي علـى الاسـلام والسنـه تـذود
اللي تدوس الشرك واصنامه دويـس
امجادكم في نقـص واعداكـم تـزود
غرتكـم الدنيـا ويغريـكـم بلـيـس
نسمع قصيـد جعـل يومـه مايعـود
والهرج له مقياس وين اللي يقيـس؟
لصار مال الهرج فـي معنـاه فـود
احسن تسد ااذنك ودور لـك جليـس
الهرش يبقى هرش والحاشي قعـود
والحر يبقى حر ولا الهيـس هيـس
ياللي تناسيتـو مـن الـرب الـودود
تعوذوا من نزغـة ابليـس الخسيـس
وجيهكم مـن كثـر ماتعصـاه سـود
واللي غفل عن طاعة المولى تعيـس
توبوا عن الزلات واصحـوا يارقـود
وتمعّنوا فـي حالـة الحـال البئيـس
المشكله صار العـدم مثـل الوجـود
وانتوا هل التوحيـد معدنكـم نفيـس
ياهـل الشهامـه ياعريبيـن الجـدود
لاتندبون الوقـت والحـظ النحيـس
اظــن مايحـتـاج للسـائـل ردود
الرد والمعنى علـى جبهـة لميـس
[/align]

صح لسان شاعرها
ولا هان ناقلها

اختيار رائع

يعطيك العافيه

مودتي







sweat angel